ମୁନିଗୁଡା ୨୩/୪: ବାଇକରେ ବାହାରକୁ ଚାଲାଣ ହେଉଥିଲା ଗଞ୍ଜେଇ। ଖବର ପାଇ ମାଡିବସିଲା ପୋଲିସ । ରାୟଗଡା ଜିଲ୍ଲା ମୁନିଗୁଡା ରେଳଷ୍ଟେସନରୁ ୨ ମହିଳାଙ୍କ ସମେତ ୬ ଜଣ ଗଞ୍ଜେଇ ବେପାରୀଙ୍କୁ ଗିରଫ କରିଛି ପୋଲିସ । ସେମାନଙ୍କ ନିକଟରୁ ୪୮କେଜି ୯୮୦ ଗ୍ରାମ ଗଞ୍ଜେଇ, ୨ଟି ବାଇକ ଓ ୩ଟି ମୋବାଇଲ ଫୋନ ଜବତ କରାଯାଇଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ୩ଲକ୍ଷରୁ ଅଧିକ ଟଙ୍କା ହେବ ।
ଚନ୍ଦ୍ରପୁର ଅଞ୍ଚଳରୁ ଗୋଟିଏ ବାଇକ ଓ ୨ଟି ସ୍କୁଟିରେ ୨ଜଣ ବ୍ୟକ୍ତି ୪ଟି ବ୍ୟାଗରେ ଗଞ୍ଜେଇ ଧରି ମୁନିଗୁଡା ରେଳ ଷ୍ଟେସନ ଯାଉଥିଲେ। ସେଠାରେ ଜଗିଥିବା ଆଉ ୪ ଜଣଙ୍କ ସହାୟତାରେ ବିହାର ଓ ଛତିଶଗଡକୁ ଗଞ୍ଜେଇ ଚାଲାଣ କରିବାର ପ୍ଲାନ ଥିଲା । ତେବେ ପୋଲିସ କୌଣସି ସୂତ୍ରରୁ ଖବର ପାଇ ସେମାନଙ୍କ ଚାଲାଣ ଉଦ୍ୟମକୁ ପଣ୍ଡ କରିବା ସହ ସମସ୍ତଙ୍କୁ ଗିରଫ କରିଛି । ଗିରଫ ୬ ଜଣଙ୍କ ବିରୋଧରେ ମୁନିଗୁଡା ଥାନାରେ ମାମଲା ରୁଜୁ କରି ସମସ୍ତଙ୍କୁ କୋର୍ଟ ଚାଲାଣ କରାଯାଇଛି।
