ମାଥିଲି ୩୦/୦୬: ମାଲକାନଗିରି ଜିଲ୍ଲା c । ମାଲକାନଗିରି ଜିଲ୍ଲା ଖଇରପୁଟ ବ୍ଳକ ବଣ୍ଡାଘାଟିରେ ମାଟି ଅତଡା ଖସି ବଣ୍ଡାଘାଟିକୁ ଯୋଗାଯୋଗ ଠପ୍ ହୋଇଛି । ଖଇରପୁଟରୁ ମୁଦୁଲିପଡାକୁ ଯୋଗାଯୋଗ ଠପ୍ ହୋଇଛି । ଅନ୍ୟ କିଛି ସ୍ଥାନରେ ମାଟି ଧସିବା ଆଶଙ୍କା ଥିବାରୁ ଜନସାଧାରଣଙ୍କ ଯାତାୟତ ବନ୍ଦ ରହିଛି ।
କିଛି ଦିନ ଧରି ଲଗାଣ ବର୍ଷା ଯୋଗୁଁ ମାଟି ଅତଡା ସହ ବଡ ବଡ ପଥର ଖସି ରାସ୍ତା ଉପରେ ପଡି ରହୁଥିବା ଦେଖାଦେଇଛି । ଦୁଇଦିନ ପୂର୍ବେ ଘାଟି ରାସ୍ତାର ଡାଲଖାଇ ନିକଟରେ ପଥର ଓ ମାଟି ଅତଡା ଖସି ରାସ୍ତା ଅବରୋଧ ହୋଇଥିଲା । ବାରମ୍ବାର ଏପରି ହେଉଥିବାରୁ ପ୍ରଶାସନିକ ସ୍ତରରେ ପଦକ୍ଷେପ ନେବାକୁ ଦାବି ହୋଇଛି ।
