ଭୁବନେଶ୍ବର ୨୦।୪: ସାରା ଓଡ଼ିଶାରେ ପ୍ରଚଣ୍ଡ ରୌଦ୍ରତାପ । ଆକାଶରୁ ଅଗ୍ନିବର୍ଷା ହେଉଛି । କ୍ରମାଗତ ଭାବେ ୭ଦିନ ହେବ ଗ୍ରୀଷ୍ମ ଲହରୀ ରାଜ୍ୟରେ ଜାରି ରହିଛି । ଆଜି ବି ଅସହ୍ୟ ତାତି । କଲବଲ କରିଛି ଗ୍ରୀଷ୍ମ ପ୍ରବାହ । ପ୍ରଚଣ୍ଡ ଗ୍ରୀଷ୍ମ ପ୍ରବାହ ସହ ୪୫ ଡିଗ୍ରୀ ଟପିଯାଇଛି ତାତି । ଶୁକ୍ରବାର ବୌଦ୍ଧ ତାପମାତ୍ରା ୪୫.୨ ଡିଗ୍ରୀ ସେଲସିୟସ ରେକର୍ଡ ହୋଇଛି । ପୂର୍ବାନୁମାନ ଅନୁଯାୟୀ ୪୫ ଡିଗ୍ରୀ ଅତିକ୍ରମ କରିଛି ତାପମାତ୍ରା । ଶୁକ୍ରବାର ୪୪.୩ ଡିଗ୍ରୀ ସହ ଦେଶର ଉତ୍ତପ୍ତ ସହର ଥିଲା ବୌଦ୍ଧ । ବୌଦ୍ଧରେ ରାସ୍ତାଘାଟ ଜନଶୂନ୍ୟ ଘରୁ ବାହାରିପାରେଲେ ନାହିଁ ଲୋକେ ।
ସେହିପରି ୩୦ଟି ସହରରେ ତାପମାତ୍ରା ୪୦ ଡିଗ୍ରୀ କିମ୍ବା ତା ଉପରେ ରେକର୍ଡ ହୋଇଛି। ନୂଆପଡାରେ ଆଜି ତାପମାତ୍ରା ୪୪ ଡିଗ୍ରୀ ରହିଥିବା ବେଳେ ତାଳଚେର ଓ ବଲାଙ୍ଗୀରରେ ୪୩.୬, ନୂଆପଡା, କେନ୍ଦୁଝର ଓ ଅନୁଗୁଳରେ ୪୩.୫ ଡିଗ୍ରୀ ସେଲସିୟସ ରେକର୍ଡ ହୋଇଛି। ସେପଟେ ହିଟୱେଭ ନେଇ ଆସନ୍ତାକାଲି ପାଇଁ ମୟୂରଭଞ୍ଜ, କେନ୍ଦୁଝର ଓ ଅନୁଗୁଳ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଛି।
ସେପଟେ ଆସନ୍ତା ୨୪ ଘଣ୍ଟାରେ ରାଜ୍ୟରେ ସିଭିୟର ହିଟ୍ ୱେଭ ରହିବା ସହ ମୟୁରଭଞ୍ଜ, ନୟାଗଡ, ଅନୁଗୁଳ, ବୌଦ୍ଧ , କଟକ ଓ କେନ୍ଦୁଝର ଜିଲ୍ଲାରେ ଅରେଞ୍ଜ ଓ୍ବାର୍ଣ୍ଣିଙ୍ଗ ଜାରି କରିଛି ପାଣିପାଗ ବିଭାଗ । ନୂଆପଡା, ସୋନପୁର, ବଲାଙ୍ଗୀର, ଝାରସୁଗୁଡା, ସମ୍ବଲପୁର, କଳାହାଣ୍ଡି, କନ୍ଧମାଳରେ ଗ୍ରୀଷ୍ମ ପ୍ରବାହ ପାଇଁ ୟେଲୋ ଓ୍ବାର୍ଣ୍ଣିଙ୍ଗ ଜାରି କରିଛି ବିଭାଗ । ଉଷ୍ମ ଓ ଆର୍ଦର ସ୍ଥିତି ପାଇଁ ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡା, କଟକ, ଜଗତସିଂପୁର, ପୁରୀ, ଖୋର୍ଦ୍ଧା, ନୟାଗଡ, ଗଂଜାମ, ଗଜପତିରେ ଓ୍ବେଲୋ ଓ୍ବାର୍ଣ୍ଣିଙ୍ଗ ଜାରି କରିଛି ବିଭାଗ । ତେବେ ରବିବାର ପଶ୍ଚିମ ଝଡ ପ୍ରବାହରେ ମିଳିପାରେ ସାମୟିକ ଆଶ୍ବସ୍ତି । ରବିବାର ପଶ୍ଚିମା-ଝଡ ଦ୍ୱାରା ପ୍ରଶମିତ କାଳବୈଶାଖୀ ପ୍ରଭାବରେ ରାଜ୍ୟର ଅନେକ ସ୍ଥାନରେ ଦିନ ତାପମାତ୍ରା ୨ ରୁ ୩ ଡ଼ିଗ୍ରୀ ଯାଏଁ ହ୍ରାସ ଘଟିବ । ପ୍ରଭାବରେ ୨୧ ରୁ ୨୪ ଅପ୍ରେଲ ମଧ୍ୟରେ ରାଜ୍ୟରେ ତାତିରୁ ସାମୟିକ ଆଶ୍ବସ୍ତି ମିଳିବାର ସମ୍ଭାବନା ରହିଥିବା କହିଛି ପାଣିପାଗ ବିଭାଗ । ବିଶେଷ କରି ଦକ୍ଷିଣ ଓଡ଼ିଶାରେ ବର୍ଷର ପ୍ରଭାବା ରହିବ । ୨୫ ତାରିଖ ପରଠାରୁ ପୁଣି ଶୁଷ୍କ ବାୟୁର ପ୍ରଭାବ ବୃଦ୍ଧି ସହ ରାଜ୍ୟର ତାପମାତ୍ରା ବୃଦ୍ଧି ହେବ।
You Can Read :
୭ଦିନ ପରେ ମିଳିଲା ନିଖୋଜ ନାବାଳକଙ୍କ ଗଳିତ ମୃତଦେହ, ପାରିପାରିକ ବିବାଦରୁ ହତ୍ୟା କରି ଫିଙ୍ଗି ଦେଇଥିଲା
