ନୂଆପଡା ୦୬/୦୭: ଅଭାବନୀୟ । ଦୁଃଖଦ । କୁକୁଡା ଫାର୍ମ ଦେଖିବାକୁ ଯାଇଥିଲେ ଶାଶୁ ବୋହୂ । ସାଙ୍ଗରେ ଥିଲା ୮ ବର୍ଷର କୁନି ଝିଅ । କେହି ଜାଣିନଥିଲେ ଏତେ ବଡ ଅଘଟଣ ଘଟିଯିବ । ଆଉ ଘରକୁ ଫେରିପାରିବେନି । ଲଗାଣ ବର୍ଷାରେ କାନ୍ଥ ଭୁଶୁଡି ପଡିବାରୁ ଚାପି ହୋଇ ଚାଲିଯାଇଛି ୨ ଜୀବନ । ଅଳ୍ପକେ ବର୍ତ୍ତିଗଲା ୮ ବର୍ଷର ଝିଅର ଜୀବନ ।
ନୂଆପଡା ଲଖନା ଥାନା ପଟକରପାଲି ଗାଁରୁ ଆସିଛି ଅଭାବନୀୟ ଘଟଣା । ମୃତକ ୨ ଜଣ ହେଲେ ସ୍ଥାନୀୟ ଅଞ୍ଚଳର ୩୫ ବର୍ଷୀୟ ବାଳମତି ଶବର ଓ ୬୧ ବର୍ଷୀୟ ରୂପେ ଶବର । ସେମାନେ ନିଜର ନିର୍ମାଣାଧୀନ କୁକୁଡା ଫାର୍ମ ଦେଖିବାକୁ ଯାଇଥିଲେ । କାନ୍ଥ ପାଖରେ ଠିଆ ହୋଇଥିବାବେଳେ ହଠାତ ଦୁହିଁଙ୍କ ଉପରେ କାନ୍ଥ ପଡିଯାଇଥିଲା । ଚାହୁଁଚାହୁଁ ଉଭୟ ଚାପି ହୋଇଯାଇଥିଲେ । ପାଖରେ କେହି କୁଆଡେ ନଥିବାରୁ ଉଦ୍ଧାର କରିବା ସମ୍ଭବ ହୋଇନଥିଲା ।
ଖବର ପାଇ ସ୍ଥାନୀୟ ଲୋକେ ପହଞ୍ଚିଥିଲେ । ମୃତଦେହ ଉଦ୍ଧାର କରାଯାଇଥିଲା । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
