ଅଭାବନୀୟ, ମାନସିକ ବିକୃତ ବ୍ୟକ୍ତିଙ୍କ ଆକ୍ରମଣରେ ଯୁବକ ମୃତ

ଚିତ୍ରକୋଣ୍ଡା: ମାନସିକ ବିକୃତ ବ୍ୟକ୍ତିଙ୍କ ଆକ୍ରମଣରେ ଯୁବକଙ୍କ ମୃତ୍ୟୁ। ଏଭଳି ଏକ ଅଭାବନୀୟ ଘଟଣା ଘଟିଛି ଚିତ୍ରକୋଣ୍ଡା ଦୈନିକ ବଜାର ନିକଟରେ। ହତ୍ୟାକାଣ୍ଡ ଘଟାଇଥିବା ବ୍ୟକ୍ତିଙ୍କୁ ପୋଲିସ ଅଟକ ରଖି ତଦନ୍ତ କରୁଛି ପୋଲିସ। ମୃତ ଯୁବକଙ୍କ ନାଁ ସନିଆ ଟ୍ରାକ୍ରି।

ସୂଚନା ଅନୁସାରେ, ରବିବାର ସନ୍ଧ୍ୟା ସମୟରେ ଚିତ୍ରକୋଣ୍ଡା ଦୈନିକ ବଜାର ନିକଟରେ ନିଜ ଘରେ ଶୋଇଥିଲେ ସନିଆ ଟ୍ରାକ୍ରି। ହେଲେ ଏହି ସମୟରେ ରବି ସଗରିଆ ଏକ ଧାରୁଆ ଅସ୍ତ୍ରରେ ସନିଆ ଟ୍ରାକ୍ରିଙ୍କ ବେକ କାଟି ଫେରାର ହୋଇଯାଇଥିଲା।

ଘଟଣା ଜାଣି ସଙ୍ଗେ ସଙ୍ଗେ ଗୁରୁତର ଅବସ୍ଥାରେ ତାଙ୍କୁ ଚିତ୍ରକୋଣ୍ଡା ମେଡିକାଲରେ ଭର୍ତ୍ତି କରିଥିଲେ ପରିବାରଲୋକେ। ହେଲେ ଡାକ୍ତର ସନିଆ ଟାକ୍ରିଙ୍କୁ ମୃତ ଘୋଷଣା କରିଥିଲେ। ହତ୍ୟାକାଣ୍ଡ ଖବର ପାଇ ଚିତ୍ରକୋଣ୍ଡା ପୋଲିସ ଆସାମୀ ତଦନ୍ତ ଆରମ୍ଭ କରିବା ସହ ରବି ସଗରିଆଙ୍କୁ ଧରିବାରେ ସଫଳ ହୋଇଛି। ତେବେ ହତ୍ୟାକାଣ୍ଡର କାରଣ ଜଣାପଡ଼ିନଥିବାବେଳେ ଅଧିକ ତଦନ୍ତ ଜାରି ରଖିଛି ପୋଲିସ।