IND vs SA: ‘ଆମେ ଭଲ ଖେଳି ନାହୁଁ’, ଦ.ଆଫ୍ରିକା ବିପକ୍ଷରେ ଶୋଚନୀୟ ପରାଜୟ ପରେ କ୍ଷମା ମାଗିଲେ ରିଷଭ ପନ୍ତ

ନୂଆଦିଲ୍ଲୀ: ଶୁଭମନ ଗିଲଙ୍କ ସ୍ଥାନରେ ଗୌହାଟୀ ଟେଷ୍ଟରେ ଭାରତ ପାଇଁ ପ୍ୟାପ୍ଟେନ୍ସି କରିଥିବା ରିଷଭ ପନ୍ତ ଟିମ୍ ଇଣ୍ଡିଆର ଶୋଚନୀୟ ପରାଜୟ ଉପରେ ମୁହଁ ଖୋଲିଛନ୍ତି । ସେ କହିଛନ୍ତି ଯେ ଭାରତୀୟ ଖେଳାଳି ଏହି ମୁକାବିଲାରେ ଭୟ ଖେଳ ଖେଳି ନାହାନ୍ତି । ଉଲ୍ଲେଖଯୋଗ୍ୟ ଯେ ଦ.ଆଫ୍ରିକା ବିପକ୍ଷ ଦ୍ୱିତୀୟ ଟେଷ୍ଟରେ ଭାରତ ୪୦୮ ରନ୍‌ର ବିଶାଳ ବ୍ୟବଧାନରେ ପରାଜିତ ହୋଇଥିଲା । ଏହା ପୂର୍ବରୁ ଭ୍ରମଣକାରୀ ଟିମ୍ ଘରୋଇ ଦଳକୁ ପ୍ରଥମ ମୁକାବିଲାରେ ୩୦ ରନ୍‌ରେ ପରାସ୍ତ କରିଥିଲା । ଦକ୍ଷିଣ ଆଫ୍ରିକା ବିପକ୍ଷରେ ଭାରତ ୦-୨ରେ ପରାଜିତ ହୋଇଛି ।

ଭାରତର ଏହି ଲଜ୍ଜାଜନକ ପରାଜୟ ଉପରେ ଗୁରୁବାର ଉଇକେଟ୍ କିପର୍ ବ୍ୟାଟର ରିଷଭ ପନ୍ତ ଦୁଃଖ ପ୍ରକାଶ କରିଛନ୍ତି । ସେ କହିଛନ୍ତି, 'ଏହାକୁ ଅସ୍ୱୀକାର କରାଯାଇ ପାରିବ ନାହିଁ ଯେ ଆମେ ଦୁଇ ସପ୍ତାହରେ ପର୍ଯ୍ୟାପ୍ତ ଭଲ କ୍ରିକେଟ୍ ଖେଳି ନାହୁଁ । ଗୋଟିଏ ଟିମ୍ ଓ ବ୍ୟକ୍ତି ଭାବେ, ଆମେ ସବୁବେଳେ ଉଚ୍ଚ ସ୍ତରର ପ୍ରଦର୍ଶନ କରିବାକୁ ଚାହାଁଛୁ ଓ କୋଟି କୋଟି ଭାରତୀୟଙ୍କ ଚେହେରାରେ ଖୁସି ଆଣିବାରୁ ଚାହିଁଛୁ । ଏଥର ଆମେ ଆଶାନୁରୂପ ପ୍ରଦର୍ଶନ କରିପାରିଲୁ ନାହିଁ, ଏଥିପାଇଁ ଆମେ କ୍ଷମା ଚାହୁଁଛୁ । କିନ୍ତୁ ଖେଳ ଆପଣଙ୍କୁ ଗୋଟିଏ ଟିମ୍ ଭାବେ ଓ ବ୍ୟକ୍ତିଗତ ଭାବେ ଶିଖିବା, ଗ୍ରହଣ କରିବା ଓ ଆଗକୁ ବଢିବା ଶିଖାଇଥାଏ ।

