ବୟଫ୍ରେଣ୍ଡଙ୍କ ସହ ଫେରାର ହୋଇଥିଲେ ମହିଳା , ଜ୍ୱାଇଁଙ୍କ ନାଁରେ ହତ୍ୟା କେସ୍‌ ରୁଜୁ କରାଇ ଥିଲେ ଶାଶୂ ; ଏମିତି ଖୋଲିଲା ରହସ୍ୟ

ଗାଜିପୁର : ୟୁପିର ଗାଜିପୁରରୁ ଏକ ସମ୍ୱେଦନଶୀଳ ମାମଲା ସାମ୍ନାକୁ ଆସିଛି। ଏଠାରେ ଜଣେ ମହିଳା ନିଜର ଜ୍ୱାଇଁ ଓ ତାଙ୍କ ପରିବାର ଲୋକଙ୍କ ନାଁରେ ଝିଅକୁ ହତ୍ୟା କରିବାର ମାମଲା ରୁଜୁ କରାଇ ଥିଲେ। ପୁଲିସ ମହିଳାଙ୍କ ଅଭିଯୋଗ ଆଧାରରେ ଏଫଆଇଆର ରୁଜୁ କରି ତଦନ୍ତ ଚାଲୁ କରିଥିଲେ। ପୁଲିସର ଯାଞ୍ଚରେ କେସ୍‌ ମିଛ ବୋଲି ବାହାରି ଥିଲା। ଯେଉଁ ମହିଳାଙ୍କ ହତ୍ୟାର ରିପୋର୍ଟ ତାଙ୍କର ମାଆ ରୁଜୁ କରାଇ ଥିଲେ , ସେହି ମହିଳା ନିଜର ବୟଫ୍ରେଣ୍ଡ ସହ ଫେରାର ହୋଇଯାଇ ଥିଲେ। ପୁଲିସ ମହିଳାଙ୍କୁ ଉଦ୍ଧାର କରିଛି। ଏହାପରେ ତାଙ୍କର ଡାକ୍ତରୀ ପରୀକ୍ଷଣ କରାଯାଇଛି। ପୁଲିସ୍ ଉକ୍ତ ମାମଲାରେ ଛଅ ଜଣ ଲୋକଙ୍କ ଉପରେ ଯୌତୁକ ନିର୍ଯାତନାର କେସ୍‌ ରୁଜୁ କରାଇ ଥିଲେ। ପଚରାପଚରିରେ ଜଣାପଡ଼ିଛି ଯେ, ଯୁବତୀଙ୍କ ଇଚ୍ଛା ବିରୁଦ୍ଧରେ ବିବାହ କରାଯାଇ ଥିଲା। ପରେ ସେ ନିଜର ପ୍ରେମିକଙ୍କୁ ବିବାହ କରି ରହୁଥିଲେ।

ସାଦାତର ବରହପାର ଭୋଜୁରାୟ ଗାଁ ନିବାସୀ ରାଜବନ୍ତି ଦେବୀ ନିଜର ପୁତ୍ରୀ ରୁଚିଙ୍କ ବିବାହ ଖାନପୁରର ହଥୌଡା ଗାଣ ନିବାସୀ ଯୁବକ ରାଜେନ୍ଦ୍ର କୁମାରଙ୍କ ସହ ୨୦୨୩ ମସିହାରେ କରିଥିଲେ। ତିନି ଅକ୍ଟୋବରରେ ରାଜବନ୍ତୀ ଦେବୀ ରୁଚିଙ୍କୁ ଜୀବନରେ ମାରି ମୃତଦେହ ଗାଏବ କରିବାର ଅଭିଯୋଗ କରି ଏସପିଙ୍କୁ ଅଭିଯୋଗ ପତ୍ର ଦେଇଥିଲେ। ଏସପି  ଯାଞ୍ଚ କରି କାର୍ଯ୍ୟାନୁଷ୍ଠାନର ଆଦେଶ ଦେଇଥିଲେ। ସାଦାତ ପୁଲିସ ରାଜବନ୍ତୀ ଦେବୀଙ୍କ ଅଭିଯୋଗରେ ଜ୍ୱାଇଁ ରାଜେନ୍ଦ୍ରଙ୍କ ସମେତ ତାଙ୍କ ପରିବାରର ଛଅ ଜଣଙ୍କ ନାଁ ହତ୍ୟା ସମେତ ବିଭିନ୍ନ ଧାରାରେ ମୋକଦମା ରୁଜୁ କରାଇ ଥିଲେ।

ଏସପିଙ୍କ ଆଦେଶରେ ପୁଲିସ ଯାଞ୍ଚ ପ୍ରକ୍ରିୟା ଆରମ୍ଭ କରିଥିଲେ। ମାମଲାରେ କାର୍ଯ୍ୟାନୁଷ୍ଠାନ ନେଇ ସୈଦପୁର ସିଓ ରାମକୃଷ୍ଣ ତିୱାରୀ ପ୍ରତି ଦିଗକୁ ଧ୍ୟାନରେ ରଖି ବିବେଚନା କରିବାରୁ ପ୍ରକୃତ କଥା ଜଣାପଡ଼ି ଥିଲା। ବାସ୍ତବରେ ରୁଚି ବଞ୍ଚିଛନ୍ତି। ସିଓ କହିଥିଲେ ଯେ ସର୍ଭିଲାନ୍ସ ମାଧ୍ୟମରେ ଜଣାପଡ଼ିଲା ଯେ, ରୁଚି ଏମପିର ଗ୍ୱାଲିୟର ଅଞ୍ଚଳର ଏକ ଗାଁରେ ଥିଲେ। ପୁଲିସ ଟିମ୍‌ ସେଠାରେ ପହଞ୍ଚି ଥିଲା।