ନୂଆଦିଲ୍ଲୀ : ଆଜିକାଲି ଟେକ୍ ଇଣ୍ଡଷ୍ଟ୍ରରେ ଚାକିରି ପାଇବା ଖୁବ୍ ଚ୍ୟାଲେଞ୍ଜକର ହୋଇ ଯାଇଛି। ବିଶେଷକରି ଯଦି ଏଆଇ ଓ ମେସିନ ଲର୍ଣ୍ଣିଂ କଥା କହିବା ତ, ମୁକାବିଲା ଆହୁରି ଦ୍ରୁତତର ହୋଇଯାଏ। ଏହି ଭିତରେ ଯଦି ଜଣେ ୨୩ ବର୍ଷିୟ ଯୁବକ ବିନା କୌଣସି ସୁପାରିଶରେ ମେଟା ଭଳି କମ୍ପାନୀରେ ୩.୩୬ କୋଟି ଟଙ୍କାର ଚାକିରି ପାଆନ୍ତି, ତ ତାଙ୍କର କାହାଣୀ ନିଶ୍ଚୟ ଖୁବ୍ ଉତ୍ସାହଜନକ ମନେହୁଏ।
ମନୋଜ ତୁମୁ , ଜଣେ ଭାରତୀୟ –ଆମେରିକୀୟ ମେସିନ ଲର୍ଣ୍ଣିଂ ଇଂଜନିୟର , ଯିଏ ପ୍ରଥମେ ଆମାଜନରେ କାମ କରୁଥିଲେ ଏବଂ ଏବେ ମେଟାର ଆଡଭରଟାଇଜିଂ ରିସର୍ଚ୍ଚ ଟିମ୍ର ସଦସ୍ୟ ହୋଇଛନ୍ତି। ସେ ନିକଟରେ ବିଜନେସ୍ ଇନସାଇଡର ପାଇଁ ଏକ ଆର୍ଟିକଲରେ ନିଜ କ୍ୟାରିୟର ଓ ଏଆଇରେ ଚାକିରି ପାଇବାର ଟିପ୍ସ ସେୟାର କରିଛନ୍ତି।
ମନୋଜ କହିଛନ୍ତି ଯେ, ମେସିନ ଲର୍ଣ୍ଣିଂ ଏବେ ପୁରୁଣା ପଦ୍ଧତିରୁ ଆଗକୁ ବଢି ଯାଇଛି। ଚାଟ୍ ଜିପିଟି ଭଳି ଟୁଲ୍ସ ଏହି ଫିଲ୍ଡକୁ ଆହୁରି ପ୍ରତିସ୍ପର୍ଦ୍ଧା କରି ଦେଇଛି। ଏବେ ଜବ୍ ଟାଇଟଲ୍ସ ମଧ୍ୟ ବଦଳି ଯାଇଛି, ଯେମିତି ମେସିନ ଲର୍ଣ୍ଣିଂ ଇଂଜିନିୟର ,ଅପ୍ଲାଇଡ୍ ସାଇଣ୍ଟିଷ୍ଟ , ରିସର୍ଚ୍ଚ ସାଇଣ୍ଟିଷ୍ଟ ଭଳି ନୂଆ ନୂଆ ରୋଲ୍ ସବୁ ସାମ୍ନାରୁ ଆସିଛି।
ମେଟାରେ ମନୋଜଙ୍କ କାମ ଗବେଷଣା କରିବା ଓ ଏହାକୁ ବାସ୍ତବ ଜୀବନରେ ଲାଗୁ କରିବା, ଯାହାକି କମ୍ପାନୀ ଏହି କ୍ଷେତ୍ରରେ ସବୁଠୁ ଆଗରେ ରହିବ।
