scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଆରମ୍ଭ ହୋଇଯାଇଛି ଐତିହାସିକ ବାଲିଯାତ୍ରା, ଚଳିତ ବର୍ଷ ହସ୍ତଶିଳ୍ପ କାରିଗରମାନଙ୍କ ଜବରଦସ୍ତ ପସରା

30/11/2023 at 7:49 PM

କଟକ 30/11 : ଆରମ୍ଭ ହୋଇଯାଇଛି ଐତିହାସିକ ବାଲିଯାତ୍ରା। ସପ୍ତାହେ ପାଇଁ ଚାଲିବ କିଣାବିକା। ହସ୍ତଶିଳ୍ପ ପାଇଁ ଏକ ବୃହତ ବଜାର ହେଉଛି କଟକର ବାଲିଯାତ୍ରା । ଯେଉଁଠି ସ୍ଥାନୀୟ କାରିଗରଙ୍କ ଉତ୍ପାଦର ଚାହିଦା ଯେତିକି ରହିଛି , ବାହାର ରାଜ୍ୟର ଉତ୍ପାଦର ଚାହିଦା ମଧ୍ୟ ସେତିକି। ଚଳିତ ବର୍ଷ ହସ୍ତଶିଳ୍ପ କରିଗରମାନେ ବାଲିଯାତ୍ରାରେ ଜବରଦସ୍ତ ପସରା ମେଲାଇଛନ୍ତି ।

ନଭେମ୍ବର ଶେଷ ସପ୍ତାହରେ ପଡିଲା ବାଲିଯାତ୍ରା । ତେଣୁ କାରବାର ଟିକିଏ ମାନ୍ଦେଇ ଯିବ ବୋଲି ଏକ ପ୍ରକାର ଆଂଶକା ଥିଲା । କିନ୍ତୁ ଓରମାସ ଦ୍ବାରା ଆୟଜିତ ଜାତୀୟ ପଲ୍ଲିଶ୍ରୀ ମେଳା ଭିତରକୁ ଗଲେ ସେ ଧାରଣା ଦୂର ହୋଇଯିବ। ଏ ହେଉଛନ୍ତି ଉତ୍ତର ପ୍ରଦେଶ ବାସିନ୍ଦା ମହମ୍ମଦ ଅକ୍ରମ । ଚଳିତ ବର୍ଷକୁ ମିଶାଇଲେ ୧୦ ବର୍ଷ ହେଲା ସେ ବାଲିଯାତ୍ରାକୁ ଆସୁଛନ୍ତି । ଆଉ ସାଙ୍ଗରେ ନେଇ ଆସନ୍ତି ହାତ ତିଆରି ପିତ୍ତଳ ସାମଗ୍ରୀ । ଯାହାର ଚାହିଦା କେତେ , ଏହି କାଉଁଣ୍ଟର ଆଗରେ ଲାଗିଥିବା ଗହଳିକୁ ଦେଖିଲେହିଁ ବୁଢାପଡୁଥିବ । ଅକ୍ରମଙ୍କ ମତରେ ବାଲିଯାତ୍ରା ତାଙ୍କ ବେପାର ଲାଗି ସବୁଠାରୁ ବଡ ପ୍ଲାଟଫର୍ମ । ଯେଉଁଠି କାରବାର ଯେତେ ପରିମାଣର ହୁଏ, ସେହି ପରିମାଣରେ ତାଙ୍କୁ ପବ୍ଲିସିଟି ମଧ୍ୟ ମିଳେ । ବିଶେଷ କଥା ହେଲା , ଏହି ପିତ୍ତଳ ଉତ୍ପାଦଗୁଡିକୁ ନିର୍ମାଣ କରନ୍ତି ତାଙ୍କ ପିବାରବର୍ଗ । କାରଣ ଏହା ହେଉଛି ସେମାନଙ୍କର କୌଳିକ ବୃତ୍ତି । ଆଉ ଖୁସିର କଥା ହେଲା ଏହି ହାତ ତିଆରି ସାମଗ୍ରୀର ଚାହିଦା ବାଲିଯାତ୍ରାରେ ସବୁଠାରୁ ଅଧିକ ।

