କଟକ: ବର୍ତ୍ତମାନ ସମୟରେ କାୟା ବିସ୍ତାର କରିବାରେ ଲାଗିଛି ମଧୁମେହ ରୋଗ । ମଧୁମେହ ରୋଗୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଥିବାବେଳେ ଏହାର କିଭଳି ଭାବେ ସଫଳ ଚିକିତ୍ସା କରାଯାଇପାରିବ ସେଥିପାଇଁ ରିସର୍ଚ୍ଚ ସୋସାଇଟି ଫର ଦ ଷ୍ଟଡି ଅଫ ଡାଇବେଟିସ ଇନ୍ ଇଣ୍ଡିଆର ୧୩ ତମ ବାର୍ଷିକ ସମ୍ମିଳନୀ କଟକ ଏସସିବି ମେଡିକାଲ କଲେଜର ଅଡିଟୋରିୟମରେ ଚାଲୁଅଛି ।
ତିନିଦିନିଆ ଏହି ସମ୍ମିଳନୀରେ ରାଜ୍ୟ ଓ ରାଜ୍ୟ ବାହାରର ୧୦୦ରୁ ଉର୍ଦ୍ଧ୍ବ ମଧୁମେହ ରୋଗ ବିଶେଷଜ୍ଞମାନେ ସାମିଲ ହୋଇଥିଲେ। ବିଶେଷଜ୍ଞମାନେ ରୋଗର ଅନେକ ଦିଗ ଉପରେ ଆଲୋଚନା କରିଥିଲେ । ବିଶେଷ କରି ଛୋଟ ବେଳୁ କେମିତି ରୋଗ ଉପରେ ନିୟନ୍ତ୍ରଣ କରାଯିବ ସେନେଇ ସଚେତନ କରାଯିବା ନେଇ ମଧ୍ୟ ଆଲୋଚନା କରିଥିଲେ।