ମନୋଜଙ୍କ କହିବା ହେଲା ଯେ, ଚାକିରି ପାଇଁ ନିର୍ମିତ ବାୟୋଡାଟା (ସିଭି)ରେ କାମର ଅଭିଜ୍ଞତା ସବୁଠୁ ଜରୁରୀ ହୋଇଥାଏ। ସେ କହିଛନ୍ତି ଯେ, କଲେଜ୍ର ସମୟରେ ଇଣ୍ଟର୍ଣ୍ଣସିପ୍ କରିବା ବହୁତ ଫଳପ୍ରଦ ହୋଇଥାଏ। ଆରମ୍ଭରେ ପର୍ସନାଲ ପ୍ରୋଜେକ୍ଟ ଠିକ୍ ଅଛି, କିନ୍ତୁ ପରେ ଏହାକୁ ହଟେଇ ଅସଲ କାର୍ଯ୍ୟର ଅଭିଜ୍ଞତା ଦେଖାଇବା ଉଚିତ। ସେ ମେଟା ଓ ଆମାଜାନ ଉଭୟରେ ବିନା କୌଣସି ସୁପାରିଶରେ ସିଧାସଳଖ କମ୍ପାନୀର ୱେବସାଇଟ୍ ଓ ଜବ୍ ପୋର୍ଟାଲରେ ଆବେଦନ କରି ଥିଲେ। ତାଙ୍କର ନିଟ୍ କ୍ଲିନ୍ ଓ ମଜବୁତ୍ ବାୟୋଡାଟା ହିଁ ତାଙ୍କର ସବୁଠୁ ବେଶୀ ଶକ୍ତି ସାଜି ଥିଲା।
ମନୋଜ କୁହନ୍ତି, ଇଣ୍ଟରଭ୍ୟୁରେ ସବୁଠୁ ବଡ଼ ଭୁଲ୍ ହୋଇଥାଏ ବିନା ପ୍ରସ୍ତୁତିରେ ଯିବା। ବିଶେଷକରି ଯେତେବେଳେ ପ୍ରଶ୍ନ କମ୍ପାନୀର ମୂଳ ବିଚାର ଓ କାମ କରିବାର ପଦ୍ଧତି ସହ ଜଡ଼ିତ ହୋଇଥାଏ। ସେ ଆମାଜନ ଓ ମେଟା ଉଭୟରେ ଇଣ୍ଟରଭ୍ୟୁରେ କମ୍ପାନୀର ଭାବନାକୁ ବୁଝି ନିଜର ଉତ୍ତର ପ୍ରସ୍ତୁତ କରିଥିଲେ। ମେଟାରେ ତାଙ୍କର ଇଣ୍ଟରଭ୍ୟୁ ପାଖାପାଖି ଛଅ ସପ୍ତାହ ଯାଏ ଚାଲିବ, ଯେଉଁଥିରେ ଏକ ପ୍ରାରମ୍ଭିକ କଲ୍ ଓ ଏହାପରେ ଚାରିରୁ ଛଅ ପର୍ଯ୍ୟାୟରେ ପ୍ରଶ୍ନ ପଚରା ଯାଇଥିଲା –ଟେକ୍ନିକାଲ , ମେସିନ ଲର୍ଣ୍ଣିଂ ଓ ବ୍ୟବହାର ସହ ଜଡ଼ିତ ହୋଇଥାଏ।
ମନୋଜ କହିଛନ୍ତି , ତାଙ୍କୁ କଲେଜ୍ରେ ଇଣ୍ଟର୍ଣ୍ଣସିପ୍ ମିଳି ନଥିଲା, କିନ୍ତୁ ଗ୍ରାଜୁଏସନ ପରେ ସେ ଏକ କଣ୍ଟ୍ରାକ୍ଟ ରୋଲ୍ ଧରି ନେଲେ। ଯେତେବେଳେ ତାଙ୍କୁ ମେସିନ୍ ଲର୍ଣ୍ଣିଂ ଓ ସାଧାରଣ ସଫ୍ଟୱେୟରର ଚାକିରିରୁ ବାଛିବାର ଥିଲା, ତ ସେ କମ୍ ବେତନର ମେସିନ୍ ଲର୍ଣ୍ଣିଂର ଚାକିରି ବାଛି ଥିଲେ , କାରଣ ତାହା ତାଙ୍କର ମନପସନ୍ଦର କ୍ଷେତ୍ର ସହ ଜଡ଼ିତ ଥିଲା। ଏହି ନିଷ୍ପତ୍ତି ତାଙ୍କୁ ଆଗକୁ ମେଟା ଆଡ଼କୁ ଅଗ୍ରସର କରି ନେଇଥିଲା।