ଇଏତ ଥିଲା ବାହାର ରାଜ୍ୟର ବ୍ୟବସାୟୀଙ୍କ କଥା, ଆମ ଦେଶୀୟ ଉତ୍ପାଦ ବି କିଛି କମ୍ ନୁହେଁ ମୋ।  ଓରମାସ ଷ୍ଟଲରେ ଆଉ ଏକ କାଉଣ୍ଟରରେ ଉପଲବ୍ଧ ହେଉଛି ଡୋକ୍ରା ସାମଗ୍ରୀ ।  ଯାହାକୁ ପ୍ରସ୍ତୁତ କରିଛନ୍ତି ବଡମ୍ବା ବଡବାରସିଂ ଗାଁର ଏକ ପ୍ରଡ୍ୟୁସରର୍ସ ଗ୍ରୁପ । ଯଦିଓ ଡୋକ୍ରା କାମ ହେଉଛି ସେମାନଙ୍କର କୌଳିକ ବୃତ୍ତି ଏବଂ ପୂର୍ବରୁ ସେମାନେ ନିଜଶ୍ବ ଚେଷ୍ଟାରେ ସବୁକିଛି କରୁଥିଲେ , କିନ୍ତୁ ମିଶନ ଶକ୍ତି ଜରିଆରେ ଏହି କାରଗର ମାନଙ୍କୁ ମିଳିଛି ସରକାରୀ ସହୟତା । ଏହାସହ  ପ୍ରସ୍ତୁତ ସାମଗ୍ରୀ ଲାଗି ଉପଯୁକ୍ତ ବଜାର। ତେଣୁ ଗତ କେଇ ବର୍ଷ ଭିତରେ ଏହି ଡୋକ୍ରା କାରିଗରିକୁ ପାଥେୟ କରି ପ୍ରାୟ ୩୦ ଟି ପରିବାର ସ୍ବାବଲମ୍ବୀ ହୋଇପାରିଛନ୍ତି । ଗତବର୍ଷ ବାଲିଯାତ୍ରାରେ ଏହି ପ୍ରଡ୍ୟୁସର୍ସ ଗ୍ରୁପ୍ ପ୍ରାୟ ୭ ଲକ୍ଷ ଟଙ୍କାର କାରବାର କରିଥିଲା । ତେଣୁ ଚଳିତ ବର୍ଷ ୧୦ ଲକ୍ଷ ଟଙ୍କାର ବେପାର କରିବାର ଲକ୍ଷ ରଖିଛନ୍ତି ଏହି ଗ୍ରାମିଣ ମହିଳା କାରିଗର ମାନେ ।

Also Read- ସରିଲା ରତ୍ନଭଣ୍ଡାର ବାହାର ପାର୍ଶ୍ଵ କାନ୍ଥ ସମ୍ପୂର୍ଣ୍ଣ ଲେଜର୍ ସ୍କାନିଂ, ଶ୍ରୀମନ୍ଦିର ପ୍ରଶାସନକୁ ରିପୋର୍ଟ ଦେବ ଏଏସ୍‌ଆଇ

ଏଥର ଜାତୀୟ ପଲ୍ଲିଶ୍ରୀ ମେଳାରେ ପ୍ରାୟ ୪ ଶହ ୫୦ ଟି କାଉଣ୍ଟର ଖୋଲିଛି। ଯେଉଁଠି ରାଜ୍ୟର ସମସ୍ତ ଜିଲ୍ଲା ପ୍ରତିନିଧିତ୍ବ କରିବାର ସୁଯୋଗ ପାଇଛନ୍ତି । ତା ସହିତ ଦେଶର ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ଗ୍ରାମୀଣ ଉତ୍ପାଦ ମଧ୍ୟ ଓରମାସ ଷ୍ଟଲରେ ଉପଲବ୍ଧ ହେଉଛି । 

   Related Posts