Ind vs Aus : ବର୍ଷା ଯୋଗୁ ଗାବା ଟି-୨୦ ରଦ୍ଦ, ୨-୧ରେ ସିରିଜ ଜିତିଲା ଭାରତ

ନୂଆଦିଲ୍ଲୀ: ଭାରତ ଓ ଅଷ୍ଟ୍ରେଲିଆ ମଧ୍ୟରେ ଟି-୨୦ ସିରିଜର ପଞ୍ଚମ ତଥା ଶେଷ ମୁକାବିଲା ଶନିବାର ବ୍ରେସବେନର ଦ' ଗାବା ଷ୍ଟାଡିୟମରେ ଖେଳାଯାଉଥିଲା । କିନ୍ତୁ ବର୍ଷା ଯୋଗୁ ମୁକିବାଲକୁ ରଦ୍ଦ କରାଯାଇଛି । ଭାରତ କୌଣସି ୱିକେଟ୍ ନ ହରାଇ ୫୨ ରନ୍ କରିଥିଲା । ଏହାପରେ ବିଜୁଳି-ଘଡ଼ଘଡ଼ି ବର୍ଷା ଯୋଗୁ ମ୍ୟାଚ୍‌କୁ ଅଧାର ଅଟକା ଯାଇଥିଲା । ମୁକାବିଲା ରଦ୍ଦ ହେବା ପରେ ଭାରତୀୟ ଟିମ୍ ଅଷ୍ଟ୍ରେଲିଆ ବିପକ୍ଷ ଟି-୨୦ ସିରିଜକୁ ୨-୧ରେ ଜିତି ନେଇଛି ।

ଦୁଇ ଟିମ୍ ମଧ୍ୟରେ କାନବେରାରେ ଖେଳାଯାଇଥିବା ପ୍ରଥମ ଟି-୨୦ ବର୍ଷା ଯୋଗୁ ରଦ୍ଦ ହୋଇଥିଲା । ମେଲବର୍ଣ୍ଣରେ ଖେଳାଯାଇଥିବା ଦ୍ୱିତୀୟ ଟି-୨୦କୁ ଅଷ୍ଟ୍ରେଲିଆ ୪ ୱିକେଟରେ ଜିତି ନେଇଥିଲା । ଏହାପରେ ଭାରତୀୟ ଟିମ୍ ଜୋରଦାର କମବ୍ୟାକ୍ କରି ହୋବାର୍ଡକୁ ୫ ୱିକେଟରେ ଓ ଗୋଲ୍ଡ କୋଷ୍ଟକୁ ୪୮ ରିନରେ ଜିତି ନେଇଥିଲା ।