ମୁମ୍ଵାଇ ୨୨।୦୫: ପଞ୍ଜାବର ଲୁଧିଆନାରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଏକ ଭକ୍ତଙ୍କ ଭରପୂର ଏକ ଟୁରିଷ୍ଟ ବସ୍ ରାଜପଥରେ ପାର୍କିଂ ହୋଇଥିବା ଏକ ଟ୍ରକ ସହିତ ମୁହାଁମୁହିଁ ଧକ୍କା ହୋଇଥିଲା। ଏହି ଦୁର୍ଘଟଣାରେ ୨ ଜଣ ମହିଳାଙ୍କର ମୃତ୍ୟୁ ଘଟିଥିବା ବେଳେ ୧୫ ଜଣ ଗୁରୁତର ଆହତ ହୋଇଛନ୍ତି। ଘଟଣାଟି ସମରାଲା ନିକଟ ଥିବା ସ୍ଥାନୀୟ ଗ୍ରାମରେ ଏହି ଦୁର୍ଘଟଣା ଘଟିଛି। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବସରୁ ବାହାର କରିଥିଲା। ବର୍ତ୍ତମାନ ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
ବୁଧବାର ଦିନ ପ୍ରାୟ ସକାଳ ୫ଟା ବେଳେ ସମରାଲା ନିକଟସ୍ଥ ଜାତୀୟ ରାଜପଥରେ ରାସ୍ତା ମଝିରେ ପାର୍କିଂ ହୋଇଥିବା ଟ୍ରକ ସହ ଇନ୍ଦୋରରୁ ଯାତ୍ରା କରୁଥିବା ଯାତ୍ରୀବାହୀ ବସ୍ ଧକ୍କା ଦେଇଥିଲା। ଏହି ଦୁର୍ଘଟଣା ଏତେ ଭୟଙ୍କର ଥିଲା ଯେ ବସ୍ ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା ଏବଂ ବସ୍ ରେ ବସିଥିବା ଯାତ୍ରୀଙ୍କ ମଧ୍ୟରେ ଆତଙ୍କ ଖେଳିଯାଇଥିଲା।
ମିଳିଥିବା ସୂଚନା ଅନୁଯାୟୀ, ଇନ୍ଦୋରର କିଛି ଲୋକ ପର୍ଯ୍ୟଟନ ବସ୍ ଯୋଗେ ଧାର୍ମିକ ତୀର୍ଥସ୍ଥାନ ପରିଦର୍ଶନ କରିବାକୁ ଯାଇଥିଲେ। ଭକ୍ତମାନେ କେଦାରନାଥ ଧାମ ପରିଦର୍ଶନ କରିବା ପରେ ରାତିରେ ହରିଦ୍ୱାରରୁ ଅମୃତସର ଯାଉଥିଲେ। ସେତେବେଳେ ବସ୍ ଡ୍ରାଇଭଙ୍କ ଆଖି ଲାଗିଯାଇଥିଲା। ଏହା ପରେ ବସ୍ ନିୟନ୍ତ୍ରଣ ବାହାରକୁ ଯାଇ ଟ୍ରକ ସହିତ ଧକ୍କା ହୋଇଥିଲା। ଏହି ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଛି। ୧୫ ଜଣ ଯାତ୍ରୀଙ୍କ ଅବସ୍ଥା ଅତ୍ୟନ୍ତ ଗୁରୁତର ବୋଲି କୁହାଯାଉଛି।
