ନୂଆଦିଲ୍ଲୀ: ଗୁଜରାଟର ରାଜକୋଟର କାଲାୱାଡ ରୋଡ୍ ସ୍ଥିତ ଟିଆରପି ଗେମିଂ ଜୋନରେ ଭୀଷଣ ଅଗ୍ନିକାଣ୍ଡ ହୋଇଛି । ନିଆଁରେ ଜଳି ପ୍ରାୟ ୭ ଜଣଙ୍କ ମୃତ୍ୟୁ ହୋଇଛି । ଅନ୍ୟପଟେ ଏବେ ବି କିଛି ଜଣ ଫସି ରହିଥିବା ଆଶଂକା କରାଯାଉଛି । ମୃତକଙ୍କ ମଧ୍ୟରେ ଅଧିକାଂଶ ଛାତ୍ର ଥିବା କୁହାଯାଉଛି । ନିଆଁର ବଡ଼ ବଡ଼ ହୁଳା ଦେଖିବାକୁ ମିଳୁଛି । ସୂଚନା ମିଳିବା ପରେ ନିଆଁକୁ ଆୟତ୍ତ କରିବା ପାଇଁ ଦମକଳର ଅନେକ ଗାଡ଼ି ମୁତୟନ କରାଯାଇଛି ।
#WATCH Rajkot, Gujarat: On fire incident at TRP game zone, Fire Station Officer RA Joban says, " We cannot say anything about the exact number... We are bringing down bodies from both sides... The search operation is underway..." pic.twitter.com/SRdFAzlfCn
— ANI (@ANI) May 25, 2024
ଅଗ୍ନିଶମ ବିଭାଗର ଜଣେ ଅଧଇକାରୀ ଆଇ.ବି.ଖେର କହିଛନ୍ତି ଯେ ଆମେ ନିଆଁ ଲିଭାଇବା ପାଇଁ ଉଦ୍ୟମ କରୁଛି । ବିଲ୍ଡିଂ ଭୁଶୁଡ଼ିବା ଏବଂ ପବନ ବୋହିବା ଯୋଗୁଁ ନିଆଁ ଲିଭାରେ ବହୁ ସମସ୍ୟା ସାମନା କରିବାକୁ ପଡ଼ୁଛି । ସେହିପରି ପୋଲିସ କମିଶନର ରାଜୁ ଭାର୍ଗଭ କହିଛନ୍ତି ଯେ ନିଆଁକୁ ଆୟତ୍ତ କରି କୁଲିଂ ଅପରେସନ ପରେ ମୃତାହତଙ୍କ ସଠିକ୍ ସୂଚନା ମିଳିପାରିବ । ସେ କହିଛନ୍ତି ଯେ ନିଆଁ ଲାଗିବା କାରଣର ଯାଞ୍ଚ କରାଯିବ । ପୋଲିସ ଅଧିକାରୀ କହିଛନ୍ତି ଯେ ସହରର ସବୁ ଗେମିଂ ଜୋନକୁ ବନ୍ଦ କରିବା ପାଇଁ ଆଦେଶ ଜାରି କରାଯାଇଛି ।
