ଲିଷ୍ଟ A କ୍ରିକେଟରେ କୋହଲିଙ୍କ ‘ବିରାଟ’ ରେକର୍ଡ, ସଚିନଙ୍କୁ ପଛରେ ପକାଇ ଲେଖିଲେ ଇତିହାସ

ନୂଆଦିଲ୍ଲୀ: ବିଜୟ ହଜାରେ ଟ୍ରଫି ୨୦୨୫ର ପ୍ରଥମ ମ୍ୟାଚ୍‌ରେ ବିରାଟ କୋହଲି ଦମଦାର ପ୍ରଦର୍ଶନ କରି ଇତିହାସ ରଚିଛନ୍ତି । ୧୫ ବର୍ଷ ପରେ ବିଜୟ ହଜାରେ ଟ୍ରଫି ଖେଳୁଖିବା ବିରାଟ ସେ ଆନ୍ଧ୍ର ପ୍ରଦେଶ ବିପକ୍ଷରେ ଘରୋଇ କ୍ରିକେଟରେ ନୂଆ କୀର୍ତ୍ତିମାନ ସ୍ଥାପନ କରିଛନ୍ତି । ବେଙ୍ଗାଲୁରୁରେ ଖେଳାଯାଉଥିବା ଏହି ମ୍ୟାଚରେ, ପ୍ରଥମ ରନ୍ ସହିତ କିଙ୍ଗ୍ କୋହଲିଙ୍କ ନାମ ଇତିହାସ ପୃଷ୍ଠାରେ ଲିପିବଦ୍ଧ ହୋଇଛି । ପୂର୍ବତନ ଭାରତୀୟ ଅଧିନାୟକ ଲିଷ୍ଟ ଏ କ୍ରିକେଟରେ ୧୬,୦୦୦ ରନ୍ ସ୍କୋର କରିବାରେ ଦ୍ୱିତୀୟ ଖେଳାଳି ହୋଇଛନ୍ତି । ଏହି ମାମଲାରେ ସେ ସଚିନ ତେନ୍ଦୁଲକରଙ୍କ ରେକର୍ଡ ମଧ୍ୟ ଭାଙ୍ଗିଛନ୍ତି ।

ଲିଷ୍ଟ ଏ କ୍ରିକେଟରେ ବିରାଟ କୋହଲି ୧୬,୦୦୦ ରନ ପୂରଣ କରିଛନ୍ତି।

୨୦୨୫ ବିଜୟ ହଜାରେ ଟ୍ରଫିର ପ୍ରଥମ ମ୍ୟାଚ୍‌ରେ କୋହଲି ଆନ୍ଧ୍ର ପ୍ରଦେଶ ବିପକ୍ଷରେ ୧୬,୦୦୦ ଲିଷ୍ଟ ଏ ରନ୍ ପୂରଣ କରିଛନ୍ତି । ଏହି ସଫଳତା ହାସଲ କରିବାରେ ଘରୋଇ କ୍ରିକେଟ୍ ଇତିହାସର ଦ୍ୱିତୀୟ ଖେଳାଳି ହୋଇଛନ୍ତି । ୩୭ ବର୍ଷୀୟ କୋହଲି ଏହି ମାଇଲଖୁଣ୍ଟ ହାସଲ କରିବାରେ ନବମ ଏବଂ ଏସିଆର ଚତୁର୍ଥ ଖେଳାଳି ହୋଇଛନ୍ତି । ଆଜିର ମ୍ୟାଚ୍‌ରେ ବିରାଟ କୋହଲି ୧୦୧ ବଲରେ ୧୩୧ ରନ୍ କରି ଆଉଟ୍ ହୋଇଥିଲେ ।

କିଙ୍ଗ କୋହଲି ମାଷ୍ଟର ବ୍ଲାଷ୍ଟରଙ୍କ ରେକର୍ଡ ଭାଙ୍ଗିଛନ୍ତି । ଲିଷ୍ଟ ଏ କ୍ରିକେଟ୍ ଇତିହାସରେ ଦ୍ରୁତତମ ୧୬,୦୦୦ ରନ କରିବାରେ ଖେଳାଳି ହୋଇଛନ୍ତି । କୋହଲି ନିଜର ୩୩୦ତମ ଲିଷ୍ଟ ଏ ଇନିଂସରେ ଏହି ମାଇଲଖୁଣ୍ଟ ହାସଲ କରିଥିବା ବେଳେ ସଚିନ ତାଙ୍କର ୩୯୧ତମ ଇନିଂସରେ ଏହା ହାସଲ କରିଥିଲେ ।ଏହିପରି ଭାବେ ୧୬,୦୦୦ ରନ୍ ପୂରଣ କରିବାରେ କୋହଲି ଦ୍ରୁତତମ ଖେଳାଳି ହୋଇଛନ୍ତି । ଏହା ପୂର୍ବରୁ, କୋହଲି ୧୦,୦୦୦, ୧୧,୦୦୦, ୧୨,୦୦୦, ୧୩,୦୦୦, ୧୪,୦୦୦ ଏବଂ ୧୫,୦୦୦ ରନ୍ ପୂରଣ କରିବାରେ ମଧ୍ୟ ଦ୍ରୁତତମ ଖେଳାଳି ଥିଲେ ।

କୋହଲିଙ୍କ ଆଭରେଜ୍ ୫୦ରୁ ଅଧିକ

ଲିଷ୍ଟ ଏ କ୍ରିକେଟରେ ୧୬,୦୦୦ ରନ୍ କରିଥିବା ନଅ ଜଣ ଖେଳାଳିଙ୍କ ମଧ୍ୟରେ କୋହଲି ଏକମାତ୍ର ଖେଳାଳି, ଯାହାଙ୍କ ରନ୍ ହାର ୫୦ରୁ ଅଧିକ ରହିଛି । କୋହଲିଙ୍କ ହାରାହାରି ରନ୍ ୫୭.୩୪ । ତାଙ୍କ ପରେ ସଚିନଙ୍କ ଆଭରେଜ୍ ୪୫.୫୪ । ଲିଷ୍ଟ ଏ କ୍ରିକେଟରେ କିଙ୍ଗ୍ କୋହଲିଙ୍କ ଆଭରେଜ ଠାରୁ କେବଳ ତିନି ଜଣ ଖେଳାଳିଙ୍କ ଆଭରେଜ୍ ଅଧିକ ରହିଛି । ବିରାଟ କୋହଲି ଏବଂ ସଚିନ ତେନ୍ଦୁଲକରଙ୍କ ପରେ ଏହି ତାଲିକାରେ ସୌରଭ ଗାଙ୍ଗୁଲି ଅଛନ୍ତି । ସେ ତାଙ୍କ କ୍ୟାରିଅରରେ ୧୫୬୨୨ ରନ୍ କରିଥିଲେ ।