ନୂଆଦିଲ୍ଲୀ ୨୪।୦୬: ଅନେକ ସମୟରେ ସମସ୍ତେ ପାର୍ଟି କରିଥାନ୍ତି । କିନ୍ତୁ ଜାଣନ୍ତି କି ଏପରି ଏକ ପାର୍ଟି ଯାହା ବିଶ୍ବ ପ୍ରସିଦ୍ଧ । ବାସ୍ତବରେ ଏହା ଥିଲା ଇତିହାସର ସବୁଠାରୁ ମହଙ୍ଗା ପାର୍ଟି । ଏଥିରେ କୋଟି କୋଟି ଟଙ୍କା ଖର୍ଚ୍ଚ ହୋଇଥିଲା । ଜାଣି ଆଶ୍ଚର୍ଯ୍ୟ ହେବେ ଏହି ପାର୍ଟି ପରେ ଦେଶର ସରକାରଙ୍କ ପତନ ଘଟିଥିଲା। ବାସ୍ତବରେ ଏହି ପାର୍ଟି ଇରାନ ଶାସକଙ୍କର ରହିଥିଲା । କୁହାଯାଏ ଏହି ପାର୍ଟି ପରେ ଇରାନରେ ଏକ ବିଦ୍ରୋହ ହୋଇଥିଲା।
୧୯୭୧ରେ ଇରାନର ଅର୍ଥନୀତି ବହୁତ ଖରାପ ଥିଲା । ସେଠାକାର ଲୋକମାନେ ଦାରିଦ୍ର୍ୟ ଏବଂ ବେକାରୀ ସହିତ ସଂଘର୍ଷ କରୁଥିଲେ । ପରିସ୍ଥିତି ଏପରି ଥିଲା ଯେ ଲୋକମାନଙ୍କୁ ବିଶୁଦ୍ଧ ପାଣି ମଧ୍ୟ ମିଳୁନଥିଲା । କିନ୍ତୁ ସେହି ସମୟରେ ସରକାର ୮୪୩ ଟଙ୍କାରୁ ଅଧିକ ଟଙ୍କାର ଏକ ପାର୍ଟି କରିଥିଲେ । ଯାହା ପରେ ସେଠାକାର ଲୋକମାନେ ରାଗିଯାଇଥିଲେ । ଆଉ ପରିଣାମ ସ୍ୱରୂପ ସରକାର ପତନ ହୋଇଥିଲା ।
ସେତେବେଳେ ଇରାନରେ ମହମ୍ମଦ ରେଜା ପହଲଭିଙ୍କ ଦ୍ୱାରା ଶାସିତ ହେଉଥିଲା ଏବଂ ଦେଶ ପାଶ୍ଚାତ୍ୟ ସଂସ୍କୃତି ଦ୍ୱାରା ବହୁତ ପ୍ରଭାବିତ ଥିଲା। ସେହି ସମୟରେ ଦେଶରେ ଖୋଲାଖୋଲି ପରିବେଶ ଥିଲା । ଶାସକ ମହମ୍ମଦ ରେଜା ପହଲଭି ୧୯୭୧ ମସିହାରେ ପର୍ସେପୋଲିସରେ ପାରସ୍ୟ ସାମ୍ରାଜ୍ୟର ୨୫୦୦ ତମ ବାର୍ଷିକୀ ପାଳନ କରିବା ପାଇଁ ଏତେ ବଡ଼ ପାର୍ଟି ଆୟୋଜନ କରିଥିଲେ । ଏହି ପାର୍ଟି ପର୍ସେପୋଲିସର ମରୁଭୂମିରେ ଅନୁଷ୍ଠିତ ହୋଇଥିଲା। ଏଠାରେ ପ୍ରାଚୀନ ରାଜା ସାଇରସ ମହାନଙ୍କ ସମାଧି ଥିଲା।
ଏହି ପାର୍ଟିର ବିଶେଷତ୍ୱ ଥିଲା ଯେ ୬୫ଟି ଦେଶର ପ୍ରତିନିଧି ମଧ୍ୟ ଏଠାରେ ଅଂଶଗ୍ରହଣ କରିଥିଲେ । ପାର୍ଟି ପାଇଁ ବିଦେଶରୁ ୧୮ ଟନ୍ ଖାଦ୍ୟ ମଗାଯାଇଥିଲା। ଆଉ ଅତିଥିମାନଙ୍କ ପାଇଁ ୨୫,୦୦୦ ବୋତଲ ମଦ ଏବଂ ୧୦୦ ବିମାନ ବ୍ୟବହାର କରାଯାଇଥିଲା। କେବଳ ପାର୍ଟି ପାଇଁ ପ୍ରସ୍ତୁତି କରିବାକୁ ଗୋଟିଏ ବର୍ଷ ଲାଗିଥିଲା।
ସେତେବେଳେ ତେହେରାନରେ ବହୁତ କମ୍ ହୋଟେଲ ଥିଲା । ତେଣୁ ମରୁଭୂମିରେ ଏକ ଅସ୍ଥାୟୀ ତମ୍ବୁ ସହର ନିର୍ମାଣ କରାଯାଇଥିଲା । ରାସ୍ତା ଏବଂ ରାଜପ୍ରାସାଦ ପରି ତମ୍ବୁ ସ୍ଥାପନ କରାଯାଇଥିଲା । ମରୁଭୂମିକୁ ସବୁଜ ଦେଖାଯିବା ପାଇଁ ୫୦ ହଜାର ପକ୍ଷୀ ଅଣାଯାଇଥିଲା । କିନ୍ତୁ ସେମାନଙ୍କ ମଧ୍ୟରୁ ଅଧିକାଂଶ ଗରମ ଯୋଗୁଁ ମରିଗଲେ।
ଏହି ରାଜକୀୟ ପାର୍ଟିରେ ଅପବ୍ୟୟ ଖର୍ଚ୍ଚ ଯୋଗୁଁ ଇରାନର ଲୋକଙ୍କ ମଧ୍ୟରେ କ୍ରୋଧ ବଢିଥିଲା । ସେମାନେ ବିଶୁଦ୍ଧ ପାଣି ପାଇଁ ମଧ୍ୟ ବ୍ୟାକୁଳ ଥିଲେ । ସେମାନେ ଅନୁଭବ କରିଥିଲେ ଶାହ ଲୋକଙ୍କ ବିଷୟରେ ଆଦୌ ଚିନ୍ତା କରନ୍ତିନି । ଏହି କ୍ରୋଧ ଶାହାଙ୍କ ପତନର କାରଣ ହେଲା । ୧୯୭୯ ମସିହାରେ ଇରାନ ବିପ୍ଳବ ହୋଇଥିଲା । ଗଣମାଧ୍ୟମ ରିପୋର୍ଟ ଅନୁସାରେ, ଆୟାତୋଲ୍ଲା ଖୋମେନିଙ୍କ ନେତୃତ୍ୱରେ ଲୋକମାନେ ଶାହଙ୍କୁ କ୍ଷମତାଚ୍ୟୁତ କରିଥିଲେ ଏବଂ ସମଗ୍ର ଦେଶକୁ ଏକ ଇସଲାମିକ ଗଣରାଜ୍ୟ ଘୋଷଣା କରାଯାଇଥିଲା।
