ନୂଆଦିଲ୍ଲୀ ୨୯।୦୮; ଟିମ୍ ଇଣ୍ଡିଆର ଅଭିଜ୍ଞ ଅଫ୍-ସ୍ପିନର । ବୁଧବାର ହଠାତ୍ ନେଇଛନ୍ତି ଆଇପିଏଲ୍ରୁ ସନ୍ୟାସ । ଯାହା ସମସ୍ତଙ୍କୁ କରିଛି ଆଶ୍ଚର୍ଯ୍ୟ । ଅଶ୍ୱିନ ୨୦୦୯ରେ ଚେନ୍ନାଇ ସୁପର କିଙ୍ଗସ ସହିତ ଆରମ୍ଭ କରିଥିଲେ ତାଙ୍କର IPL କ୍ୟାରିୟର । ଏହାପରେ ଅନ୍ୟ ଟିମ୍ ପାଇଁ ମଧ୍ୟ ଖେଳିଥିଲେ । କିନ୍ତୁ ୨୦୨୫ ସିଜିନ୍ରେ ସେ ନିଜ ଟିମ୍କୁ ଫେରିଥିଲେ । ଆଉ ଏହା ଥିଲା ତାଙ୍କର ଶେଷ ମ୍ୟାଚ୍ । ଏହି ସିଜିନ୍ରେ ତାଙ୍କର ପର୍ଫମାନ୍ସ ଖରାପ ଥିଲା । ସେ ମୋଟ ୯ଟି ମ୍ୟାଚ୍ ଖେଳିଥିଲେ । ଆଉ ନେଇଥିଲେ ୭ଟି ଓ୍ବିକେଟ । ନିଜ ପ୍ରଦର୍ଶନରେ ତ ଫ୍ୟାନ୍ସଙ୍କ ହୃଦୟ ଜିତି ପାରିନଥିଲେ କିନ୍ତୁ ରୋଜଗାର କରିଥିଲେ କୋଟିକୋଟି । ଯାହା ନିଜ ସମ୍ପତ୍ତିରେ ଯୋଡିଥିଲେ ।
ଅଶ୍ୱିନ IPLରୁ ବହୁତ ଟଙ୍କା ରୋଜଗାର କରିଥିଲେ । ସେ ୨୦୦୯ରେ ଚେନ୍ନାଇ ସୁପର କିଙ୍ଗସ ସହିତ ମାତ୍ର ୧୨ ଲକ୍ଷ ଟଙ୍କାରେ ଯାତ୍ରା ଆରମ୍ଭ କରିଥିଲେ । କିନ୍ତୁ ଧୀରେ ଧୀରେ ତାଙ୍କର ଫି କୋଟି କୋଟି ଟଙ୍କାରେ ପହଞ୍ଚିଥିଲା । ୨୦୧୧ରେ ତାଙ୍କର ଚୁକ୍ତି ୩ କୋଟି ୯୧ ଲକ୍ଷରେ ହୋଇଥିଲା । ଆଉ ୨୦୧୪ରେ CSK ତାଙ୍କୁ ସାଢେ ୭ କୋଟି ଟଙ୍କାରେ କରିଥିଲେ ରିଟେନ୍ ।
ଏହାପରେ ସେ ସାଢେ ୭ କୋଟି ଟଙ୍କାରେ ରାଇଜିଂ ପୁଣେ ସୁପରଜାଏଣ୍ଟସ, ୭ କୋଟି ୬୦ ଲକ୍ଷରେ ପଞ୍ଜାବ କିଙ୍ଗସ ଏବଂ ଦିଲ୍ଲୀ କ୍ୟାପିଟାଲ୍ସ ପାଇଁ ପ୍ରତିନିଧିତ୍ୱ କରିଥିଲେ। ୨୦୨୨ ରୁ ୨୦୨୪ ପର୍ଯ୍ୟନ୍ତ ସେ ରାଜସ୍ଥାନ ରୟାଲ୍ସ ସହିତ ୫ କୋଟି ଦରମାରେ ରହିଥିଲେ । ଆଉ ଶେଷରେ ୨୦୨୫ରେ ଚେନ୍ନାଇ ସୁପର କିଙ୍ଗସ୍ ତାଙ୍କୁ ୯.