ଅଷ୍ଟ୍ରେଲିଆ ସଂସଦରେ ବୁର୍ଖା ପିନ୍ଧି ଆସିଲେ ଖ୍ରୀଷ୍ଟିଆନ ମହିଳା? ହଙ୍ଗାମା ପରେ ରଖିଲେ ପ୍ରତିକ୍ରିୟା

ନୂଆଦିଲ୍ଲୀ ୨୫/୧୧: ସୋମବାର ଦିନ ଅଷ୍ଟ୍ରେଲିଆ ସଂସଦରୁ ନଜର ଆସଥିଲା ଅଦ୍ଭୁତ ଘଟଣା । ସଂସଦରେ ଜଣେ ସେନେଟରଙ୍କୁ ବୁର୍ଖା ପିନ୍ଧିଥିବାର ଦେଖିବାକୁ ମିଳିଥିଲା । ତେବେ ସାଧାରଣ ପୋଷାକ ଭାବରେ ନୁହେଁ, ବରଂ ପ୍ରତିବାଦ ସ୍ୱରୂପ। ଅଷ୍ଟ୍ରେଲିଆର ଦକ୍ଷିଣପନ୍ଥୀ ସେନେଟର ପାଉଲିନ୍ ହାନସନ୍ ବୁର୍ଖା ପିନ୍ଧି ସଂସଦରେ ପ୍ରବେଶ କରିଥିଲେ। ତେବେ ଏପରି କରିବା ପଛରେ ଥିଲା ବଡ଼ କାରଣ ।

ପ୍ରତିବାଦ ସ୍ୱରୁପ ସେ ପାଉଲିନ୍ ହାନସନ୍ ସାର୍ବଜନୀନ ସ୍ଥାନରେ ବୁର୍ଖା ପିନ୍ଧି ଆସିଥିଲେ । ତାଙ୍କର ଦାବିକୁ ଆଗକୁ ବଢ଼ାଇବା ପାଇଁ, ସେ ବୁର୍ଖା ପିନ୍ଧି ସଂସଦରେ ପ୍ରବେଶ କରିଥିଲେ । ତଥାପି, ବୁର୍ଖା ପିନ୍ଧି ସଂସଦରେ ତାଙ୍କର ପ୍ରବେଶ ସଂସଦରେ ମାହୋଲକୁ ଆହୁରି ଗରମ କରିଥିଲା । ତେବେ ତାଙ୍କ କାର୍ଯ୍ୟ ପରେ ମୁସଲିମ୍ ସେନେଟରମାନେ ତାଙ୍କୁ ବିରୋଧରେ ଜାତିଆଣ ଅଭିଯୋଗ କରିଥିଲେ ।

କାହିଁକି ପିନ୍ଧିଥିଲେ ବୁର୍ଖା ?

ହାନସନ୍ ସାର୍ବଜନୀନ ସ୍ଥାନରେ ବୁର୍ଖା ପିନ୍ଧିବା ସହ ଅନ୍ୟ ମୁହଁ ଘୋଡ଼ାଇ ରଖିବା ପୋଷାକକୁ ନିଷେଧ କରିବା ପାଇଁ ସଂସଦରେ ଏକ ବିଲ୍ ଆଗତ କରିବାକୁ ଚାହୁଁଥିଲେ। କିନ୍ତୁ, ତାଙ୍କୁ ବିଲ୍ ଆଗତ କରିବାକୁ ଅନୁମତି ଦିଆଯାଇନଥିଲା। ଯେତେବେଳେ ତାଙ୍କୁ ମନା କରାଗଲା, ସେତେବେଳେ ସେ ସଂସଦରେ ବୁର୍ଖା ପିନ୍ଧି ପ୍ରତିବାଦ କଲେ।

ସଂସଦରେ ଅଶାନ୍ତି:

ସେପଟେ ହାନସନ୍‌ଙ୍କ କାର୍ଯ୍ୟ ନ୍ୟୁ ସାଉଥ୍ ୱେଲ୍ସର ଗ୍ରୀନ୍ସ ପାର୍ଟିର ଜଣେ ମୁସଲିମ ସେନେଟର ମେହରିନ ଫାରୁକିଙ୍କୁ କ୍ରୋଧିତ କରିଥିଲା । ସେ କହିଥିଲେ, "ଏହା ଜଣେ ଜାତିଭେଦବାଦୀ ସେନେଟର, ଯିଏ ସ୍ପଷ୍ଟ ଜାତିଭେଦ ପ୍ରଦର୍ଶନ କରୁଛନ୍ତି। ପଶ୍ଚିମ ଅଷ୍ଟ୍ରେଲିଆର ଜଣେ ସ୍ୱାଧୀନ ମୁସଲିମ ସେନେଟର ଫାତିମା ପେମାନ ଏହି କାର୍ଯ୍ୟକୁ "ଲଜ୍ଜାଜନକ" ବୋଲି କହିଥିଲେ ।

