ମାଛ ଧରିବାକୁ ଯାଇ ନିଖୋଜ ଥିଲେ, ଦିନକ ପରେ ମିଳିଲା ମୃତଦେହ

କେନ୍ଦ୍ରାପଡ଼ା ୧୮।୧୦ : ଯୁବକଙ୍କ ମୃତଦେହ ଠାବ । କେନ୍ଦ୍ରାପଡ଼ା ନିକିରାଇ ଥାନା କୋର ଗାଁ ଏକ ପାଟନାଳୀରୁ ଜଣେ ଯୁବକଙ୍କ ମୃତଦେହ ଠାବ ହୋଇଛି । ମୃତ ଯୁବକ କୋର ଗାଁର କାଳନ୍ଦୀ ଚରଣ ଦାସ ବୋଲି ଜଣାପଡିଛି ।

ଶୁକ୍ରବାର ସକାଳେ ଜାଲ ନେଇ ମାଛ ମାରିବା ପାଇଁ ସ୍ଥାନୀୟ ବେରୁଆଁ ପାଟକୁ ଯାଇଥିଲେ। ସଂଧ୍ୟା ସୁଦ୍ଧା ଘରକୁ ନେଫରିବାରୁ ପରିବାର ଲୋକେ ବହୁ ଖୋଜାଖୋଜି କରିଥିଲେ । ତାପରେ ବି ନିରାଶ ପରିବାର ଲୋକ ନିରାଶ ହୋଇଥିଲେ । ଶେଷରେ ଶନିବାର ସକାଳୁ ପାଟନାଳୀରେ କାଳନ୍ଦୀଙ୍କ ମୃତଦେହ ଠାବ ହୋଇଥିଲା । ଘଟଣା ସଂପର୍କରେ ଖବର ପାଇ ନିକିରାଇ ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଥିଲେ । କାଳନ୍ଦୀଙ୍କ ମୃତ୍ୟୁକୁ ନେଇ ପରିବାର ଲୋକଙ୍କ ମଧ୍ୟରେ ଅନେକ ସନ୍ଦେହ ସୃଷ୍ଟି କରିଛି । ତେବେ ପୋଲିସର ତଦନ୍ତ ଓ ବ୍ୟବଚ୍ଛେଦ ରିପୋର୍ଟ ପରେ ମୃତ୍ୟୁର ସଠିକ କାରଣ ଜଣାପଡିବ ବୋଲି ଆଶା କରାଯାଉଛି ।