ବଲିଉଡ୍‌କୁ ନେଇ ରାଶି ଖାନ୍ନାଙ୍କ ବିସ୍ଫୋରକ ବୟାନ, କହିଲେ-ବିଟାଉନ୍‌ରେ ବି ମହିଳାଙ୍କୁ ବସ୍ତୁ ଭଳି ପ୍ରଦର୍ଶନ କରେ

ନୂଆଦିଲ୍ଲୀ ୦୧।୧୧; ସାଉଥ୍ ସିନେମାରେ ମହିଳାଙ୍କୁ ବସ୍ତୁ ଭଳି ପ୍ରଦର୍ଶନ କରିବାର ଅଭିଯୋଗ ବହୁ ପୁରୁଣା । ଏ ମାମଲା ଉପରେ ଅନେକ ବିତର୍କ, ଆଲୋଚନା ବି ହୋଇଛି । ଏବେ ସାଉଥ୍ ଓ ବଲିଉଡ୍ର ଲୋକପ୍ରିୟ ଅଭିନେତ୍ରୀ ରାଶି ଖାନ୍ନା ଏ ବିଷୟରେ ନିଜ ରାୟ ଦେଇଛନ୍ତି । ଏକ ସାକ୍ଷାତକାରରେ ସେ କହିଛନ୍ତି, ଏହା କେବଳ ସାଉଥ୍ ଇଣ୍ଡଷ୍ଟ୍ରିରେ ହୁଏନାହିଁ, ବଲିଉଡ୍‌ରେ ମଧ୍ୟ ହୁଏ । ଏହା ସମ୍ପୂର୍ଣ୍ଣ ରୂପେ କଳାକାରଙ୍କ ପସନ୍ଦ ଉପରେ ନିର୍ଭର କରେ । କିଛି ଲୋକ ଏହାକୁ ନେଇ ସହଜ ଥାନ୍ତି, ଆଉ କିଛି ନୁହେଁ ।

ରାଶି ଆହୁରି କହିଛନ୍ତି, ମୁଁ ସାଉଥ୍ରେ ଏତେ ଅଧିକ ବ୍ୟବସାୟିକ ଫିଲ୍ମ କରିଛି ଯେ ହିନ୍ଦୀ ଇଣ୍ଡଷ୍ଟ୍ରି ଅଭିମୁଖେ ପାଦ ବଢ଼ାଇବା ଉଚିତ୍ ବୋଲି ଅନୁଭବ କରୁଛି । ବ୍ୟବସାୟିକ ଫିଲ୍ମରେ କାମ କରିବାରେ ମୋର କୌଣସି ସମସ୍ୟା ନାହିଁ । କିନ୍ତୁ ଏଥିରେ ମୋର ବି ଏକ ସୀମା ଅଛି । ସବୁ କଳାକାରଙ୍କ ଭିନ୍ନ ଭିନ୍ନ ସୀମା ଥାଏ ଏବଂ ତାହା ହିଁ ତାଙ୍କ ପରିଚୟ । ମୁଁ ଯେଉଁ କାମ କରୁଛି, ସେଥିରେ ସହଜ ଅନୁଭବ କରିବା ବହୁତ ଜରୁରି । ଯଦି ମୁଁ ଅନୁଭବ କରେ ଯେ କୌଣସି ସୀମା ଲଂଘନ ହେଉଛି ଏବଂ ମୁଁ ଏଥିରେ ଶସ୍ତା ହୋଇପାରେ, ତେବେ ମୁଁ ମନା କରିଦେବି । ସବୁ କଳାକାରଙ୍କ କମ୍ଫର୍ଟ ଜୋନ୍ ଅଲଗା ।

ତେଣୁ ମୁଁ କାହା ଉପରେ ଟିପ୍ପଣୀ ଦିଏ ନାହିଁ । ଖୁବ୍‌ ଶଘ୍ର ‘ଉସ୍ତାଦ ଭଗତ ସିଂହ’ରେ ପରଦାକୁ ଆସିବେ ରାଶି । ପୱନ କଲ୍ୟାଣ ଓ ଶ୍ରୀଲୀଲା ଷ୍ଟାରର୍ ଏହି ଫିଲ୍ମ ୨୦୨୬ ଏପ୍ରିଲରେ ଥିଏଟରକୁ ଆସିବ । ଶାହିଦ କପୁରଙ୍କ ଅପୋଜିଟ୍ରେ ଆମାଜନ୍ ପ୍ରାଇମ୍ ସିରିଜ୍ ‘ଫର୍ଜି ସିଜନ୍-୨’ରେ ମଧ୍ୟ ସେ ଆସିବେ । ଆସନ୍ତା ବର୍ଷ ଏହାର ସୁଟିଂ ଆରମ୍ଭ ହେବ ।