ଭୁବନେଶ୍ବର ୯।୭: ପ୍ରଭୁ ଶ୍ରୀ ଲିଙ୍ଗରାଜଙ୍କ ଦର୍ଶନ କଲେ ରାଜ୍ୟ ବିଜେପିର ନୂତନ ରାଜ୍ୟ ସଭାପତି ମନମୋହନ ସାମଲ । ଶିକ୍ଷା, ସ୍ବାସ୍ଥ୍ୟ, ପାନୀୟ ଜଳ, ସଡ଼କ ଯୋଗାଇ ଦେବା ପ୍ରଥମ ଲକ୍ଷ୍ୟ ରହିବ ବୋଲି ଦର୍ଶନ ପରେ ପ୍ରତିକ୍ରିୟା ଦେଇଛନ୍ତି ମନମୋହନ । ନୂଆ ରାଜ୍ୟ କମିଟି ସହ ବୋର୍ଡ ନିଗମ ଖାଲି ପଡ଼ିବା ପ୍ରସଙ୍ଗରେ ମନମୋହନ କହିଛନ୍ତି ସବୁ ପ୍ରକ୍ରିୟାରେ ଅଛି । ଚୂଡାନ୍ତ ପ୍ରକ୍ରିୟା ବାକି ଅଛି । ଖୁବ୍ ଶୀଘ୍ର ସବୁ କାମ ହେବ । ମନ୍ତ୍ରୀମଣ୍ଡଳ ମଧ୍ୟ ପୂରଣ ହେବ ବୋଲି ମନମୋହନ କହିଛନ୍ତି ।
କାମ ଧିମା ଚାଲିଥିବା ଲୋକ ଅଭିଯୋଗ ଆଣୁଥିବା ବେଳେ ମନମୋହନ କହିଛନ୍ତି, ସ୍ଲୋ ଆଣ୍ଡ୍ ଷ୍ଟିଡି ଓ୍ବିନ୍ ଦ ରେସ୍ । ଠିକ୍ ସମୟରେ ଠିକ୍ କାମ ହେବ । ଆମ ଦଳ ୫୧ ମହିସା ଠାରୁ କେବେ ବିଭାଜନ ହେଇନି । କାହାକୁ ଉପେକ୍ଷା ଅବା ଅପେକ୍ଷା କରେନି । କୃଷି, ବାଣିଜ୍ୟ, ଶିଳ୍ପ କ୍ଷେତ୍ରରେ ଅନେକ ସମ୍ଭାବନା ରହିଛି । ଏହାକୁ ଉପଯୋଗ କରାଯିବ । ଓଡ଼ିଶାରୁ ଦାରିଦ୍ର୍ୟ ହଟିବ । ବାହାରକୁ ଖଟିବା ପାଇଁ ଆଉ କେହି ଯିବେ ନାହିଁ ବୋଲି ମନମୋହନ କହିଛନ୍ତି । ତେବେ ମନମୋହନଙ୍କ ନୂତନ ଟିମ୍ରେ ଯୁବ ନେତା, ପୁରୁଖା ନେତା ସାମିଲ୍ ହୋଇ ଟିମ୍ ଗଠନ କରାଯିବ ବୋଲି ମଧ୍ୟ ସେ କହିଛନ୍ତି ।
You Can Read:
କୌଣସି ସ୍ଥାନରେ ବନ୍ୟାସ୍ଥିତି ନାହିଁ, ଝାଡ଼ଖଣ୍ଡର ଅର୍ଦ୍ଧନିର୍ମିତ ଚାନ୍ଦିଲି ଡ୍ୟାମ୍ ଯୋଗୁଁ ପାଣି ଓଡ଼ିଶା ଆସୁଛି
