UCCIL ସମ୍ମିଳନୀ ହଲ୍‌ ପ୍ରଧାନମନ୍ତ୍ରୀ ଇଣ୍ଟର୍ଣ୍ଣସିପ୍ ଯୋଜନା ଆୟୋଜିତ

ଭୁବନେଶ୍ବର: ଭାରତ ସରକାରଙ୍କ କର୍ପୋରେଟ ବ୍ୟାପାର ମନ୍ତ୍ରଣାଳୟ ବ୍ୟାନରରେ RoC-cum-OL ଏବଂ ଓଡ଼ିଶା ଉତ୍କଳ ଚାମ୍ବର ଅଫ୍ କମର୍ସ ଆଣ୍ଡ୍ ଇଣ୍ଡଷ୍ଟ୍ରି ଲିମିଟେଡ (UCCIL) ସହାୟତାରେ ପ୍ରଧାନମନ୍ତ୍ରୀ ଇଣ୍ଟର୍ଣ୍ଣସିପ୍ କାର୍ଯ୍ୟକ୍ରମ ଆୟୋଜନ ହୋଇଯାଇଛି। ରବିବାର ସକାଳ ୧୦ଟାରେ UCCILର ସମ୍ମିଳନୀ ହଲ୍ରେ ଏହି କାର୍ଯ୍ୟକ୍ରମର ଆୟୋଜନ ହୋଇଥିଲା।

ପ୍ରଧାନମନ୍ତ୍ରୀ ଇଣ୍ଟର୍ଣ୍ଣସିପ୍ ଯୋଜନା (PMIS) ହେଉଛି ଭାରତ ସରକାରଙ୍କ ଅଭିନବ ପ୍ରୟାସ। ଏହା ମୁଖ୍ୟତଃ ବ୍ୟାପାର ମନ୍ତ୍ରଣାଳୟ ମାଧ୍ୟମରେ ପରିଚାଳିତ। ଏହି ଯୋଜନାର ଲକ୍ଷ୍ୟ ଦେଶର ଯୁବପୀଢ଼ୀଙ୍କୁ ବ୍ୟବହାରିକ କାର୍ଯ୍ୟର ଅଭିଜ୍ଞତା ପ୍ରଦାନ କରିଥାଏ।

ଖାଲି ସେତିକି ନୁହେଁ ପିଏମଆଇଏସ୍ର ଉଦ୍ଦେଶ୍ୟ ହେଉଛି ସାରା ଭାରତର ଶ୍ରେଷ୍ଠ କମ୍ପାନିଗୁଡ଼ିକରେ କାମ କରିବା, ବ୍ୟବସାୟିକ ଅଭିଜ୍ଞତା ପ୍ରଦାନ କରି ଶିକ୍ଷାଗତ ଶିକ୍ଷା ଏବଂ ଶିଳ୍ପ ଆବଶ୍ୟକତା ମଧ୍ୟରେ ପାର୍ଥକ୍ୟକୁ ପୂରଣ କରିବା। ଇଣ୍ଟର୍ଣ୍ଣସିପ୍ ଅବଧି ୧୨ ମାସ ରହିଛି। ଏହି ଅବଧି ମଧ୍ୟରେ ଇଣ୍ଟର୍ଣ୍ଣମାନେ ମାସିକ ୫ ହଜାର (ସରକାରଙ୍କ ଠାରୁ ୪୫୦୦, କମ୍ପାନି ୫୦୦) ଷ୍ଟାଇପେଣ୍ଡ୍ ପାଇଥାନ୍ତି ଏବଂ ଯୋଗଦାନ ପରେ ୬ ହଜାର ଏକକାଳୀନ ଅନୁଦାନ ପା’ନ୍ତି।

ନିମ୍ନଲିଖିତି ଯୋଗ୍ୟ ପ୍ରାର୍ଥୀମାନେ ପିଏମଆଇଏସ ପାଇଁ ସରକାରୀ ପୋର୍ଟାଲ ମାଧ୍ୟମରେ ଅନଲାଇନରେ ପଞ୍ଜିକରଣ ଏବଂ ଆବେଦନ କରିପାରିବେ।

