ମୁମ୍ଵାଇ ୧୪।୧୦: ରାଜ୍ୟସଭା ସାଂସଦ ତଥା ଇନଫୋସିସ୍ ପ୍ରତିଷ୍ଠାତା ନାରାୟଣ ମୁର୍ତ୍ତୀଙ୍କ ପତ୍ନୀ ସୁଧା ମୁର୍ତ୍ତି। ସ୍ୱର୍ଗତ ଟାଟା ଟ୍ରଷ୍ଟର ଅଧ୍ୟକ୍ଷ ରତନ ଟାଟାଙ୍କ ପ୍ରତି ବିଶେଷ ସ୍ନେହ ରଖିଥିଲେ। ଥରେ ସେ ରତନ ଟାଟାଙ୍କୁ ଦୁଇଟି ଉପହାର ମାଗିଥିଲେ । ରତନ ଟାଟା ମଧ୍ୟ ବିଳମ୍ବ ନକରି ସେହି ଦୁଇଟି ଉପହାର ତାଙ୍କୁ ଦେଇଥିଲେ। ସୁଧା ମୁର୍ତ୍ତୀ ସେହି ଦୁଇଟି ଜିନିଷକୁ ଏତେ ଭଲ ପାଆନ୍ତି ଯେ ଆଜି ବି ସେ ତାଙ୍କ ଅଫିସରେ ତାଙ୍କ ଆଖି ସାମ୍ନାରେ ରଖିଛନ୍ତି।
ଜାମସେଶେଦଜୀ ଟାଟା ଏବଂ ଜେଆରଡି ଟାଟାଙ୍କ ଫଟୋ ମାଗିଥିଲେ
ସୁଧା ମୁର୍ତ୍ତି ରତନ ଟାଟାଙ୍କୁ ଜାମଶେଦଜୀ ଟାଟା ଏବଂ ଜେଆରଡି ଟାଟାଙ୍କ ଫଟୋ ମାଗିଥିଲେ। କିଛି ସମୟ ପରେ ରତନ ଟାଟା ତାଙ୍କୁ ଏହି ଦୁଇଟି ଫଟୋଗ୍ରାଫ୍ ପ୍ରଦାନ କରିଥିଲେ। ସୁଧା ମୁର୍ତ୍ତି କହିଛନ୍ତି ଯେ ରତନ ଟାଟାଙ୍କ ଦେହାନ୍ତର କ୍ଷତି କେହି ପୂରଣ କରିପାରିବେ ନାହିଁ। ତାଙ୍କ ପରି ବ୍ୟକ୍ତିତ୍ଵୋ ଦୁନିଆରେ ନାହିଁ । ତାଙ୍କ ଭିତରେ ଏକ ସରଳତା ଏବଂ ସଚ୍ଚୋଟତା ଥିଲା । ସେ ଏପରି ଜଣେ ବ୍ୟକ୍ତି ଯିଏ ସର୍ବଦା ଅନ୍ୟମାନଙ୍କ ଭଲ ଏବଂ କଲ୍ୟାଣ ବିଷୟରେ ଚିନ୍ତା କରୁଥିଲେ । ଟାଟା ସନ୍ସର ଚେୟାରମ୍ୟାନ୍ ଭାବରେ ତାଙ୍କ କାର୍ଯ୍ୟକାଳ ମଧ୍ୟରେ ସେ ତାଙ୍କ କମ୍ପାନୀ, କର୍ମଚାରୀ, ସମାଜ ଏବଂ ଦେଶ ପାଇଁ ପ୍ରେରଣାଦାୟକ କାର୍ଯ୍ୟ କରିଥିଲେ।
ସୁଧା ମୁର୍ତ୍ତି କହିଛନ୍ତି- ରତନ ଟାଟାଙ୍କ ପରି କାହାକୁ କେବେ ଭେଟି ନାହାନ୍ତି
ତାଙ୍କ ସରଳତା ଦ୍ୱାରା ସେ ବେଶ ପ୍ରଭାବିତ ହୋଇଥିଲେ ବୋଲି ସୁଧା ମୁର୍ତ୍ତୀ କହିଛନ୍ତି। ତାଙ୍କ ଭିତରେ କରୁଣାର ଭାବନା ଥିଲା । ଯେତେବେଳେ ମୁଁ ତାଙ୍କୁ ଭେଟିଲି, ଦେଖିଲି ଯେ ସେ ଅନ୍ୟମାନଙ୍କ ବିଷୟରେ ବହୁତ ଭାବୁଛନ୍ତି । ମୁଁ ତାଙ୍କୁ ସବୁବେଳେ ମନେ ରଖିବି । ମୁଁ ତାଙ୍କ ଠାରୁ ବହୁତ କିଛି ଶିଖିଛି । ତାଙ୍କ ବିୟୋଗରେ ଭାରତୀୟ ବ୍ୟବସାୟର ଏକ ଯୁଗ ଶେଷ ହୋଇଛି। ମୁଁ ମୋ ଜୀବନରେ ତାଙ୍କ ପରି କୌଣସି ବ୍ୟକ୍ତିଙ୍କୁ କେବେବି ଭେଟି ନାହିଁ। ଜୀବନରେ ଅଖଣ୍ଡତା ସବୁଠାରୁ ଗୁରୁତ୍ୱପୂର୍ଣ୍ଣ, ଯାହା ସମସ୍ତଙ୍କ ପାଖରେ ନାହିଁ। ତାଙ୍କ ଠାରୁ ଧର୍ଯ୍ୟ ଓ ଭଲ ମଣିଷ କିପରି ହେବ ଶିଖିବା ଉଚିତ୍ । ସେ ଜଣେ ସାଧାରଣ ଲୋକ ଥିଲେ। ମୁଁ କେବଳ ତାଙ୍କ ଠାରୁ ପରୋପକାରୀ କାର୍ଯ୍ୟ ଶିଖିଲି ସୁଧା ମୁର୍ତ୍ତୀ କହିଛନ୍ତି ଯେ ରତନ ଟାଟାଙ୍କ ବିୟୋଗ ମୋ ପାଇଁ ବ୍ୟକ୍ତିଗତ କ୍ଷତି।
