ରାତିରେ ଫେରିନଥିଲେ ଘରକୁ, ସକାଳୁ ମିଳିଲା ଝୁଲନ୍ତା ମୃତଦେହ : ହତ୍ୟା ଅଭିଯୋଗ

କଣ୍ଟାବାଞ୍ଜି ୬।୨: ଉଦ୍ଧାର ହେଲା ନାବାଳକଙ୍କ ଝୁଲନ୍ତା ମୃତଦେହ । ଘର ପାଖ ଗଛରେ ଝୁଲୁଥିଲା ମୃତଦେହ । ମୃତଦେହ ଉଦ୍ଧାର ପରେ ପରିବାର ଲୋକ ଆଣିଲେ ହତ୍ୟା ଅଭିଯୋଗ । ମୃତକ ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ନୂଆପଡ଼ାରେ ରହୁଥିବା ହରି ବଚ୍ଛାଙ୍କ ନାବାଳକ ପୁଅ ବୋଲି ଜଣାପଡିଛି । ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ କରୁଛି ।

ସୂଚନାଯୋଗ୍ୟ ଯେ, ହରି ବଚ୍ଛାଙ୍କ ନାବାଳକ ପୁଅ ପାଠ ଛାଡି ବୁଲା ବୁଲି କରିବା ସହ କିଛି କାମ କରି ଘର ଚଳେଇବାରେ ସାହାଯ୍ୟ କରୁଥିଲେ । ଗୁରୁବାର ସେ କାମ କରିବାକୁ ଯାଉଛି ବୋଲି ଘର ଲୋକଙ୍କୁ କହି ଘରୁ ଯାଇଥିଲା। ରାତିରେ ଘରକୁ ଫେରିନଥିବା ବେଳେ ଘର ଲୋକ ତାଙ୍କୁ ଫୋନ୍ କରିଥିଲେ । ହେଲେ ସେ ଆଉ ଫୋନ୍ ଉଠାଇନଥିଲେ । ଶୁକ୍ରବାର ସକାଳୁ ହରି ବଚ୍ଛାଙ୍କ ଘର ପାଖ ଏକ ଗଛରେ ମୃତଦେହ ଝୁଲୁଥିବା ଦେଖିବାକୁ ମିଳିଥିଲା । କାଳେ ପୁଅ ବଞ୍ଚିଥିବ ବୋଲି ଭାବି ଘର ଲୋକ ଗଛରୁ ଶବକୁ ଓହ୍ଲାଇ ଦେଇଥିଲେ । କିନ୍ତୁ ସେତେବେଳକୁ ପୁଅର ଜୀବନ ଚାଲିଯାଇଥିଲା । କିଏ ହତ୍ୟା କରିଦେଇ ଗଛରେ ଝୁଲାଇଦେଇଥିବା ମୃତ ନାବାଳକଙ୍କ ବାପା ହରି ବଚ୍ଛା ଅଭିଯୋଗ କରିଛନ୍ତି ।

ଏ ଖବର ବି ପଢ଼ନ୍ତୁ:-ଦିନରେ ଥିଲେ, ରାତିରେ ଗାଏବ ହୋଇଗଲେ : ୧୪ ଘଣ୍ଟା ହେଲା ଖୋଜି ଖୋଜି ନୟାନ୍ତ