• ୨୧ରୁ ୨୪ ବର୍ଷ ବୟସର ଭାରତୀୟ ନାଗରିକ ହୋଇଥିବା ଆବଶ୍ୟକ
• ପୂର୍ଣ୍ଣକାଳୀନ ଚାକିରି କିମ୍ବା ପୂର୍ଣ୍ଣକାଳୀନ ଶିକ୍ଷାରେ ନଥିବା ଆବଶ୍ୟକ (ଅନଲାଇନ/ ଦୂରଶିକ୍ଷା ଅନୁମତି ପ୍ରାପ୍ତ)
• ଉଚ୍ଚ ବିଦ୍ୟାଳୟ, ଆଇଟିଆଇ ସାର୍ଟିଫିକେଟ, ପଲିଟେକନିକ୍ ଡିପ୍ଲୋମା କିମ୍ବା ସ୍ନାତକ ଡିଗ୍ରୀ (ବିଏ, ବିଏସସି, ବି.କମ୍ ଇତ୍ୟାଦି) ପରି ନିର୍ଦ୍ଧିଷ୍ଟ ଯୋଗ୍ୟତା ପୂରଣ କରିଥିବା ଆବଶ୍ୟକ

ନିମ୍ନଲିଖିତ ସଦସ୍ୟ UCCILର କମ୍ପାନିଗୁଡ଼ିକ ୧୬ .୧୧. ୨୦୨୫ରେ UCCILର ସମ୍ମିଳନୀରେ ହଲ୍ରେ ସକାଳ ୧୦ଟାରୁ ଅପରାହ୍ନ ୪ଟାରେ ପର୍ଯ୍ୟନ୍ତ ଅନୁଷ୍ଠିତ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ସେମାନେ ହେଲେ, ମେସର୍ସ ଏସ୍ ଏନ୍ ମହାନ୍ତି ଗ୍ରୁପ୍ ଅଫ୍ କମ୍ପାନୀଜ୍, ମେସର୍ସ ଏମ୍ଜିଏମ୍ ଗୁପ୍ ଅଫ୍ କମ୍ପାନୀଜ୍, ମେସର୍ସ ଜେଏସ୍ଡବ୍ଲୁ, ମେସର୍ସ ଉତ୍କଳ ଆଲୁମିନା, ମେସର୍ସ ଫାଲକନ ମାରିନ୍ ଏକ୍ସପୋର୍ଟସ ଲିମିଟେଡ୍, ମେସର୍ସ ବାଟୋଇ ସିଷ୍ଟମସ ପ୍ରା. ଲିମିଟେଡ୍, ମେସର୍ସ ସିଏସଏମ ଟେକ୍ନୋଲୋଜିସ ପ୍ରା. ଲିମିଟେଡ, ମେସର୍ସ ବନ୍ଧନ ବ୍ୟାଙ୍କ, ମେସର୍ସ ଜନକୀ ଇଣ୍ଡଷ୍ଟ୍ରିଆଲ୍ ପ୍ରଡକଟସ୍ ପ୍ରା. ଲିମିଟେଡ୍, ମେସର୍ସ ଅନ୍ନପୂର୍ଣ୍ଣା ଫାଇନାନ୍ସ, ମେସର୍ସ ଭିଲ୍ଡ ସିଷ୍ଟମସ।

ନିଯୁକ୍ତି ମେଳାର ପ୍ରଥମ ପର୍ଯ୍ୟାୟରେ, ଓଡ଼ିଶାର ଆର୍ଓସି ସୁଧୀର କପୂର ଉପସ୍ଥିତ ଥିଲେ ଏବଂ ଏଆରଓସି ସୌରଭ ରାହା ସେମାନଙ୍କ ଦଳର ସଦସ୍ୟମାନଙ୍କ ସହ ଉପସ୍ଥିତ ଥିଲେ। UCCILର ସଭାପତି ଡକ୍ଟର ପ୍ରବୋଧ ମହାନ୍ତି, ଅବୈତନିକ ସଚିବ ଡକ୍ଟର ସଞ୍ଜୀବ ମହାପାତ୍ର, ଜେ.କେ ରଥ ଉପାଧ୍ୟକ୍ଷ (ଶିଳ୍ପ), ଅବୈତନିକ ଯୁଗ୍ମ ସଚିବ ସନ୍ତୋଷ ଅଗ୍ରଓ୍ବାଲ, ଅବୈତନକ ଯୁଗ୍ନ କୋଷାଧ୍ୟକ୍ଷ ଏସ୍ କାହ୍ନୁ ରଞ୍ଜନ ପୃଷ୍ଟି, ସଦସ୍ୟ ସି.ଏସ୍ ସରୋଜ ରାୟଙ୍କ ସହିତ କାର୍ଯ୍ୟକ୍ରମ ପରିଚାଳନା କରିଥିଲେ। ନାରାୟଣ କୁମାର ଅବୈତନିକ କୋଷାଧ୍ୟକ୍ଷ ଲଜିଷ୍ଟିକ୍ସ ଆୟୋଜନ କରିଥିଲେ।