ବାଲେଶ୍ୱରରେ ୪୮ ଘଣ୍ଟା ଇଣ୍ଟରନେଟ୍ ସେବା ବନ୍ଦ, ଶାନ୍ତିଶୃଙ୍ଖଳା ବଜାୟ ରଖିବାକୁ ପ୍ରଶାସନର ଅପିଲ

Published By : Prameya-News7 Bureau | June 18, 2024 IST

ବାଲେଶ୍ବର ୧୮।୬: ବାଲେଶ୍ୱରରେ ୪୮ ଘଣ୍ଟା ଇଣ୍ଟରନେଟ୍ ସେବା ବନ୍ଦ । ପରିସ୍ଥିତିକୁ ଦୃଷ୍ଟିରେ ରଖି ଇଣ୍ଟରନେଟ୍ ସେବା ବନ୍ଦ କରାଯାଇଛି । ଶାନ୍ତିଶୃଙ୍ଖଳା ବଜାୟ ରଖିବାକୁ ପ୍ରଶାସନ ଅପିଲ କରିଛି । ବାଲେଶ୍ୱରରେ ଦୁଇ ସମ୍ପ୍ରଦାୟ ଭିତରେ ସୃଷ୍ଟି ହୋଇଥିବା ଉତ୍ତେଜନା ଉଗ୍ର ରୂପ ନେଇଥିଲା । ପରିସ୍ଥିତିକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ପକ୍ଷରୁ ମଙ୍ଗଳବାର ବିଳମ୍ବିତ ରାତିରେ ବାଲେଶ୍ୱର ମ୍ୟୁନିସିପାଲିଟି ଅଞ୍ଚଳରେ କର୍ଫ୍ୟୁ ଜାରି କରାଯାଇଥିଲା । ଏହି ସମୟରେ ଆଇନ ଶୃଙ୍ଖଳା ମାନିବା ସହ ଶାନ୍ତି ଶୃଙ୍ଖଳା ବଜାୟ ରଖିବା ପାଇଁ ବାଲେଶ୍ୱରବାସୀଙ୍କୁ ଏସପି ସାଗରିକା ନାଥ ନିବେଦନ କରିଥିଲେ । 

ସୂଚନାଯୋଗ୍ୟ ଯେ, ଇଦ୍‌-ଉଲ୍-ଜୁହା  ଅବସରରେ ସଂଖ୍ୟାଲଘୁ ସମ୍ପ୍ରଦାୟର ଲୋକେ  ସୋମବାର ସକାଳେ ଦରଘା ପଡ଼ିଆରେ ନମାଜ  ପାଠ କରିଥିଲେ । ସମସ୍ତେ ପୂର୍ବ ପୁରୁଷମାନଙ୍କୁ  ମନେ ପକେଇବା ଉଦ୍ଦେଶ୍ୟରେ ଦରଘା  ମଇଦାନ ସ୍ଥିତ କଦମ୍‌ ରସୁଲ କବର ସ୍ଥାନରେ ପହଞ୍ଚି ଆଶୀର୍ବାଦ ନେଇଥିଲେ । ପରେ ପରସ୍ପରକୁ  ଇଦ୍‌-ଉଲ୍-ଜୁହା ଶୁଭେଚ୍ଛା ଜଣାଇଥିଲେ । ଏହି  ସମୟରେ ସୁନହଟ୍‌ ସ୍ଥିତ ଏକ ଡ୍ରେନ୍‌ରେ ଲାଲ ରଙ୍ଗର କୌଣସି ଦ୍ରବ୍ୟ ପଡ଼ିଥିବା ଦେଖି ଅନ୍ୟ   ଏକ ଗୋଷ୍ଠୀର ଲୋକେ ତାତିଥିଲେ । ସେମାନେ   ଏହାକୁ ରକ୍ତ ବୋଲି ଦାବି କରିଥିଲେ । ଏହାକୁ   ଗୋଟିଏ ଗୋଷ୍ଠୀ ଗୋ-ରକ୍ତ ଦାବି କରି ଉତ୍‌କ୍ଷିପ୍ତ  ହୋଇପଡ଼ିଥିବା ବେଳେ ଅନ୍ୟ ଗୋଷ୍ଠୀ ଏହାକୁ  ଅସ୍ୱୀକାର କରିଥିଲେ । ଏହାକୁ ନେଇ ଉତ୍ତେଜନା  ଦେଖାଦେଇଥିଲା । ଉଭୟ ଗୋଷ୍ଠୀ ମୁହାଁମୁହିଁ  ହେବା ସହ ଢେଲା ପଥର ମାଡ଼ କରିଥିଲେ । ପରେ ଗୋଟିଏ ଗୋଷ୍ଠୀ ପାତ୍ରପଡ଼ା-ଚାନ୍ଦିପୁର ରାସ୍ତା  ଅବରୋଧ କରିଥିଲେ । ଏହାକୁ ନେଇ ଉଭୟ  ଗୋଷ୍ଠୀ ପୁଣି ଟେକା ପଥର ମାଡ଼ ସାଙ୍ଗକୁ ରାସ୍ତା  ପାଶ୍ୱର୍ରେ ଥିବା କେତେକ ବାଇକ୍‌ ଓ ଚାରିଚକିଆ  ଯାନକୁ ଭଙ୍ଗାରୁଜା କରିଥିଲେ ।

You Can Read :

କିଏ ବିଜେଡିର ବିରୋଧୀ ଦଳ ନେତା ହେବ ଦଳ ସଭାପତି ଚିନ୍ତା କରିବେ : ବଦ୍ରି ପାତ୍ର

 

  • odisha
  • OdishaNews
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.