ଆମେ ଜାଣିଛୁ ଜିତିପାରିବୁନି, ହେଲେ ରାଜ୍ୟର ସ୍ୱାର୍ଥ୍ୟ ପାଇଁ ଆମେ ଲଢିବୁ - ଭକ୍ତ ଦାସ

ଭୁବନେଶ୍ୱର ୦୨।୦୨: ରାଜ୍ୟର ସ୍ୱାର୍ଥ ପାଇଁ ମୁଁ ନବୀନଙ୍କୁ ଭେଟିବି । ଦିନେ କି ଦୁଇ ଦିନ ମଧ୍ୟରେ ଜଣାପଡିବ କେବେ ନବୀନଙ୍କ ସହ ସାକ୍ଷାତ କରିବି । ବିରୋଧୀ ଦଳ ପାଖରେ ସୁଯୋଗ ରହିଛି । ତେଣୁ ଆମକୁ ଏହି ସୁଯୋଗର ଫାଇଦା ଉଠାଇବାକୁ ପଡ଼ିବ ବୋଲି କହିଛନ୍ତି ପିସିସି ସଭାପତି ଭକ୍ତଚରଣ ଦାସ ।

ସେ ଆହୁରି ମଧ୍ୟ କହିଛନ୍ତି ଯେ, ରାଜ୍ୟସଭା ନିର୍ବାଚନ ନେଇ ଖୁବଶୀଘ୍ର ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କୁ ଭେଟିବେ ପିସିସି ସଭାପତି । ପୂର୍ବରୁ ରାଜ୍ୟସଭା ନିର୍ବାଚନ ପ୍ରସଙ୍ଗରେ ନବୀନଙ୍କୁ ଭେଟିବେ ବୋଲି ସୂଚନା ଦେଇଥିଲେ । ଏବେ ଏହି ପ୍ରସଙ୍ଗରେ ଆସିଛି ଭକ୍ତଙ୍କ ଆଉ ଏକ ବୟାନ । ଯାଜପୁରରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ଯୋଗ ଦେବା ଅବସରରେ ଭକ୍ତ ଦାସ କହିଛନ୍ତି ଯେ, ମୁଁ ଖୁବଶୀଘ୍ର ନବୀନ ପଟ୍ଟନାୟକଙ୍କ ସହ ସାକ୍ଷାତ କରିବି । ଦିନେ କି ଦୁଇ ଦିନ ମଧ୍ୟରେ କେଉଁ ତାରିଖରେ ନବୀନଙ୍କ ଭେଟିବି । ସେ ତାରିଖ ଜଣାପଡିବ । ବିରୋଧୀ ଦଳ ପାଖରେ ସୁଯୋଗ ରହିଛି । ତେଣୁ ଆଲୋଚନା କଲେ ଅନେକ କଥା ସାମ୍ନାକୁ ଆସିବ । ବିଜେଡି ଓ କଂଗ୍ରେସ ସଂଖ୍ୟାକୁ ନେଇ ସମ୍ଭାବନା ରହିଛି । ସମ୍ଭାବନାକୁ ଚେଷ୍ଟା କରିବା ରାଜନୈତିକ ଅପରାଧ ନୁହେଁ । ଆମେ ଜାଣିଛୁ ଜିତିପାରବୁନି, ହେଲେ ରାଜ୍ୟର ସ୍ୱାର୍ଥ୍ୟ ପାଇଁ ଆମେ ଲଢିବୁ । ଦଳର ମର୍ଯ୍ୟାଦା ପାଇଁ ଲଢିବୁ ।

ତେବେ ଯେଉଁ ଦୁଇ ଦଳ କେବେବେ ଏକାକୀ ହୋଇ ନିର୍ବାଚନ ଲଢିନାହାନ୍ତି କି ଏକାସାଙ୍ଗେ କୌଣସି ବୟାନ ମଧ୍ୟ ଦେଇନାହାନ୍ତି । ଆଜି ଏକାଠି ରାଜ୍ୟସଭା ନିର୍ବାଚନ ଲଢିବାକୁ କଥା କହୁଛନ୍ତି । ଦେଖାଯାଉ ଆଗକୁ ରାଜ୍ୟସଭା ନିର୍ବାଚନରେ ବିଜେଡି ସୁପ୍ରିମୋ କାହା ପଟକୁ ଢଳୁଛନ୍ତି । ବିଜେପି ନା କଂଗ୍ରେସ । ନା ପୂର୍ବ ଭଳି ଦୁଇ ଦଳଙ୍କ ଠାରୁ ସମଦୂରତା ବଜାୟ ରଖିବେ ।