ନୂଆଦିଲ୍ଲୀ: ଭାରତରେ କରୋନାର ନୂଆ ଲହର ମୁଣ୍ଡ ଟେକିଲାଣି। ପ୍ରତ୍ୟେକ ଦିନ ସଂକ୍ରମଣ ମାମଲା ବୃଦ୍ଧି ପାଇବାରେ ଲାଗିଛି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଅନୁସାରେ ମେ ୨୨ ତାରିଖରେ ମୋଟ ସକ୍ରିୟ ମାମଲା ୨୫୭ ଥିବାବେଳେ, ଏହା ବୃଦ୍ଧି ପାଇ ୬୪୯୧ ହୋଇଛି। ଗତ ୨୪ ଘଣ୍ଟା ମଧ୍ୟରେ, ସଂକ୍ରମଣର ୩୫୮ ନୂଆ ମାମଲା ରିପୋର୍ଟ ହୋଇଛି। Omicron ଓ ଏହାର ସବ-ଭାରିଆଣ୍ଟ NB.1.8.1କୁ ମାମଲା ଆସୁଥିଲେ ବି ଅନେକ ସ୍ଥାନରେ XFG ଭାରିଆଣ୍ଟର ମାମଲା ମଧ୍ୟ ରିପୋର୍ଟ କରାଯାଉଛି। ଦେଶରେ ବର୍ତ୍ତମାନ ସୁଦ୍ଧା ନୂଆ ଭାବରେ ଦେଖାଯାଉଥିବା COVID-19 ଭାରିଆଣ୍ଟ XFGର ୧୬୩ଟି ମାମଲା ମିଳିଛି।

ଭାରତୀୟ SARS-CoV-2 ଜେନୋମିକ୍ସ କନସୋର୍ଟିୟମ୍ (INSACOG) ଦ୍ୱାରା ସେୟାର କରାଯାଇଥିବା ତଥ୍ୟ ଅନୁଯାୟୀ, ଦେଶରେ ଏହି ନୂଆ କୋଭିଡ୍ ଭାରିଆଣ୍ଟ ୧୬୩ଟି ରିପୋର୍ଟ ହୋଇଛି। ମହାରାଷ୍ଟ୍ରରେ ସର୍ବାଧିକ ୮୯ ମାମଲା ରହିଛି। ତା’ପରେ ତାମିଲନାଡୁ ୧୬, କେରଳ ୧୫, ଗୁଜରାଟ ୧୧ ଏବଂ ଆନ୍ଧ୍ର ପ୍ରଦେଶ, ମଧ୍ୟପ୍ରଦେଶ ଏବଂ ପଶ୍ଚିମବଙ୍ଗ ୬ଟି ରହିଛି।

ଦି ଲାନସେଟ୍ ଜର୍ଣ୍ଣାଲରେ ପ୍ରକାଶିତ ରିପୋର୍ଟ ଅନୁସାରେ, ମ୍ୟୁଟେସନ୍ ଯୋଗୁଁ  XFG ଭାରିଆଣ୍ଟର ୪ଟି ନୂଆ ପରିବର୍ତ୍ତନ ଅଛି। ଯାହା ଏହାକୁ ଦ୍ରୁତ ଗତିରେ ବ୍ୟାପିବାକୁ ଏବଂ ଲୋକଙ୍କୁ ସଂକ୍ରମିତ କରିବାରେ ସାହାଯ୍ୟ କରୁଛି। ଏହାକୁ ପ୍ରଥମେ କାନାଡାରେ ଚିହ୍ନଟ କରାଯାଇଥିଲା, ସେବେଠାରୁ ଏହା ବିଶ୍ୱ ସ୍ତରରେ ଦ୍ରୁତ ଗତିରେ ବ୍ୟାପିବାରେ ଲାଗିଛି।

ମେ ମାସର ପୂର୍ବରୁ, ଏହି ପ୍ରକାରର ମୋଟ ୧୫୯ଟି ମାମଲା ରିପୋର୍ଟ ହୋଇଥିଲା। ଏପ୍ରିଲରେ ଦୁଇଟି ମାମଲା ଦେଖାଯାଇଥିଲା। ଭାରତରେ ସକ୍ରିୟ କୋଭିଡ୍ ମାମଲା ସଂଖ୍ୟା ପ୍ରାୟ ୬୫୦୦ ହେବାକୁ ଯାଉଛି। ଏହାକୁ ଦୃଷ୍ଟିରେ ରଖି ସ୍ୱାସ୍ଥ୍ୟ ବିଶେଷଜ୍ଞମାନେ ସମସ୍ତ ଲୋକଙ୍କୁ ସତର୍କ ରହିବାକୁ ଏବଂ କରୋନାର ପ୍ରତିରୋଧ ପ୍ରତି ଗମ୍ଭୀରତାର ସହ ଧ୍ୟାନ ଦେବାକୁ ପରାମର୍ଶ ଦେଉଛନ୍ତି।

XFG ଭାରିଆଣ୍ଟ କେତେ ବିପଦପୂର୍ଣ୍ଣ?

ଏହି XFG ଭାରିଆଣ୍ଟ ଉପରେ ପ୍ରକାଶିତ ରିପୋର୍ଟ ଅନୁସାରେ, ଏହି ଭାରିଆଣ୍ଟ LF.7 ଏବଂ LP.8.1.2 ରୁ ସୃଷ୍ଟି ହୋଇଛି। ଏଥିରେ ଚାରୋଟି ପ୍ରମୁଖ ସ୍ପାଇକ୍ ମ୍ୟୁଟେସନ୍ (His445Arg, Asn487Asp, Gln493Glu, ଏବଂ Thr572Ile) ଅଛି। ବର୍ତ୍ତମାନ, ଏହାକୁ ଓମିକ୍ରନର ଅନ୍ୟ ସବ ଭାରିଆଣ୍ଟ ପରି। ଗମ୍ଭୀର କିମ୍ବା ଚିନ୍ତାଜନକ ରୋଗ କାରକ ଭାବରେ ବିବେଚନା କରାଯାଇନାହିଁ। କିନ୍ତୁ ଦ୍ରୁତ ସଂକ୍ରାମକ, ତେଣୁ ସତର୍କ ରହିବା ଗୁରୁତ୍ୱପୂର୍ଣ୍ଣ। 

ଚୀନ୍ ବିଶେଷଜ୍ଞଙ୍କ ଦ୍ୱାରା କରାଯାଇଥିବା ଏକ ଅଧ୍ୟୟନରେ ଦାବି କରାଯାଇଛି ଯେ XFG ଅନ୍ୟ ଭାରିଆଣ୍ଟ ଅପେକ୍ଷା ଅଧିକ ସଂକ୍ରାମକ। ଭାରତ ଏବଂ ଆମେରିକା ସମେତ ଅନ୍ୟାନ୍ୟ ଅନେକ ଦେଶରେ ଏହି ପ୍ରକାରର ମାମଲା ବୃଦ୍ଧି ପାଉଛି। ବୟସ୍କ ଏବଂ ବହୁବିଧ ରୋଗାଗ୍ରସ୍ତ ବ୍ୟକ୍ତିମାନଙ୍କ ମଧ୍ୟରେ ଗମ୍ଭୀର ହେବାର ଆଶଙ୍କା ଥାଇପାରେ।