ପଦ୍ମଶ୍ରୀ ପଛର ସଂଘର୍ଷ, ପୁସ୍ତକପ୍ରେମୀ ଆଙ୍କେ ଗୌଡଙ୍କ ଜୀବନ କାହାଣୀ

କର୍ଣ୍ଣାଟକ ୨୭/୧: ନାଁ  ଆଙ୍କେ ଗୌଡ । କିନ୍ତୁ କାମ ଅନେକ । ଅନେକ ଜାଣନ୍ତି ବସ୍‌ କଣ୍ଡକ୍ଟର ଭାବରେ । କିନ୍ତୁ ତାଙ୍କୁ ପରିଚୟ ଦେଇଛି ସାମାଜିକ କାର୍ଯ୍ୟ । କଠୋର ପରିଶ୍ରମ ତାଙ୍କ ପାଇଁ ଆଣିଛି ପ୍ରସିଦ୍ଧି। କେନ୍ଦ୍ର ସରକାର ଜଣେ ପୁସ୍ତକପ୍ରେମୀଙ୍କ ନାଁ ପଦ୍ମଶ୍ରୀ ସମ୍ମାନ ପାଇଁ ଘୋଷଣା ପରେ ଏବେ ସବୁଠି ତାଙ୍କ ନାଁକୁ ନେଇ ଚର୍ଚ୍ଚା  ।ଚାରିଆଡୁ ତାଙ୍କୁ ଛୁଟୁଛି ଶୁଭେଚ୍ଛାର ସୁଅ ।

କର୍ଣ୍ଣାଟକର ପୂର୍ବତନ ବସ୍‌ କଣ୍ଡକ୍ଟର ଆଙ୍କେ ଗୌଡା ।ବୟସ ୭୫ ବର୍ଷ । ପୂର୍ବରୁ ବସ୍‌ କଣ୍ଡକ୍ଟର ଭାବରେ କାମ କରୁଥିବା ଆଙ୍କେଙ୍କର ପୁସ୍ତକ ପ୍ରତି ବେଶ ଦୁର୍ବଳତା ଥିଲା ।ସେ ବହି କିଣିବାକୁ ଓ ପଢିବାକୁ ବେଶ ଭଲପାଉଥିଲେ । ଏସବୁ କାମ ସେ କେବଳ ନିଜେ କରୁନଥିଲେ ଅନ୍ୟମାନଙ୍କୁ ବି କରିବାକୁ ଉତ୍ସାହିତ କରୁଥିଲେ । ଧିରେ ଧିରେ ସେ ବସ କଣ୍ଡକ୍ଟର ଚାକିରି ଛାଡି ପାଠାଗାର ନିର୍ମାଣର ସ୍ବପ୍ନ ଦେଖିଥିଲେ ।ଆଉ ଆଙ୍କେଙ୍କର ସ୍ବପ୍ନ ସତ ହୋଇଛି ।

 ‘ପୁସ୍ତକ ମନେ’ ନାଁରେ ବିଶ୍ବର ସର୍ବବୃହତ୍ତ ମାଗଣା ପାଠାଗାରର ପ୍ରତିଷ୍ଠାତା ସେ । ତାଙ୍କ ଲାଇବ୍ରେରୀରେ ୨୦ରୁ ଅଧିକ ଭାଷାରେ ୨ଲକ୍ଷରୁ ଅଧିକ ବହି ରହିଛି । ଏଥିସହ ବିରଳ ପାଣ୍ଡୁଲିପି ଓ ହଜାର ହଜାର ପତ୍ରିକା ମଧ୍ୟ ଉପଲବ୍ଧ ।

ସେହିପରି ମୁମ୍ବାଇର ଜଣେ ଶିଶୁରୋଗ ବିଶେଷଜ୍ଞ ଆର୍ମିଡା ଫର୍ଣ୍ଣାଣ୍ଡିସ୍‌ ଯିଏ ଭାରତର ପ୍ରଥମ ମାନବ କ୍ଷୀର ବ୍ୟାଙ୍କ ପ୍ରତିଷ୍ଠା କରିଥିଲେ ।ସେ ମଧ୍ୟ ସେହି ନାୟକମାନଙ୍କ ମଧ୍ୟରୁ ଜଣେ ଯିଏ ନିଆରା ପ୍ରୟାସ ପାଇଁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯିବ । ୨୦୨୬ ପାଇଁ  ପଦ୍ମ ବିଭୂଷଣ, ପଦ୍ମ ଭୂଷଣ ଏବଂ ପଦ୍ମଶ୍ରୀ ଏହି ୩ଟି ବର୍ଗରେ ପ୍ରାୟ ୧୩୧ ଜଣଙ୍କ ନାଁ ପଦ୍ମ ପୁରସ୍କାର ପାଇଁ ଘୋଷଣା କରାଯାଇଛି । ପଦ୍ମ ପୁରସ୍କାରରେ ସମ୍ମାନିତ ହେବାକୁ ଥିବା ପ୍ରମୁଖ ବ୍ୟକ୍ତିତ୍ବ ମାନେ ହେଲେ ଗାୟିକା ଅଳକା ୟାଗନିକ୍‌, ସ୍ବର୍ଗତ ଧର୍ମେନ୍ଦ୍ର ସିଂ ଦେଓଲ,ସ୍ବର୍ଗତ ଶିବୁ ସୋରେନ,  କ୍ରିକେଟର ରୋହିତ ଶର୍ମା ଓ ହରମନପ୍ରୀତ କୌର ।