ନୂଆଦିଲ୍ଲୀ: କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଦରମୈୟା ଚିନ୍ନାସ୍ୱାମୀ ଷ୍ଟାଡିୟମ ବାହାରେ ଦଳଚକଟା ପାଇଁ କ୍ରିକେଟ୍ ସଂଘରକୁ ଦାୟୀ କରିଛନ୍ତି । ସେ ବିଜେପିର ପ୍ରଶ୍ନର ଉପରେ ଜବାବ ଦେଇ କହିଛନ୍ତି ମହାକୁମ୍ଭ ବେଳେ ବି ଦଳାଚକଟା ହୋଇଥିଲା । ଏପରି ଘଟଣାକୁ ନେଇ ରାଜନୀତି ନକରାଯିବା ଦରକାର । ମୁଖ୍ୟମନ୍ତ୍ରୀ ଏହି ଘଟଣାକୁ ଅପ୍ରତ୍ୟାଶିତ ଦୁର୍ଘଟଣା ବୋଲି କହିଛନ୍ତି । ବେଙ୍ଗାଲୁରୁ ଦଳଚକଟା ଘଟଣାରେ ବର୍ତ୍ତମାନ ସୁଦ୍ଧା ୧୧ ଜଣଙ୍କ ଜୀବନ ଯାଇଥିବା ସୂଚନା ମିଳିଛି । ଏହି ଘଟଣାର ସୂଚନା ଦେବା ପାଇଁ ମୁଖ୍ୟମନ୍ତ୍ରୀ ଏକ ସାମ୍ୱାଦିକ ସମ୍ମିଳନୀ କରିଥିଲେ । ସେ କହିଛନ୍ତି, 'ସରକାର ଓ କ୍ରିକେଟ୍ ଆସୋସିଏସନ ଭିକ୍ଟ୍ରି ପରେଡ ଆୟୋଜନ କରିଥିଲେ । କେହି ମଧ୍ୟ ଏପରି ଦୁର୍ଘଟଣା ନେଇ କଳ୍ପନା କରିନଥିଲେ । ୩୫ ହଜାର କ୍ଷମତା ବିଶିଷ୍ଟ ଷ୍ଟାଡିୟମ ବାହାରେ ୩-୪ ଲକ୍ଷ ଲୋକଙ୍କ ଭିଡ଼ ଜମା ହୋଇଥିଲା ।'
ସିଦ୍ଦରମୈୟା କହିଛନ୍ତି, 'ଏହି ପ୍ରକାରର ଅନେକ ଦଳାଚକଟା ଘଟିଛି । ଆହୁରି ଖରାପ ଘଟଣା ଘଟିଛି । ଏହା କହି ମୁଁ ଏହି ଘଟଣା ସପକ୍ଷରେ କହୁନି... ଏହା ଘଟିଥିଲା... କୁମ୍ଭମେଳାରେ ମଧ୍ୟ... କୁମ୍ଭମେଳାରେ ପ୍ରାୟ ୫୦-୬୦ ଲୋକଙ୍କ ମୃତ୍ୟୁ ହୋଇଥିଲା।'
ସିଏମ୍ ସିଦ୍ଦରମୈୟ ଏକ୍ସରେ ଏକ ପୋଷ୍ଟରେ ଲେଖିଛନ୍ତି, 'ଏହି ଦୁର୍ଘଟଣା ଦୁଃଖ ବିଜୟର ଖୁସିକୁ ଫିକା କରିଦେଇଛି ।' ଉଲ୍ଲେଖଯୋଗ୍ୟ ଯେ ଚିନ୍ନାସ୍ୱାମୀ ଷ୍ଟାଡିୟମରେ ଆରସିବିର ବହୁପ୍ରତୀକ୍ଷିତ ଆଇପିଏଲ୍ ବିଜୟ ସମାରୋହ ଆୟୋଜନ ବେଳେ ଏହି ଦୁର୍ଘଟଣା ଘଟିଥିଲା । ଭିଡ ଅଧିକ ହେବା ନେଇ ପ୍ରଶାସନ ଚିନ୍ତିତ ଥିଲା, କିନ୍ତୁ ଅତ୍ୟଧିକ ଭିଡ଼ ଯୋଗୁ ଦଳଚକଟା ପରିସ୍ଥିତି ସୃଷ୍ଟି ହୋଇଥିଲା, ଯେଉଁଥିରେ ୧୧ ଜଣଙ୍କ ଜୀବନ ଯାଇଥିଲା ।
#WATCH | Bengaluru stampede | Karnataka CM Siddaramaiah says, "The entire police force available in Bengaluru city was deployed. Of course, this incident should not have happened. We are with the victims." pic.twitter.com/YanvX1gj68
— ANI (@ANI) June 4, 2025
ସିଏମ୍ ସିଦ୍ଦରମୈୟକ ବ୍ୟାରିଙ୍ଗ ଓ ବୈଦେହୀ ହସ୍ପିଟାଲ ଯାଇ ଆହତ ଓ ସେମାନଙ୍କ ପରିଜନଙ୍କୁ ଭେଟିଛନ୍ତି । ସେ କହିଛନ୍ତି ଯେ ସୁରକ୍ଷା ଚିନ୍ତାକୁ ନେଇ ସରକାର ବଡ଼ ଆକାରରେ ବିଜୟ ପରେଡ୍ ପାଇଁ ଅନୁମତି ଦେଇନଥିଲେ । କିନ୍ତୁ ଅନୁମାନଠାରୁ ବି ଅଧିକ ଲୋକ ଏକାଠି ହୋଇଥିଲେ । ଆମେ ପୀଡ଼ିତଙ୍କ ସହ ଅଛୁ । ଏହା ସହ ମୃତକଙ୍କ ପରିଜନଙ୍କ ପାଇଁ ୧୦ ଲକ୍ଷ ଟଙ୍କାର ଅନୁକମ୍ପା ରାଶି ଘୋଷଣା କରିଛନ୍ତି । ସମସ୍ତ ଆହତଙ୍କ ମାଗଣା ଚିକିତ୍ସା ନେଇ ମଧ୍ୟ ଘୋଷଣା କରିଛନ୍ତି ।