ପନ୍ତ ଲେଖିଛନ୍ତି, 'ଭାରତର ପ୍ରତିନିଧିତ୍ୱ କରିବା ଆମ ପାଇଁ ଜୀବନର ସବୁଠୁ ବଡ଼ ସମ୍ମାନ । ଆମେ ଜାଣିଛୁ ଯେ ଏହି ଟିମ୍ କ'ଣ କରିବା ପାଇଁ ସକ୍ଷମ ଓ ଆମେ କଠିନ ପରିଶ୍ରମ କରିବୁ, ପୁଣିଥରେ ସଂଗଠିତ ହେବୁ, ଫୋକସ କରିବୁ ଓ ରିସେଟ୍ କରି ଗୋଟିଏ ଟିମ୍ ଓ ବ୍ୟକ୍ତିତ୍ୱ ଭାବେ ପୂର୍ବଠାରୁ ବି ଉନ୍ନତ ଓ ମଜଭୁତ ହୋଇ ଫେରିବୁ ।'

ଆପଣଙ୍କ ଅତୁଟ ସମର୍ଥନ ଓ ଭଲପାଇବା ପାଇଁ ଧନ୍ୟବାଦ ! ଜୟ ହିନ୍ଦ ।

🇮🇳 pic.twitter.com/a5QjzCtY2a

— Rishabh Pant (@RishabhPant17) November 27, 2025

ଗମ୍ଭାରଙ୍କ କୋଚିଂରେ ଭାରତ ଏବେ ସୁଦ୍ଧା ୬ ଟେଷ୍ଟ ସିରିଜ୍ ଖେଳିଛି । ବାଂଲାଦେଶ ବିପକ୍ଷ ଘରୋଇ ସିରିଜରେ ଟିମ୍ ୨-୦ରେ ବିଜୟ ହାସଲ କରିଥିଲା । କିନ୍ତୁ ଏହାପରେ ନ୍ୟୁଜିଲାଣ୍ଡ ଭାରତ ମାଟିରେ ୦-୩ରେ କ୍ଲିନ୍ ସ୍ୱିପ୍ କରିଥିଲା, ଯାହା ଭାରତୀୟ କ୍ରିକେଟ୍ ଇତିହାସରେ ବିରଳ ଘଟଣା ମଧ୍ୟରୁ ଗୋଟିଏ । ଅଷ୍ଟ୍ରେଲିଆ ଗସ୍ତରେ ଟିମ୍ ୩-୧ରେ ପରାଜୟ ସାମନା କରିଥିଲା । ଏହାପରେ ଇଂଲଣ୍ଡରେ ଖେଳାଯାଇଥିବା ପାଞ୍ଚ ମ୍ୟାଚ୍ ସିରିଜ ୨-୨ରେ ବରାବର କରିଥିଲା । ୱେଷ୍ଟଇଣ୍ଡିଜ ବିପକ୍ଷ ଘରୋଇ ସିରିଦ ଭାରତ ୨-୦ରେ ଜିତିଥିଲା, କିନ୍ତୁ ଦକ୍ଷିଣ ଆଫ୍ରିକା ବିପକ୍ଷ ଘରୋଇ ସିରିଜ ୦-୨ରେ ପରାଜିତ ହେବା ଟିମର ଦୋଷ ଓ ଦୁର୍ବଳତାକୁ ପଦାରେ ପକାଇଛି । ଗମ୍ଭୀରଙ୍କ କାର୍ଯ୍ୟକାଳରେ ଦ୍ୱିତୀୟ ଥର ପାଇଁ ଭାରତକୁ ଘରେ କୌଣସି ଟେଷ୍ଟ ସିରିଜରେ କ୍ଲିନ୍ ସ୍ୱିପ୍ ସାମନା କରିଛି ।