ନୂଆଦିଲ୍ଲୀ ୧୨।୦୬: ସାଉଥ୍ ସୁପରଷ୍ଟାର କମଲ ହାସନ । ଅନେକ ବଡ ବଡ ଫିଲ୍ମରେ କାମ କରିଛନ୍ତି । ସେ ଜଣେ ଅନ୍ତର୍ଜାତୀୟ ଷ୍ଟାର । ତାଙ୍କ ଫିଲ୍ମ ସାରା ବିଶ୍ୱରେ କରାଯାଏ ପସନ୍ଦ । ୭୦ ବର୍ଷ ବୟସରେ ବି ସେ ବହୁତ ଫିଟ୍ । ଏବେବି ସେ ମୁଖ୍ୟ ଭୂମିକାରେ କରୁଛନ୍ତି ଅଭିନୟ । କିନ୍ତୁ ପୂର୍ବ ପରି ତାଙ୍କର ଆଉ ନାହିଁ କ୍ରେଜ୍ । କୋଟି କୋଟି ଟଙ୍କା ବାଜି ଲାଗିଛି । କିନ୍ତୁ ପ୍ରାୟ ସବୁଥିରେ ଫେଲ୍ ମାରୁଛନ୍ତି କମଲ୍ ହାସନ । ସେ ନିଜେ ତ କ୍ଷତି ସହୁଛନ୍ତି, ତାଙ୍କ ସହ ପ୍ରଯୋଜକମାନେ ମଧ୍ୟ କ୍ଷତି ସହୁଛନ୍ତି।
ବିଗତ ୪ ବର୍ଷରେ ଦେଇଛନ୍ତି ଅନେକ ବଡ ବଡ ଫିଲ୍ମ ଦେଇଛନ୍ତି କମଲ ହାସନ । କିନ୍ତୁ କିଛି ଫିଲ୍ମକୁ ଛାଡିଦେଲେ ଅନେକ ଫ୍ଲପ୍ ପ୍ରମାଣିତ ହେଉଛି । କମଲ ହାସନ ଫିଲ୍ମ ଇଣ୍ଡଷ୍ଟ୍ରିର ଜଣେ ବଡ଼ ସୁପରଷ୍ଟାର । ସେ ନିର୍ମାତାଙ୍କ ବିଶ୍ୱାସ ଜିତିସାରିଛନ୍ତି । ଏବେ ସେ ନିଜେ ତାଙ୍କ ଫିଲ୍ମଗୁଡ଼ିକର ସହ-ପ୍ରଯୋଜନା କରନ୍ତି । ସେ ନିଜକୁ ନିଜେ ହିଁ ଏକ ବ୍ରାଣ୍ଡ । ସେଥିପାଇଁ ଗତ ୪ବର୍ଷ ମଧ୍ୟରେ ତାଙ୍କ ଉପରେ ୧୨୦୦ କୋଟି ଲାଗିଛି ବାଜି ।
ତାଙ୍କର ୪ଟି ଫିଲ୍ମର ବଜେଟ୍ ମିଶାଇଲେ ଏହାର ମୂଲ୍ୟ ୧୧୭୦ କୋଟି ଟଙ୍କା । କିନ୍ତୁ ଏପରି ନୁହେଁ ଯେ ଏହି ସବୁ ଫିଲ୍ମରେ ସକ୍ସେସ୍ ହୋଇଛନ୍ତି କମଲ ହାସନ । ତାଙ୍କର ଦୁଇଟି ଫିଲ୍ମ ସୁପରହିଟ୍ ହୋଇଛି ଏବଂ ଗୋଟିଏ ଫ୍ଲପ୍ ହୋଇଛି । ଏହାବ୍ୟତୀତ ନିକଟରେ ରିଲିଜ୍ ହୋଇଥିବା ଠଗ୍ ଲାଇଫ୍ ମଧ୍ୟ ଦର୍ଶକଙ୍କଠାରୁ ଭଲ ପ୍ରତିକ୍ରିୟା ପାଉନାହିଁ। ୪ ବର୍ଷରେ କମଲ ହାସନଙ୍କ ୪ ହାଇ ବଜେଟ୍ ଫିଲ୍ମ ବିଷୟରେ ଆସନ୍ତୁ ଜାଣିବା…
ଲିଷ୍ଟର ପ୍ରଥମରେ ରହିଛି ଫିଲ୍ମ ବିକ୍ରମ । ଏହି ଫିଲ୍ମର ବଜେଟ୍ ୧୨୦ କୋଟି । ଆଉ ରୋଜଗାର ହୋଇଛି ୪୩୦ କୋଟି । ସେହିପରି କଳ୍କି ୨୮୯୮ ଏଡି ଫିଲ୍ମରେ ଖର୍ଚ୍ଚ ହୋଇଥିଲା ୬୦୦ କୋଟି । ଏହା ବ୍ଲକ୍ବଷ୍ଟର ପ୍ରମାଣିତ ହୋଇଥିଲା । ଏହା ରୋଜଗାର କରିଛି ୧୦୪୨ କୋଟି । ଇଣ୍ଡିଆନ୍-୨ ଫିଲ୍ମରେ ଖର୍ଚ୍ଚ ହୋଇଥିଲା ୨୫୦ କୋଟି । କିନ୍ତୁ ଏହି ଫିଲ୍ମ ଦର୍ଶକଙ୍କୁ ଆକୃଷ୍ଟ କରିପାରିନଥିଲା । ଫିଲ୍ମଟି ମୋଟ ଉପରେ ୧୫୧ କୋଟି ରୋଜଗାର କରିଛି । ତେବେ ନିକଟଅତୀତରେ ରିଲିଜ୍ ହୋଇଥିଲା ଫିଲ୍ମ ଠଗ୍ ଲାଇଫ୍ରେ ୨୦୦ କୋଟି ଖର୍ଚ୍ଚ ହୋଇଛି । କିନ୍ତୁ ଏପର୍ଯ୍ୟନ୍ତ ମାତ୍ର ୭୦ କୋଟି ହିଁ ରୋଜଗାର କରିପାରିଛି ।
ଆଗକୁ କମଲ ହାସନଙ୍କ ୨ଟି ବଡ଼ ଫିଲ୍ମ ମୁକ୍ତିଲାଭ କରିବାକୁ ଯାଉଛି । ସେ ଇଣ୍ଡିଆନ୍ ୩ ଫିଲ୍ମରେ ନଜର ଆସିବେ । ଏହାବ୍ୟତୀତ ସେ କଳକି ୨୮୯୮ ଏଡି ୨ର ମଧ୍ୟ ଅଂଶ ହେବେ । ଉଭୟ ଫିଲ୍ମରୁ ପ୍ରଶଂସକମାନେ ବହୁତ ଆଶା ରଖିଛନ୍ତି । ଏହା ମଧ୍ୟ କୁହାଯାଉଛି କି ଏହି ୨ଟି ଫିଲ୍ମ କମଲ ହାସନଙ୍କ କ୍ୟାରିଅରରେ ଏକ ବଡ଼ ଟର୍ଣ୍ଣିଙ୍ଗ୍ ପଏଣ୍ଟ ହୋଇପାରେ।
