ଯାଜପୁର ୧୯।୧୦: ଥମୁନି ବିବାଦ । ଦଶହରାର ୫ଦିନ ପରେ ବି ମଣ୍ଡପରେ ମା ଦୁର୍ଗା । ପାଣିକୁ ନଯାଇ ମଣ୍ଡପରେ ରହିଛନ୍ତି ମା । ଯାଜପୁର ଟାଉମ୍ ଥାନା ରାମ୍ବାଗ ଠାରେ ଏପରି ଅଭାବନୀୟ ଘଟଣା ଦେଖିବାକୁ ମିଳିଛି ।
ଖବର ଅନୁଯାୟୀ, ମଣ୍ଡପ ଓ ଏହାର ପାଖ ଯାଗାକୁ ନେଇ ପୂଜା କମିଟି ଓ ଜମି ମାଲିକଙ୍କୁ ନେଇ ଏକ ବିବାଦୀୟ ପରିସ୍ଥିତି ଉପୁଜିଛି । ଯାହାକୁ ନେଇ ଏହି ଜମିରେ ୧୬୩ ଧାରା ଜାରି ହୋଇଛି । ମଣ୍ଡପ ସମ୍ମୁଖରେ ଜମି ମାଲିକଙ୍କ ବାଲି ପଡିଥିବାରୁ ମା’ ଦୁର୍ଗା ଏବେ ଯାଏଁ ବସିଛନ୍ତି । ବାଲି ପଡିଥିବା ଲାଗି ବିସର୍ଜନ ପାଇଁ ବାହାରି ପାରୁନଥିବା ପୂଜା କମିଟି ଅଭିଯୋଗ କରିଛି । ସେପଟେ ଜମି ମାଲିକ କହିଛନ୍ତି ଯେ, ୧୬୩ ଧାରା ଲଗାଯାଇଛି । ଆମେ ଠାକୁରଙ୍କ ଭସାଣକୁ ବିରୋଧ କରୁନାହିଁ, କି କୋର୍ଟଙ୍କ ନିର୍ଦ୍ଦେଶକୁ ବି ଅବମାନା କରିପାରୁନି । ତେଣୁ ଦେବୀ ମା’ଙ୍କ ବିସର୍ଜନ ଲାଗି ପ୍ରଶାସନ ହସ୍ତକ୍ଷେପ କରିବା ଉଚିତ୍ ।
ଅନ୍ୟପଟେ ଦେବୀଙ୍କ ବିସର୍ଜନ ଲାଗି ପୋଲିସ ନିକଟରେ ଅଭିଯୋଗ ହୋଇନଥିବା ବେଳେ ଖୁବଶୀଘ୍ର ଭସାଣ କରିବାକୁ ଥାନା ଅଧିକାରୀ ତହସିଲଦାର ନିର୍ଦ୍ଦେଶ ଦେଇଛନ୍ତି ।
