ନୂଆଦିଲ୍ଲୀ: ଭାରତରେ ପବ୍ଲିକ ସେକ୍ଟର ବ୍ୟାଙ୍କଗୁଡ଼ିକ (ପିଏସବି) ପ୍ରାୟ ୭.୯୧ ଲକ୍ଷ କର୍ମଚାରୀଙ୍କ କର୍ମଚାରୀ ଥିବା ସତ୍ତ୍ୱେ ୩୨,୦୦୦ରୁ ଅଧିକ ପଦବୀ ଖାଲି ଅଛି। ସରକାରୀ ତଥ୍ୟ ଅନୁଯାୟୀ, ୩୦ ଜୁନ୍ ୨୦୨୫ ସୁଦ୍ଧା ମଞ୍ଜୁରୀପ୍ରାପ୍ତ ପଦବୀର ୯୬ ପ୍ରତିଶତ ପୂରଣ ହୋଇଛି, କିନ୍ତୁ ଅଫିସର, କ୍ଲର୍କ ଏବଂ ସବ-ଷ୍ଟାଫ୍ କ୍ୟାଟେଗୋରୀରେ ପଦବୀ ଖାଲି ପଡ଼ିଛି।
ଏ କ୍ଷେତ୍ରରେ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ (SBI) ଶୀର୍ଷରେ ରହିଛି। ଏସ୍ବିଆଇରେ ୯,୦୮୮ ପଦବୀ ଖାଲି ପଡ଼ିଛି। ଏହାପରେ ବ୍ୟାଙ୍କ ଅଫ୍ ବରୋଦା ୬,୩୯୬ ପଦବୀ ଖାଲି ପଡ଼ିଥିବା ବେଳେ ପଞ୍ଜାବ ନ୍ୟାସନାଲ୍ ବ୍ୟାଙ୍କ ୪,୮୯୮ ପଦବୀ ଖାଲି ଅଛି। ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆ ୮.୬୪ ପ୍ରତିଶତ ପଦବୀ ଖାଲି ପଡ଼ିଥଇବା ରେକର୍ଡ କରାଯାଇଚି। ମଞ୍ଜୁରୀପ୍ରାପ୍ତ ୩୬,୫୪୪ ପଦବୀ ମଧ୍ୟରୁ ୩,୧୫୬ ପଦବୀ ଖାଲି ସହିତ ପଞ୍ଜାବ ଆଣ୍ଡ୍ ସିନ୍ଧ ବ୍ୟାଙ୍କରେ ସବୁଠାରୁ କମ୍ ପଦବୀ ଖାଲି ରହିଛି।
୧୭ ହଜାରରୁ ଅଧିକ ଅଫିସର ପଦବୀ ଖାଲି
ଭାରତରେ ମୋଟ ପିଏସବୁ ଗୁଡ଼ିକରେ ୧୭,୫୦୦ ଅଫିସର ପଦବୀ, ୧୨,୮୬୧ କ୍ଲର୍କ ପଦବୀ ଏବଂ ୨,୨୦୬ ସବ-ଷ୍ଟାଫ୍ ପଦବୀ ଖାଲି ପଡ଼ିଛି। ତେବେ ଠିକା କର୍ମଚାରୀ ନିଯୁକ୍ତି ଆକାରରେ ବ୍ୟାଙ୍କ କିଛି ମାତ୍ରାରେ ଏହିସବୁ କର୍ମଚାରୀ ପୂରଣ କରୁଥିବା ଜଣାପଡ଼ୁଛି। ଏଥିରେ ଏହା ମଧ୍ୟ ଅନୁମେୟ ଯେ ବ୍ୟାଙ୍କଗୁଡିକର ନିଯୁକ୍ତି ଢାଞ୍ଚା ବଦଳିବାରେ ଲାଗିଛି।
ରିପୋର୍ଟିଂ ତାରିଖ ସୁଦ୍ଧା, ୧୨ଟି ପ୍ରମୁଖ ପିଏସ୍ବି ମିଳିତ ଭାବରେ ୧,୦୧,୦୪୯ ଜଣ ଚୁକ୍ତିଭିତ୍ତିକ କର୍ମଚାରୀଙ୍କୁ ନିଯୁକ୍ତି ଦେଇଛନ୍ତି। କେବଳ SBI 65 ପ୍ରତିଶତ ଚୁକ୍ତିଭିତ୍ତିକ ନିଯୁକ୍ତି ଦେଇଛି। ଏହି ବ୍ୟାଙ୍କରେ ୬୪,୯୯୫ ଜଣ ଆଉଟସୋର୍ସିଂ କର୍ମଚାରୀ ଅଛନ୍ତି। କାନାରା ବ୍ୟାଙ୍କ, ୟୁନିଅନ୍ ବ୍ୟାଙ୍କ ଅଫ୍ ଇଣ୍ଡିଆ ଏବଂ ଇଣ୍ଡିଆନ୍ ବ୍ୟାଙ୍କ ମଧ୍ୟ ଗୁରୁତ୍ୱପୂର୍ଣ୍ଣ ଭାବେ ସମାନ୍ତରାଳ ଠିକା କର୍ମଚାରୀଙ୍କୁ ନିଯୁକ୍ତି ବଜାୟ ରଖିଛନ୍ତି। ଅନ୍ୟପଟେ ପଞ୍ଜାବ ଏବଂ ସିନ୍ଧ ବ୍ୟାଙ୍କ ଏବଂ ଇଣ୍ଡିଆନ୍ ଓଭରସିଜ୍ ବ୍ୟାଙ୍କ ଭଳି ଛୋଟ ଋଣଦାତାମାନେ ପ୍ରତ୍ୟେକ ୧,୪୦୦ରୁ ଅଧିକ ଆଉଟସୋର୍ସିଂ