୭୫ କୋଟି ଟଙ୍କାରେ କିଣିଥିଲେ । ପୁରା ଯାତ୍ରାରେ ଅଶ୍ୱିନ କେବଳ IPLରୁ ପ୍ରାୟ ୯୭ କୋଟି ୨୪ ଲକ୍ଷ ଟଙ୍କା ରୋଜଗାର କରିଥିଲେ।
ଅଶ୍ୱିନ ତାଙ୍କ କ୍ୟାରିଅରରେ ଦୀର୍ଘ ସମୟ ପର୍ଯ୍ୟନ୍ତ BCCIର ଗ୍ରେଡ୍ A କାଟାଗୋରୀରେ ରହିଥିଲେ। ସେ ବାର୍ଷିକ ୫ କୋଟି ଦରମା ପାଉଥିଲେ । ଏହା ବ୍ୟତୀତ ସେ ପ୍ରତ୍ୟେକ ମ୍ୟାଚରେ ଟେଷ୍ଟ, ODI ଏବଂ T20 ପାଇଁ ମ୍ୟାଚ୍ ଫି ମଧ୍ୟ ପାଉଥିଲେ । ଏହାବ୍ୟତୀତ ବ୍ରାଣ୍ଡ ଏଣ୍ଡୋର୍ସମେଣ୍ଟ ମଧ୍ୟ ଅଶ୍ୱିନଙ୍କ ରୋଜଗାରର ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇଛି। ସେ ଅନେକ ବଡ଼ ବ୍ରାଣ୍ଡ ସହିତ କାମ କରିଛନ୍ତି । ଅଶ୍ୱିନ ଗୋଟିଏ ବ୍ରାଣ୍ଡକୁ ପ୍ରମୋଟ କରିବାକୁ ନେଇଥାନ୍ତି ୪-୫ କୋଟି ଟଙ୍କା । ଏହାବ୍ୟତୀତ ଅଶ୍ୱିନଙ୍କର ନିଜସ୍ୱ YouTube ଚ୍ୟାନେଲ ଅଛି । YouTubeରେ ଅଶ୍ୱିନଙ୍କ ଲକ୍ଷ ଲକ୍ଷ ସବସ୍କ୍ରାଇବର୍ ଅଛନ୍ତି । ଅଶ୍ୱିନ YouTubeରୁ ମଧ୍ୟ ବହୁତ ରୋଜଗାର କରନ୍ତି।
ଆର ଅଶ୍ୱିନ ମଧ୍ୟ କାର୍ ସୌକିନ୍ । ତାଙ୍କ ପାଖରେ ଏକ ବଡ କାର କଲେକ୍ସନ୍ ରହିଛି । ଯେଉଁଥିରେ ୬ କୋଟିର ଏକ ରୋଲ୍ସ-ରୟସ୍ ଏବଂ ପ୍ରାୟ ୯୩ ଲକ୍ଷ ଟଙ୍କାର ଏକ ଅଡି Q7 ସାମିଲ ରହିଛି । ଯଦି ଅଶ୍ୱିନଙ୍କ ମୋଟ ସମ୍ପତ୍ତି ବିଷୟରେ କହିବା ତେବେ ତାଙ୍କର ମୋଟ ସମ୍ପତ୍ତି ପ୍ରାୟ ୧୫୦ କୋଟି ଟଙ୍କା। ଯାହା ତାଙ୍କୁ ଧନୀ କ୍ରିକେଟରଙ୍କ ମଧ୍ୟରେ ସାମିଲ କରିଥାଏ ।
