IPL 2026: ଅଧିନାୟକଙ୍କୁ ନେଇ ବଡ଼ ଘୋଷଣା କଲା ସନରାଇଜର୍ସ ହାଇଦ୍ରାବାଦ

ନୂଆଦିଲ୍ଲୀ: ଆଇପିଏଲ ୨୦୨୬ ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି ସବୁ ଦଳ । ଆଇପିଏଲର ଆଗାମୀ ସିଜିନ୍ ପାଇଁ ନିଲାମୀ ଡିସେମ୍ବର ୧୬ ତାରିଖରେ ଆବୁଧାବିରେ ଅନୁଷ୍ଠିତ ହେବ। ଏଥର ଏକ ମିନି ନିଲାମୀ ହେବ। ଏହାରି ମଧ୍ୟରେ ସନରାଇଜର୍ସ ହାଇଦ୍ରାବାଦ ଏହାର ଅଧିନାୟକଙ୍କ ସମ୍ପର୍କରେ ଏକ ବଡ଼ ଘୋଷଣା କରିଛି। ଫ୍ରାଞ୍ଚାଇଜ୍ କ୍ରମାଗତ ତୃତୀୟ ଥର ପାଇଁ ଅଷ୍ଟ୍ରେଲିଆର ଦ୍ରୁତ ବୋଲର ପାଟ୍ କମିନ୍ସଙ୍କୁ ଦାୟିତ୍ବ ଦେଇଛି ।

ସନରାଇଜର୍ସ ହାଇଦ୍ରାବାଦ ଏକ ସୋସିଆଲ ମିଡିଆ ପୋଷ୍ଟରେ ପାଟ୍ କମିନ୍ସଙ୍କୁ ପୁଣି ଥରେ ଅଧିନାୟକ କରିଛି। କମିନ୍ସ ଆଇପିଏଲ ୨୦୨୬ ରେ ସନରାଇଜର୍ସ ହାଇଦ୍ରାବାଦର ଅଧିନାୟକ ହେବେ। ପୂର୍ବରୁ ସନରାଇଜର୍ସ ହାଇଦ୍ରାବାଦ ଷ୍ଟାର ଫାଷ୍ଟ ବୋଲର ମହମ୍ମଦ ଶାମିଙ୍କ ସମେତ ଆଠ ଜଣ ଖେଳାଳିଙ୍କୁ ରିଲିଜ୍ କରିଥିଲା। ଶାମିଙ୍କୁ ହାଇଦ୍ରାବାଦ ଟିମ୍ରୁ ଲକ୍ଷ୍ନୌ ସୁପର ଜାଏଣ୍ଟସକୁ ଯାଇଛନ୍ତି ।

ଅଷ୍ଟ୍ରେଲିଆ ଟିମ୍ର ଅଧିନାୟକ ପାଟ୍ କମିନ୍ସ ଦୀର୍ଘ ଦିନ ଧରି ଆହତ ଅଛନ୍ତି । ଟେଷ୍ଟ ଏବଂ ଦିନିକିଆରେ ତାଙ୍କର ଦୃଢ଼ ନେତୃତ୍ବ ପାଇଁ ପ୍ରସିଦ୍ଧ ପାଟ୍ କମିନ୍ସ ସନରାଇଜର୍ସ ହାଇଦ୍ରାବାଦକୁ ଆଇପିଏଲ ୨୦୨୪ର ଫାଇନାଲରେ ପହଞ୍ଚାଇଥିଲେ। କିନ୍ତୁ ଦଳ ଗତ ସିଜନରେ ଖରାପ ପ୍ରଦର୍ଶନ କରିଥିଲା। ତଥାପି ଫ୍ରାଞ୍ଚାଇଜ୍ ତାର ଅଧିନାୟକଙ୍କ ଉପରେ ବିଶ୍ୱାସ ବଜାୟ ରଖିଛି। କମିନ୍ସ ସୁସ୍ଥ ହେଉଛନ୍ତି । କିନ୍ତୁ ଇଂଲଣ୍ଡ ବିପକ୍ଷ ଆସେସ୍ ସିରିଜର ପ୍ରଥମ ଟେଷ୍ଟରେ ଖେଳିବେ ନାହିଁ। ପାଟ୍ କମିନ୍ସ ବ୍ରିସବେନରେ ଦ୍ୱିତୀୟ ଟେଷ୍ଟରେ ଖେଳିପାରନ୍ତି ବୋଲି ଆଶା କରାଯାଉଛି।

ଏସଆରଏଚର ରିଟେନ ଲିଷ୍ଟ: ଟ୍ରାଭିସ୍ ହେଡ୍, ଅଭିଷେକ ଶର୍ମା, ଅନିକେତ ବର୍ମା, ଆର ସମରନ୍, ଇଶାନ୍ କିଶନ, ହେନରିଚ କ୍ଲାସେନ୍, ନୀତୀଶ କୁମାର ରେଡ୍ଡୀ, ହର୍ଷ ଦୁବେ, କାମିନ୍ଦୁ ମେଣ୍ଡିସ୍, ହର୍ଷଲ ପଟେଲ, ବ୍ରାଇଡେନ୍ କାର୍ସେ, ପଟ୍ କମିନ୍ସ, ଜୟଦେବ ଉନାଦକଟ, ଇଶାନ ମାଲିଙ୍ଗା ଏବଂ ଜୀଶାନ ଅନସାରୀ

ରିଲିଜ୍ ତାଲିକା: ଅଭିନବ ମନୋହର, ଅଥର୍ବ ତାଇଡେ, ସଚିନ ବେବି, ମହମ୍ମଦ ଶାମି (ଟ୍ରେଡ୍), ଭିଆନ ମୁଲ୍ଡର, ସିମରଜିତ ସିଂହ, ରାହୁଲ ଚହର ଏବଂ ଆଦାମ ଜାମ୍ପା ।