ଝିଅକୁ ଅସଦାଚରଣ କଲା ଯୁବକ, ଅଭିଯୁକ୍ତକୁ ପିଟି ପିଟି ହତ୍ୟା ପରେ ଆତ୍ମସମର୍ପଣ କଲା ବାପା

ଢେଙ୍କାନାଳ ୧୯।୧୦: ଝିଅକୁ ଅସଦାଚରଣର ପ୍ରତିଶୋଧ ନେଲେ ବାପା । ଯୁବତୀଙ୍କୁ ଅସଦାଚରଣ କରି ଯୁବକଙ୍କ ଜୀବନ ଯାଇଛି । ଅସଦାଚରଣ କରିଥିବା ଅଭିଯୁକ୍ତକୁ ସଂଘବଦ୍ଧ ଭାବେ ପିଟି ପିଟି ହତ୍ୟା କରାଯାଇଛି । ଢେଙ୍କାନାଳ ଜିଲ୍ଲା ପରଜଙ୍ଗ ଆଖୁଆପାଳ ଗ୍ରାମରେ ଘଟିଛି ଏଭଳି ଅଭାନୀୟ ଘଟଣା । ମୃତ ଯୁବକ ଦଦରା ଘାଟି ୧ନଂ କଲୋନୀର କରୁଣାକର ବେହେରା ବୋଲି ଜଣାପଡିଛି ।

ଘଟଣାଟି ଶନିବାର ଘଟିଥିଲେ ମଧ୍ୟ ପୀଡ଼ିତା ଯୁବତୀଙ୍କ ବାପା ରବିବାର ଦଦରା ଘାଟି ଫାଣ୍ଡିରେ ଆତ୍ମସମର୍ପଣ କରିବା ପରେ ଘଟଣା ସାମ୍ନାକୁ ଆସିଛି । ଆତ୍ମସମର୍ପଣ କରିଥିବା ଅଭିଯୁକ୍ତ ରୂପ ପିଙ୍ଗୁଆ ବୋଲି ଜଣାପଡିଛି । ତାଙ୍କ ଘର ମୋହନ ପଶି ମୁଣ୍ଡା ସାହିରେ ବୋଲି ଜଣାପଡିଛି ।

ଶନିବାର ଘରପାଖ ନାଳକୁ ଶୌଚ ହେବାକୁ ଯାଇଥିବା ବେଳେ ଯୁବକ ଜଣଙ୍କ ତାଙ୍କ ଝିଅକୁ ଅସଦାଚରଣ କରିଥିବା ଅଭିଯୋଗ କରିଛି ହତ୍ୟା ଅଭିଯୁକ୍ତ ରୂପ ପିଙ୍ଗୁଆ । ଘଟଣା ସମ୍ପର୍କରେ ଜଣାପଡିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୋହନ ପଶି ନିକଟସ୍ଥ ନାଳରୁ ମୃତଦେହକୁ ଉଦ୍ଧାର କରିଛି । ମୃତଦେହ ଜବତ କରି ଅଧିକ ତଦନ୍ତ ଚଳାଇଛି ପରଜଙ୍ଗ ପୋଲିସ । ତେବେ ପୋଲିସର ପ୍ରାଥମିକ ତଦନ୍ତରୁ ଯୁବତୀଙ୍କ ପରିବାର ଓ ଗ୍ରାମବାସୀ ଅଭିଯୁକ୍ତକୁ ପିଟି ପିଟି ମାରିଦେଇଥିବା ଜଣାପଡିଛି । ତେବେ ହତ୍ୟା ପରେ ଗ୍ରାମ ନିକଟରେ ଥିବା ନାଳରେ ମୃତଦେହ ପକାଇ ଦେଇଥିଲେ ।