ସାଂସଦ ଓ ବିଧାୟକଙ୍କୁ ଅସମ୍ମାନ କଲେ ହେବ କାର୍ଯ୍ୟାନୁଷ୍ଠାନ, ଅଧିକାରୀଙ୍କ ପଦୋନ୍ନତି ଅଟକିବ

ଭୁବନେଶ୍ଵର: ଏଣିକି ସାଂସଦ ଓ ବିଧାୟକଙ୍କୁ ଅସମ୍ମାନ କଲେ ହେବ କାର୍ଯ୍ୟାନୁଷ୍ଠାନ । ସବୁ ରାଜ୍ୟକୁ ସତର୍କ କଲା କାର୍ମିକ ମନ୍ତ୍ରଣାଳୟ । ଅସମ୍ମାନ ଘଟଣାର ଅଭିଯୋଗ ପ୍ରମାଣିତ ହେଲେ ସମ୍ପୃକ୍ତ ଅଧିକାରୀଙ୍କ ପଦୋନ୍ନତି ରୋକିବା, ବାଧ୍ୟତାମୂଳକ ଅବସର କିମ୍ବା ଚାକିରିରୁ ବହିଷ୍କାର ଭଳି କଠୋର ଦଣ୍ଡ ଦିଆଯିବ ବୋଲି ସତର୍କ କରାଇଦେଇଛି କେନ୍ଦ୍ର। ସେହି ଅନୁସାରେ ରାଜ୍ୟ ସରକାର ମଧ୍ୟ ସରକାରୀ ବାବୁମାନଙ୍କୁ ତାଗିଦ କରିଛନ୍ତି।

ପୁଣି ସେହିଠାରେ କଥା ଅଟକିଲା। ବାବୁ ବନାମ ନେତା। ଏମପି ଓ ଏମଏଲଙ୍କୁ ଅସମ୍ମାନ କଲେ ହେବ ଆକ୍ସନ । ସବୁ ରାଜ୍ୟକୁ ସତର୍କ କଲା କାର୍ମିକ ମନ୍ତ୍ରଣାଳୟ । ଅସମ୍ମାନ ଘଟଣାର ଅଭିଯୋଗ ପ୍ରମାଣିତ ହେଲେ ହେବ ଆକ୍ସନ। କେନ୍ଦ୍ର କାର୍ମିକ ମନ୍ତ୍ରଣାଳୟ ସମସ୍ତ ରାଜ୍ୟକୁ ଚିଠି ଲେଖିଛି। ଯେଉଁଥିରେ ସତର୍କ କରାଇ ଦିଆଯାଇଛି ଯେ ବିଧାୟକ ଓ ସାଂସଦଙ୍କୁ ସମ୍ମାନ ଦେବା ପାଇଁ ଉଦ୍ଦିଷ୍ଟ ପ୍ରୋଟୋକଲକୁ ନ ମାନିଲେ କାର୍ଯ୍ୟାନୁଷ୍ଠାନ ନିଆଯିବ।

ଏପରିକି ନିଜର ବଦଳି କିମ୍ବା ପଦୋନ୍ନତି ତଥା ବ୍ୟକ୍ତିଗତ ସ୍ବାର୍ଥ ପାଇଁ ମଧ୍ୟ କୌଣସି ରାଜନୈତିକ ଚାପ ପକାଇବାକୁ ଚେଷ୍ଟା କଲେ, ସରକାରୀ ନିୟମ ଅନୁସାରେ ଦୃଢ଼ କାର୍ଯ୍ୟାନୁଷ୍ଠାନ ହେବ। ଅଫିସରଙ୍କ ବିଶୃଙ୍ଖଳିତ ଆଚରଣକୁ ନେଇ ରାଜ୍ୟସଭାର ଏଥିକ୍ସ କମିଟି ଓ ଲୋକସଭାର ପ୍ରୋଟୋକଲ ଉଲ୍ଲୁଘନ କମିଟି ବୈଠକରେ ଉଦ୍ବେଗ ପ୍ରକାଶ ପାଇଥିଲା। ଯାହାକୁ ଦୃଷ୍ଟିରେ ରଖି କେନ୍ଦ୍ର କାର୍ମିକ ମନ୍ତ୍ରଣାଳୟ ସବୁ ରାଜ୍ୟକୁ ଏହି ନିର୍ଦ୍ଦେଶନାମା ଜାରି କରିଛନ୍ତି।

