ନୂଆଦିଲ୍ଲୀ ୧୩।୦୭; ରାଧିକା ଯାଦବ ହତ୍ୟା ମାମଲା ସବୁଠି ଚାଞ୍ଚଲ୍ୟ ସୃଷ୍ଟି କରିଛି। ରାଧିକାଙ୍କ ହତ୍ୟା ମାମଲାରେ ବାପା ଦୀପକ ଯାଦବଙ୍କୁ ଗିରଫ କରାଯାଇଛି।ଦୀପକ ତାଙ୍କ ଝିଅକୁ ତାଙ୍କ ଲାଇସେନ୍ସପ୍ରାପ୍ତ ଅସ୍ତ୍ରରେ ଗୁଳି କରି ହତ୍ୟା କରିଥିଲେ। ଘଟଣା ପରଠାରୁ ଅନେକ ତତ୍ତ୍ୱ ସାମ୍ନାକୁ ଆସୁଛି, କିନ୍ତୁ ପ୍ରଶ୍ନ ହେଉଛି ସତ୍ୟ କ’ଣ? କାହିଁକି ଜଣେ ବାପା ତାଙ୍କ ଝିଅକୁ ହତ୍ୟା କଲା? ଏହି ସମସ୍ତ ପ୍ରଶ୍ନର ଉତ୍ତର ପୋଲିସ ପଚରାଉଚରା ସମୟରେ ସାମ୍ନାକୁ ଆସିଛି।
ଶନିବାର ଦିନ ରାଧିକାଙ୍କ ବାପା ଦୀପକ ଯାଦବଙ୍କୁ କୋର୍ଟରେ ହାଜର କରାଯାଇଥିଲା। କୋର୍ଟ ତାଙ୍କୁ ୧୪ ଦିନ ପାଇଁ ନ୍ୟାୟିକ ହାଜତକୁ ପଠାଇ ଦେଇଛନ୍ତି। ନ୍ୟାୟିକ ହାଜତକୁ ପଠାଇବା ପୂର୍ବରୁ ପୋଲିସ ଦୀପକଙ୍କୁ ପଚରାଉଚରା କରିଥିଲା। ପଚରାଉଚରା ସମୟରେ ଦୀପକ ଅନେକ ଗୁରୁତ୍ୱପୂର୍ଣ୍ଣ କଥା କହିଛନ୍ତି। ଦୀପକ ଏପରି ପଦକ୍ଷେପ କାହିଁକି ନେଇଥିଲେ ପୋଲିସକୁ କହିଛନ୍ତି । କହିଥିଲେ କି ସେ ଗତ ୧୫ ଦିନ ଧରି ଶୋଇ ନାହାଁନ୍ତି। ସେ ଡିପ୍ରେଶନ୍ରେ ଥିଲେ, କାହା ସହିତ କଥା ହେଉ ନଥିଲେ। ସେ ରାଧିକାଙ୍କ ସୋସିଆଲ ମିଡିଆ ଆକାଉଣ୍ଟ ମଧ୍ୟ ଡିଲିଟ କରିଦେଇଥିଲେ। ସେ ଏକାଡେମୀ ବନ୍ଦ କରିବାକୁ ରାଧିକା ଉପରେ ବାରମ୍ବାର ଚାପ ପକାଇଥିଲେ। ସେ କହିଥିଲେ ଯେ ସେ ଲୋକଙ୍କ ତାତ୍ସଲ୍ୟରେ ବିରକ୍ତ ହୋଇଯାଇଥିଲେ। ଲୋକମାନେ ତାଙ୍କ ଝିଅର ଟଙ୍କାରେ ଖାଇବା ପାଇଁ ତାଙ୍କୁ ତାତ୍ସଲ୍ୟ କରୁଥିଲେ। ରାଧିକା ତାଙ୍କୁ ଅନେକ ଥର ତାଙ୍କ ଉପରେ ବିଶ୍ୱାସ କରିବାକୁ କହିଥିଲେ ଏବଂ କହିଥିଲେ ଯେ ସେ ୨.୫ କୋଟି ଖର୍ଚ୍ଚ କରିଛନ୍ତି ଓ ସେ ଏହାକୁ ନଷ୍ଟ ହେବାକୁ ଦେବେ ନାହିଁ।ପୋଲିସ ପଚରାଉଚରା ସମୟରେ, ଦୀପକ ଅଜବ ଆଚରଣ କରୁଥିଲେ। କେତେବେଳେ ସେ ହସିବାକୁ ଲାଗିଥିଲେ ତ କେତେବେଳେ କାନ୍ଦିବାକୁ ମଧ୍ୟ।
ଏପର୍ଯ୍ୟନ୍ତ ତଦନ୍ତରୁ ଜଣାପଡିଛି ଯେ ରାଧିକାଙ୍କ ନିଜସ୍ୱ ଏକାଡେମୀ ନଥିଲା। ପୂର୍ବରୁ ରାଧିକା ତାଙ୍କ ଘର ସାମ୍ନା ଏକାଡେମୀରେ ପ୍ରଶିକ୍ଷକ ଭାବରେ କାମ କରୁଥିଲେ। ପରେ, ଯେତେବେଳେ ପିଲାମାନେ ରାଧିକାଙ୍କ ସହିତ ଯୋଗଦେବା ଆରମ୍ଭ କଲେ, ସେ ବିଭିନ୍ନ ଟେନିସ୍ କୋର୍ଟ ଭଡା ନେଇ ପିଲାମାନଙ୍କୁ ଟେନିସ୍ ତାଲିମ ଦେବା ଆରମ୍ଭ କଲେ। ଏହି ସମୟରେ, ରାଧିକା ପ୍ରାୟ ଦେଢ଼ ମାସ ପୂର୍ବରୁ ଗୁରୁଗ୍ରାମ ସେକ୍ଟର ୬୧ ରେ କ୍ରିକେଟ ଏକାଡେମୀ ପାଖରେ ଏକ ଟେନିସ୍ କୋର୍ଟ ଭଡା ନେଇଥିଲେ।
