'ଇକ୍କିସ' ଫାଇନାଲ୍ ଟ୍ରେଲର ଆଉଟ୍, ଧର୍ମେନ୍ଦ୍ରଙ୍କୁ ମନେ ପକାଇ ଭାବବିହ୍ୱଳ ସନ୍ନି ଦେଓଲ

ମୁମ୍ଵାଇ ୨୨।୧୨; 'ଇକ୍କିସ' ନିର୍ମାତା ଫିଲ୍ମର ଶେଷ ଟ୍ରେଲର ରିଲିଜ କରିଛନ୍ତି । ଟ୍ରେଲରରେ ଦିବଂଗତ ଅଭିନେତା ଧର୍ମେନ୍ଦ୍ରଙ୍କ ସିନ୍ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ଯାହାକୁ ଦେଖି ପୁଅ ତଥା ଅଭିନେତା ସନ୍ନି ତାଙ୍କ ପିତାଙ୍କ ଶକ୍ତିଶାଳୀ ଅଭିନୟ ଦେଖିବା ପରେ ପ୍ରେମ ବର୍ଷା କରିଛନ୍ତି । ବାପାଙ୍କୁ ମନେ ପକାଇ ଭାବବିହ୍ୱଳ ହେବା ସହ ଏକ ନୋଟ୍ ମଧ୍ୟ ଲେଖିଛନ୍ତି । ଧର୍ମେନ୍ଦ୍ରଙ୍କ ଶେଷ ଫିଲ୍ମ 'ଇକ୍କିସ' ଆସନ୍ତା ବର୍ଷ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି । ଏଥିରେ ଅଗସ୍ତ୍ୟା ନନ୍ଦ ଏବଂ ସିମର ଭାଟିଆ ଅଭିନୟ କରିଛନ୍ତି। ଏହା ଦ୍ୱିତୀୟ ଲେଫ୍ଟନାଣ୍ଟ ଅରୁଣ କ୍ଷେତ୍ରପାଲଙ୍କ ଉପରେ ଆଧାରିତ। ଯିଏ ୨୧ ବର୍ଷ ବୟସରେ ସହିଦ ହୋଇଥିଲେ । ଶ୍ରୀରାମ ରାଘବନଙ୍କ ଯୁଦ୍ଧ ନାଟକର ଶେଷ ଟ୍ରେଲର ଡିସେମ୍ବର ୧୯ରେ ରିଲିଜ୍ ହୋଇଛି । ଏଥିରେ ଧର୍ମେନ୍ଦ୍ରଙ୍କ ପ୍ରମୁଖ ସିନ୍ ରହିଛି। ଯିଏ ଫିଲ୍ମରେ ଅରୁଣ କ୍ଷେତ୍ରପାଲଙ୍କ ପିତା ଭୂମିକାରେ ଅଭିନୟ କରିଛନ୍ତି ।

 

 

 

 

View this post on Instagram

 

 

 

 

 

 

 

 

 

 

 

A post shared by Sunny Deol (@iamsunnydeol)

'ଇକ୍କିସ' ଶେଷ ଟ୍ରେଲରରେ ତାଙ୍କ ବାପା ଧର୍ମେନ୍ଦ୍ରଙ୍କୁ ଦେଖିବା ପରେ ସନ୍ନି ଦେଓଲ ଭାବବିହ୍ୱଳ ହୋଇଛନ୍ତି । 'ଇକ୍କିସ'ର ଶେଷ ଟ୍ରେଲରକୁ ତାଙ୍କ ଇନଷ୍ଟାଗ୍ରାମରେ ସେୟାର କରି ସନ୍ନି କ୍ୟାପସନରେ ଲାଲ ହାର୍ଟ ଇମୋଜି ସହ "ଲଭ୍ ୟୁ ପାପା" ଲେଖିଛନ୍ତି । ଅଭିନେତା କ୍ୟାପସନରେ ଆହୁରି ଲେଖିଛନ୍ତି, "ସର୍ବକନିଷ୍ଠ ପରମ ବୀର ଚକ୍ର ବିଜେତା, ଜଣେ ନାୟକ ଯିଏ କେବଳ ୨୧ ବର୍ଷ ବୟସରେ ଅମର ହୋଇଗଲେ - ସେକେଣ୍ଡ ଲେଫ୍ଟନାଣ୍ଟ ଅରୁଣ କ୍ଷେତ୍ରପାଲଙ୍କ ସତ୍ୟ କାହାଣୀ ଦେଖନ୍ତୁ । ୨୧ ଜାନୁଆରୀ ୧, ୨୦୨୬ରେ ଥିଏଟରରେ ।"

ଫିଲ୍ମଟି ପ୍ରଥମେ ଡିସେମ୍ବର ୨୫ ତାରିଖରେ ଖ୍ରୀଷ୍ଟମାସ ଅବସରରେ ମୁକ୍ତିଲାଭ କରିବାର ଯୋଜନା ଥିଲା। କିନ୍ତୁ ନିର୍ମାତା କୌଣସି କାରଣରୁ ରିଲିଜ୍ ଡେଟ୍କୁ ପଛକୁ ଘୁଞ୍ଚାଇବାକୁ ନିଷ୍ପତ୍ତି ନେଇଥିଲେ । ସମସ୍ତେ ଭାବିଥିଲେ ଯେ "ଧୁରନ୍ଧର" ଏବଂ "ତୁ ମେରି ମେ ତେରା ମେ ତେରା ତୁ ମେରୀ" ର ବକ୍ସ ଅଫିସ ସଫଳତା ସହ ସଂଘର୍ଷ ଏଡାଇବା ପାଇଁ ଫିଲ୍ମକୁ ପଛକୁ ଘୁଞ୍ଚାଇ ଦିଆଯାଇଥିଲା, କିନ୍ତୁ ଅମିତାଭ ବଚ୍ଚନ ପ୍ରକାଶ କରିଛନ୍ତି ଯେ ଜ୍ୟୋତିଷ କାରଣରୁ ଫିଲ୍ମଟି ସ୍ଥଗିତ ରଖାଯାଇଛି ।