ଜଣେ ସାଂସଦ କିମ୍ବା ବିଧାୟକ କୌଣସି ଅଧିକାରୀଙ୍କୁ ଭେଟିବାକୁ ଆସିଲେ, ସମ୍ପୃକ୍ତ ଅଫିସର ନିଜ ଆସନରୁ ଛିଡ଼ା ହେବେ। ତାଙ୍କୁ ସ୍ବାଗତ କରିବା ସହ ବିଦାୟ ସମୟରେ ଅଫିସ ବାହାର ବଳେଇ ଦେବାକୁ ଆସିବେ। ଜନପ୍ରତିନିଧିଙ୍କ ଗାଡ଼ିକୁ ଅଫିସ୍ ପରିସର ମଧ୍ୟକୁ ପ୍ରବେଶ ପାଇଁ ସୁରକ୍ଷା କଟକଣାକୁ କୋହଳ କରିବେ । କେନ୍ଦ୍ରର ଏହି ନିର୍ଦ୍ଦେଶନାମାକୁ ରାଜ୍ୟରେ କଡ଼ାକଡ଼ି ପାଳନ ହେବ ବୋଲି କହିଛନ୍ତି ଆଇନମନ୍ତ୍ରୀ

ବାବୁ ବନାମ ଜନ ପ୍ରତିନିଧି । ଏ ଟଣା ଓଟରା ବେଶ୍ ପୁରୁଣା। ଅଧିକାରୀ ମାନେ ଜନ ପ୍ରତିନିଧିମାନଙ୍କୁ ସମ୍ମାନ ଦେଉନଥିବାର ଅଭିଯୋଗ ବାରାମ୍ବାର ହୋଇଛି। ଏପରିକି ବିଧାନସଭାରେ ମଧ୍ୟ ଉଭୟ ଶାସକ ଓ ବିରୋଧୀ ବୁକ ସର୍କୁଲାର ୪୭ ପାଳନ ହେଉନଥିବା କହିଛନ୍ତି। ବାଚସ୍ପତିଙ୍କ ଦୃଷ୍ଟି ଆକର୍ଷଣ କରିଛନ୍ତି । ତାରିଖ ୨୨ ସେପ୍ଟେମ୍ବର ୨୦୨୨। ସେତେବେଳେ ବିରୋଧୀ ଦଳ ମୁଖ୍ୟ ସଚେତକ ଥିଲେ ବର୍ତ୍ତମାନ ମୁଖ୍ୟମନ୍ତ୍ରୀ ମୋହନ ମାଝି। ଏକ ସାମ୍ବାଦିକ ସମ୍ମିଳନୀ କରି ଏନେଇ ସ୍ବର ଉଠାଇଥିଲେ। ଶୁଣନ୍ତୁ ସେତେବଳେ କଣ କହିଥିଲେ ମୋହନ।

ସରକାର ବଦଳିବା ସହିତ ମୋହନ ମାଝୀ ମୁଖ୍ୟମନ୍ତ୍ରୀ ହୋଇଥିଲେ ଏବଂ ଏନେଇ ସରକାରୀ ସ୍ତରରେ ନିଜର ଆଭିମୁଖ୍ୟ ସ୍ପଷ୍ଟ ରଖିଥିଲେ।୨୦୨୫ ମେ ୨୫ ବିଡିଓ ଓ ସିଡିଓ ସମ୍ମିଳନୀରେ ସରକାରୀ ଅଧିକାରୀମାନଙ୍କୁ ମୁଖ୍ୟମନ୍ତ୍ରୀ ତାଗିଦ କରିଥିଲେ । ଅନେକ ବିଡିଓମାନେ ଜନ ପ୍ରତିନିଧିଙ୍କ କଥା ଶୁଣୁ ନାହାନ୍ତି। ସମ୍ମାନ ଦେଉନାହାନ୍ତି, ଚେୟାର ବି ଦେଉ ନାହାନ୍ତି ବୋଲି କହି କ୍ଷୋଭ ପ୍ରକାଶ କରିଥିଲେ।

୨୯ ନଭେମ୍ବର ୨୦୨୪। ରାଜ୍ୟ ସରକାର ସମସ୍ତ ବିଭାଗକୁ ଏକ ଚିଠି କରିଥିଲେ। ବୁକ ସର୍କୁଲାର ୪୭ର ପାଳନ ପାଇଁ ତାଗଦ କରିଥିଲେ। ଏବେ କେନ୍ଦ୍ର ବି ମନେ ପକାଇ ଦେଇଛି। ଦେଖିବାକୁ ରହିଲା ବାବୁମାନେ ବିଧାୟକ ଓ ସାଂସଦଙ୍କୁ ଦେଖି ବସିବା ଠାବରୁ ଉଠିଆସୁଛନ୍ତି ନା ନାହିଁ।