ଅଷ୍ଟ୍ରେଲିଆର କେନ୍ଦ୍ର-ବାମପନ୍ଥୀ ଲେବର ସରକାରଙ୍କ ସେନେଟ୍ ନେତା ପେନି ୱଙ୍ଗ ଓ ବିରୋଧୀ ମେଣ୍ଟର ଡେପୁଟି ସେନେଟ୍ ନେତା ଆନ୍ ରଷ୍ଟନ୍, ଉଭୟ ହାନସନଙ୍କୁ କାର୍ଯ୍ୟକୁ ନିନ୍ଦା କରିଥିଲେ। ୱଙ୍ଗ କହିଥିଲେ ଯେ ଏହା "ଅଷ୍ଟ୍ରେଲୀୟ ସେନେଟର ସଦସ୍ୟଙ୍କ ଅନୁଚିତ ଆଚରଣ" ଓ ତାଙ୍କ ବୁର୍ଖା କାଢିବାକୁ ମନା କରିବା ପାଇଁ ହାନସନ୍‌ଙ୍କୁ ନିଲମ୍ବିତ କରିବାକୁ ପ୍ରସ୍ତାବ ଦେଇଥିଲେ। ହାନସନ୍ ଗୃହ ଛାଡିବାକୁ ମନା କରିଦେଇଥିଲେ । ଯାହା ଫଳରେ ସେନେଟ୍ ମୁଲତବୀ ହୋଇଗଲା।

କେଉଁ ବୟାନ ଦେଇଥିଲେ ହାନସନ୍ ?

​​​​​​​ପରେ ଫେସବୁକରେ ପୋଷ୍ଟ କରାଯାଇଥିବା ଏକ ବିବୃତ୍ତିରେ, ହାନସନ କହିଛନ୍ତି ଯେ ତାଙ୍କର ପ୍ରସ୍ତାବିତ ବିଲ୍ ସିନେଟ୍ ଦ୍ୱାରା ପ୍ରତ୍ୟାଖ୍ୟାନ ପ୍ରତିବାଦରେ ତାଙ୍କର କାର୍ଯ୍ୟ ଥିଲା। ସେ ବିବୃତ୍ତିରେ କହିଛନ୍ତି, "ଯଦି ସଂସଦ ଏହାକୁ ନିଷିଦ୍ଧ କରିବ ନାହିଁ । ତେବେ ମୁଁ ସଂସଦରେ ଏହି ଦମନକାରୀ, ଉଗ୍ରବାଦୀ, ଧର୍ମ ବିରୋଧୀ ମୁଣ୍ଡକୁ ଘୋଡାି ରଖୁଥିବା ପୋଷାକ ପିନ୍ଧିବି । ଯାହା ଆମର ଜାତୀୟ ସୁରକ୍ଷାକୁ ବିପଦରେ ପକାଇଥାଏ । 

ପାଉଲିନ୍ ହାନସନ କିଏ?

୧୯୯୦ ଦଶକରେ କ୍ୱିନ୍ସଲ୍ୟାଣ୍ଡ୍ ସେନେଟର ପାଉଲିନ୍ ହାନସନ ପ୍ରଥମେ ଲୋକପ୍ରିୟତାକୁ ଆସିଥିଲେ । ଯେତେବେଳେ ସେ ଏସିଆରୁ ପ୍ରବାସନ ଏବଂ ଶରଣାର୍ଥୀଙ୍କ ବିରୋଧରେ ଦୃଢ଼ ବିରୋଧ କରିଥିଲେ। ତାଙ୍କ ସଂସଦୀୟ କ୍ୟାରିଅର ସମୟରେ, ସେ ଦୀର୍ଘ ସମୟ ଧରି ଇସଲାମିକ୍ ପୋଷାକ ବିରୋଧରେ ଅଭିଯାନ ଚଳାଇଛନ୍ତି। ଏହା ପ୍ରଥମ ଥର ନୁହେଁ ଯେ ହାନସନ ସଂସଦରେ ବୁର୍ଖା ପିନ୍ଧିଛନ୍ତି । ଏହାର ନିଷେଧ ପାଇଁ ଆହ୍ୱାନ ଦେଇଛନ୍ତି। ସେ ପୂର୍ବରୁ ୨୦୧୭ରେ ସମାନ ଦାବି କରିଥିଲେ। ହାନସନଙ୍କ ୱାନ୍ ନେସନ୍ ପାର୍ଟି ସିନେଟରେ ଚାରୋଟି ଆସନ ରଖିଛି।