କାନାଡାରେ ବ୍ୟବସାୟୀଙ୍କୁ ଗୁଳି କରି ହତ୍ୟା, ଗାୟକଙ୍କ ଘରକୁ ଫାୟାରିଂ; ନିଜକୁ ଦାୟୀ କଲା ଲରେନ୍ସ ଗ୍ୟାଙ୍ଗ୍

ନୂଆଦିଲ୍ଲୀ ୨୯।୧୦; ଲରେନ୍ସ ବିଷ୍ଣୋଇ ଗ୍ୟାଙ୍ଗ କାନାଡାରେ ପୁଣି ଆତଙ୍କ ସୃଷ୍ଟି କରିଛି। ବିଷ୍ଣୋଇ ଗ୍ୟାଙ୍ଗ କାନାଡାରେ ବ୍ୟବସାୟୀ ଦର୍ଶନ ସିଂହ ସାହସିଙ୍କୁ ହତ୍ୟା କରିଥିଲା। ଏହି ଘଟଣା ପରେ ତୁରନ୍ତ ସେମାନେ ପଞ୍ଜାବୀ ଗାୟକ ଚନ୍ନି ନଟ୍ଟନଙ୍କ ଘରେ ମଧ୍ୟ ଗୁଳି ଚଳାଇଥିଲେ। ପରେ ବିଷ୍ଣୋଇ ଗ୍ୟାଙ୍ଗ ଫେସବୁକ୍ ପୋଷ୍ଟ ମାଧ୍ୟମରେ ଏହି ଘଟଣାକୁ ନେଇ ନିଜୁ ଦାୟୀ କରିଛି।

ଗୋଲ୍ଡୀ ଧିଲୋନ୍ ଦାୟିତ୍ୱ ନେଲେ

ଲରେନ୍ସ ବିଷ୍ଣୋଇ ଗ୍ୟାଙ୍ଗର ସଦସ୍ୟ ଗୋଲ୍ଡୀ ଧିଲୋନ୍ ଉଭୟ ଘଟଣାର ନିଜକୁ ଦାୟୀ କରିଛି। ତାଙ୍କ ପୋଷ୍ଟରେ ଗୋଲ୍ଡୀ ଦାବି କରିଥିଲେ ଯେ ବ୍ୟବସାୟୀ ଦର୍ଶନ ସିଂହଙ୍କୁ ତାଙ୍କ ଗ୍ୟାଙ୍ଗ ହତ୍ୟା କରିଥିଲେ କାରଣ ସେ ଏକ ବଡ଼ ଡ୍ରଗ୍ସ ବ୍ୟବସାୟରେ ଜଡିତ ଥିଲେ। ଯେତେବେଳେ ବିଷ୍ଣୋଇ ଗ୍ୟାଙ୍ଗ ବ୍ୟବସାୟୀ ଦର୍ଶନ ସିଂହଙ୍କୁ ପଚାରିବାରୁ ଟଙ୍କା ଦେବାକୁ ମନା କରିଦେଇଥିଲେ ଏବଂ ସେମାନଙ୍କ ଫୋନ୍ ନମ୍ବର ବ୍ଲକ୍ କରିଦେଇଥିଲେ, ସେତେବେଳେ ଗ୍ୟାଙ୍ଗ ତାଙ୍କୁ ହତ୍ୟା କରିଥିଲା।

ଏହା ଉଲ୍ଲେଖନୀୟ ଯେ ଚନ୍ନି ନଟ୍ଟନ ଏବଂ ସର୍ଦ୍ଦାର ଖେରା ଘନିଷ୍ଠ ବନ୍ଧୁ। ସର୍ଦ୍ଦାର ଖେରାଙ୍କ ସହିତ ଘନିଷ୍ଠ ସମ୍ପର୍କ ଯୋଗୁଁ ଲରେନ୍ସଙ୍କ ଲୋକମାନେ ଗାୟକ ଚନ୍ନି ନଟ୍ଟନଙ୍କ ଘର ବାହାରେ ଗୁଳି ଚଳାଇଥିଲେ। ଏହା ପରେ ଗୋଲ୍ଡି ଏକ ପୋଷ୍ଟରେ କହିଛନ୍ତି ଯେ ଗାୟକ ଚନ୍ନି ନଟ୍ଟନଙ୍କ ସହିତ ତାଙ୍କର କୌଣସି ବ୍ୟକ୍ତିଗତ ଶତ୍ରୁତା ନାହିଁ, କିନ୍ତୁ ଫାୟାରିଂର କାରଣ ସର୍ଦ୍ଦାର ଖେରା। ସର୍ଦ୍ଦାର ଖେରାଙ୍କ ସହିତ ତାଙ୍କର ବଢ଼ୁଥିବା ଘନିଷ୍ଠତା ଯୋଗୁଁ ତାଙ୍କୁ ଟାର୍ଗେଟ କରାଯାଇଥିଲା। ଏଥିରେ ଆହୁରି ଲେଖାଯାଇଛି, ସର୍ଦ୍ଦାର ଖେରାଙ୍କ ସହିତ ଭବିଷ୍ୟତରେ କୌଣସି କାମ କିମ୍ବା ସମ୍ପର୍କ ଥିବା ଯେକୌଣସି ଗାୟକ ନିଜ କ୍ଷତି ପାଇଁ ଦାୟୀ ରହିବେ। ଏହା ଉଲ୍ଲେଖଯୋଗ୍ୟ ଯେ ଲରେନ୍ସ ବିଷ୍ଣୋଇ ଗ୍ୟାଙ୍ଗକୁ କାନାଡା ସରକାର ଆତଙ୍କବାଦୀ ସଂଗଠନ ଭାବରେ ଘୋଷଣା କରିଛନ୍ତି।