ଢେଙ୍କାନାଳ ୨୦/୫: ବାଇକ ଉପରେ ଚଢିଗଲା ହାଇୱା । ଗୋଟିଏ ପରିବାରର ୪ ମୃତ ।ଢେଙ୍କାନାଳ ଜିଲ୍ଲା ନିହଲପ୍ରସାଦ ଥାନା ପିଙ୍ଗୁଆ ନିକଟରେ ମର୍ମନ୍ତୁଦ ଦୁର୍ଘଟଣା । ଗୋଟିଏ ପରିବାରର ସ୍ବାମୀ-ସ୍ତ୍ରୀ ଓ ୨ ପିଲାଙ୍କ ଜୀବନ ନେଇଛି ଦୁର୍ଘଟଣା । ସୋମବାର ଦ୍ବିପହରେ ଖଙ୍କିରା ଗାଁର ଦଂପତ୍ତି ୧୧ବର୍ଷର ପୁଅ ଓ ୫ ବର୍ଷର ଝିଅକୁ ଧରି ପଲସର ବାଇକରେ ବନ୍ଧୁ ଘରକୁ ଯାଉଥିଲେ ।
ତେବେ ସାମ୍ନା ପଟୁ ବାଇକକୁ ହାଇୱା ପିଟିଦେବାରୁ ଘଟଣାସ୍ଥଳରେ ସ୍ବାମୀ-ସ୍ତ୍ରୀଙ୍କ ମୃତ୍ୟୁ ହୋଇଯାଇଥିଲା । ପୁଅ-ଝିଅଙ୍କୁ ଗୁରୁତର ଅବସ୍ଥାରେ ବରପଦା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲେ ମଧ୍ୟ ଜୀବନ ବଞ୍ଚାଇବା ସମ୍ଭବ ହୋଇନଥିଲା । ସେଠାରେ ଉଭୟଙ୍କୁ ଡାକ୍ତର ମୃତ ଘୋଷଣା କରିଥିଲେ । ଦୁର୍ଘଟଣା ଘଟାଇ ଡ୍ରାଇଭର ଫେରାର ହୋଇଯାଇଛି । ପୋଲିସ ଗାଡିକୁ ଜବତ କରି ତଦନ୍ତ କରୁଛି । ।
