ମୁମ୍ଵାଇ ୧୪।୦୬; ସ୍ମୃତି ଇରାନୀ ଖୁବ୍ ଶୀଘ୍ର "କ୍ୟୁଁକୀ ଶାଶା ଭି କଭି ବହୁ ଥି ୨" ରେ ନଜର ଆସିବେ। ସେ ଏହି ଶୋ' ପାଇଁ ସୁଟିଂ ମଧ୍ୟ ଆରମ୍ଭ କରିସାରିଛନ୍ତି। ଏଥିପାଇଁ ସ୍ମୃତି ଅଧିକ ଫି’ ଚାର୍ଜ କରିଛନ୍ତି । ସେ ତାଙ୍କ କଠିନ ପରିଶ୍ରମ ଦ୍ୱାରା କୋଟି କୋଟି ଟଙ୍କାର ସମ୍ପତ୍ତି ହାସଲ କରିଛନ୍ତି। ଆସନ୍ତୁ ଜାଣିବା ସ୍ମୃତି ଇରାନୀ କେତେ କୋଟି ଟଙ୍କା ସମ୍ପତ୍ତିର ମାଲିକାଣୀ ।
ସ୍ମୃତି ଇରାନୀ ଭାରତୀୟ ଟେଲିଭିଜନର ସବୁଠାରୁ ଲୋକପ୍ରିୟ ଅଭିନେତ୍ରୀମାନଙ୍କ ମଧ୍ୟରୁ ଜଣେ। ବିଶେଷକରି ଟିଭି ଶୋ ‘କ୍ୟୁଁକୀ ଶାଶା ଭି କଭି ବହୁ ଥି’ରୁ ଘରେ ପରିଚିତି ହୋଇଥିଲେ। ଏହା ପରେ, ସେ ରାଜନୀତି ଜଗତରେ ପାଦ ଥାପିଥିଲେ । ଯାହାପରେ ସେ ବହୁତ ସଫଳତା ହାସଲ କରିଛନ୍ତି।
ତାଙ୍କର ମୁଖ୍ୟ ଆୟ ରାଜନୀତିରୁ ଆସିଥାଏ। ଯେଉଁଥିରେ ତାଙ୍କର ଦରମା ଏବଂ ସରକାରୀ ସୁବିଧା ସାମିଲ ହୋଇଛି। ହେଲେ ସେ ଟିଭି ଏବଂ ଚଳଚ୍ଚିତ୍ରରୁ ମଧ୍ୟ ଭଲ ପରିମାଣର ଟଙ୍କା ରୋଜଗାର କରନ୍ତି। ସ୍ମୃତି ଅନେକ ବଡ଼ ବଡ଼ ବ୍ରାଣ୍ଡ୍ର ପ୍ରମୋସନ ଏବଂ ସାମାଜିକ ଅଭିଯାନର ମଧ୍ୟ ଏକ ଅଂଶ ରହିଆସିଛନ୍ତି। ଯେଉଁଥିରେ ତାଙ୍କୁ ସରକାରୀ ପ୍ରକଳ୍ପ ଏବଂ ମହିଳା ସଶକ୍ତିକରଣ କାର୍ଯ୍ୟକ୍ରମର ପ୍ରମୋସନରେ ବ୍ରାଣ୍ଡ୍ ଆମ୍ବାସାଡର ଭାବରେ ଦେଖିବାକୁ ମିଳିଛି।
ଗାଡି ବିଷୟରେ କହିବାକୁ ଗଲେ ତାଙ୍କ ପାଖରେ ଟୋୟୋଟା ଫର୍ଚୁନର ଏବଂ ମର୍ସିଡିଜ୍-ବେଞ୍ଜ୍ ଇ-କ୍ଲାସ୍ ଭଳି କାର ମଧ୍ୟ ଅଛି। ତାଙ୍କର E 220d ଡିଜେଲ୍ ଭାରିଆଣ୍ଟରେ ମର୍ସିଡିଜ୍-ବେଞ୍ଜ ଇ-କ୍ଲାସ୍ ଅଛି। ଏହା ବ୍ୟତୀତ, ତାଙ୍କର ଦିଲ୍ଲୀ ଏବଂ ମୁମ୍ବାଇରେ ମଧ୍ୟ ରିଅଲ୍ ଇଷ୍ଟେଟ୍ ସମ୍ପତ୍ତି ଅଛି। ତାଙ୍କର ଏହି ବିଳାସପୂର୍ଣ୍ଣ ଘର ମଧ୍ୟ ରହିଛି । ଯାହା ଖୁବ୍ ସୁନ୍ଦର।
୨୦୨୫ ସୁଦ୍ଧା ସ୍ମୃତି ଇରାନୀଙ୍କ ମୋଟ ସମ୍ପତ୍ତି ପ୍ରାୟ ୧୭ କୋଟି ଟଙ୍କା ହେବ ବୋଲି ଆକଳନ କରାଯାଇଛି, ଯେଉଁଥିରେ ତାଙ୍କର ରାଜନୈତିକ ଦରମା, ସମ୍ପତ୍ତି, ବ୍ରାଣ୍ଡ୍ ଆୟ ରହିଛି। କହିବାକୁ ଗଲେ ସ୍ମୃତି ଇରାନୀ ସବୁବେଳେ ନୂଆ ଏବଂ ବଡ଼ ପ୍ରୋଜେକ୍ଟରେ ସାମିଲ ହୁଅନ୍ତି। ଯାହାଦ୍ୱାରା ତାଙ୍କର ରୋଜଗାର ଏବଂ ଲୋକପ୍ରିୟତା ବୃଦ୍ଧି ପାଉଛି।
