ନୂଆଦିଲ୍ଲୀ: ଇସ୍ରାଏଲ ଦାବିକୁ ଖଣ୍ଡନ କଲା ଇରାନ। ମିଛ କହୁଛନ୍ତି ନେତାନ୍ୟାହୁ ସେନା। ଯୁଦ୍ଧକୁ ଅପରେଟ୍ କରୁଥିଲେ ଖାମିନି। ମୋସାଦ ଓ IDF ଉପରେ ଥିଲା ରଖାଯାଇଥିଲା ନଜର। ଇରାନ-ଇସ୍ରାଏଲ ଯୁଦ୍ଧ ସମୟରେ କୁହାଯାଉଥିଲା ଯେ ସର୍ବୋଚ୍ଚ ନେତା ଅଲି ଖାମିନି ଏକ ବଙ୍କରରେ ଲୁଚି ରହିଥିଲେ। କିନ୍ତୁ ଏବେ ୫୦ ଦିନ ପରେ ହୋଇଛି ଖୁଲାସା। ଖାମେନିଙ୍କ ରାଇଟ୍ ହ୍ୟାଣ୍ଡ ତଥା ସୁରକ୍ଷା ପରିଷଦ ସଚିବ ଅଲି ଲାରିଜାନି କହିଛନ୍ତି। ଏକ ଅନ୍ତର୍ଜାତୀୟ ଗଣମାଧ୍ୟମକୁ ସାକ୍ଷାତକାରରେ ଲାରିଜାନି କହିଛନ୍ତି ଯେ ଯୁଦ୍ଧ ସମୟରେ ଖାମେନି ଅପରେସନ ରୁମରେ ବସି ଯୁଦ୍ଧ ଉପରେ ନଜର ରଖିଥିଲେ। ଏହାର ପ୍ରମାଣ ମଧ୍ୟ ସେ ଦେଖାଇଛନ୍ତି।
ଲାରିଜାନି କହିଛନ୍ତି ଯେ ଇରାନରେ କିଛି ଆଭ୍ୟନ୍ତରୀଣ ସମସ୍ୟା ଅଛି। ଏହା ସତ୍ତ୍ୱେ, ଯୁଦ୍ଧ ସମୟରେ ସମସ୍ତେ ଏକଜୁଟ ରହିଥିଲେ। ଆମର ନେତାମାନେ ନିରନ୍ତର ସକ୍ରିୟ ରହିଥିଲେ। ସୁପ୍ରିମ ଲିଡର ନିଜେ ଅପରେସନ ରୁମରୁ ଟିଖିନିଖି ଉପରେ ନଜର ରଖିଥିଲେ। ସେ ନିରନ୍ତର ସେନାକୁ ନିର୍ଦ୍ଦେଶ ଦେଉଥିଲେ। ଜବାବରେ ଇସ୍ରାଏଲ ଉପରେ କ୍ଷେପଣାସ୍ତ୍ର ମାଡ଼ କରୁଥିଲା ସେନା ।
ଇସ୍ରାଏଲ ୧୪ ବର୍ଷ ଧରି ଯୁଦ୍ଧ ପାଇଁ ପ୍ରସ୍ତୁତ ହେଉଥିଲା। ଆରମ୍ଭରେ, IDF ଆମର ଅନେକ ଶୀର୍ଷ କମାଣ୍ଡରଙ୍କୁ ହତ୍ୟା କରିଥିଲା। ମୁଁ ମଧ୍ୟ ମୃତ୍ୟୁ ଧମକ ପାଇଥିଲି। ଏହା ସତ୍ତ୍ୱେ, ଇସ୍ରାଏଲ ଏହାର ଯୋଜନାରେ ବିଫଳ ହୋଇଥିଲା। ଇସ୍ରାଏଲ ଯାହା ଚାହୁଁଥିଲା ତାହା କରିବାକୁ ଦେଇନଥିଲା ଇରାନ। ଆମର ନେତା ଧୈର୍ଯ୍ୟର ସହିତ କାର୍ଯ୍ୟ କରିଥିଲେ। ସେ ପ୍ରତିଦିନ ଅପରେସନ ରୁମରେ ଆକ୍ଟିଭ ଥିଲେ। ଆବଶ୍ୟକ ପଡ଼ିଲେ, ସେ ଏକ ଭିଡିଓ ତିଆରି କରି ବିଶ୍ୱ ଏବଂ ଦେଶକୁ ସମ୍ବୋଧିତ କରୁଥିଲେ। ଲୋକମାନେ ତାଙ୍କ ସହିତ ଏକତାରେ ରହିଥିଲେ। ଇସ୍ରାଏଲ ସରକାର ଇରାନରେ ବିଦ୍ରୋହ କରିପାରିଲେ ନାହିଁ।
ଲାରିଜାନି ଦାବି କରିଛନ୍ତି ଯେ ଯେପର୍ଯ୍ୟନ୍ତ ବେଞ୍ଜାମିନ ନେତାନ୍ୟାହୁ ଇସ୍ରାଏଲରେ କ୍ଷମତାରେ ରହିବେ, ମଧ୍ୟପ୍ରାଚ୍ୟ ଶାନ୍ତିପୂର୍ଣ୍ଣ ରହିବ ନାହିଁ। ନିଜ ଲାଭ ପାଇଁ, ନେତାନ୍ୟାହୁ ପ୍ରତିଦିନ କୌଣସି ନା କୌଣସି ଦେଶ ଉପରେ ଆକ୍ରମଣ କରନ୍ତି। ସେମାନେ ଇରାନ ଏବଂ ଲେବାନନ ଉପରେ ଅନ୍ୟ କିଛି ଅଭିଯୋଗ କରି ଆକ୍ରମଣ କରିଥିଲେ। କିନ୍ତୁ ମୋତେ କୁହନ୍ତୁ, ସେମାନେ ସିରିଆ ଉପରେ ମଧ୍ୟ ଆକ୍ରମଣ କରିଥିଲେ, ଯାହାର ବିରୋଧ ଆମେରିକା କରିଥିଲା।
ଯଦି ଇସଲାମିକ ଶାସନକୁ ସୁଦୃଢ଼ କରିବାକୁ ପଡିବ, ତେବେ ସମସ୍ତ ଦେଶକୁ ଏକ ହେବାକୁ ପଡିବ। ଇସ୍ରାଏଲ ଧୀରେ ଧୀରେ ଏହାର କ୍ଷେତ୍ରକୁ ବିସ୍ତାର କରୁଛି। ଏହାର କ୍ଷେତ୍ର ନିରନ୍ତର ବୃଦ୍ଧି ପାଉଛି। ଇରାନ ବିରୋଧରେ ଅପରେସନ ରାଇଜିଂ ଲାୟନ ଆରମ୍ଭ କରିଥିଲା ଇସ୍ରାଏଲ। ୧୨ ଦିନିଆ ଯୁଦ୍ଧ ସମୟରେ ସର୍ବୋଚ୍ଚ ନେତା ଖାମେନି ଏକ ବଙ୍କରରେ ଲୁଚି ରହିଥିବା ଖବର ଆସିଥିଲା। ଖାମେନିଙ୍କୁ ରକ୍ଷା କରିବା ପାଇଁ ଇରାନୀ ସେନା ତାଙ୍କୁ ତେହେରାନର ଏକ ବଙ୍କରରେ ଲୁଚାଇ ରଖିଥିବା କୁହାଯାଇଥିଲା। ଯୁଦ୍ଧ ସମୟରେ, ମୋସାଦ ଗୁପ୍ତଚରମାନେ ଖାମେନିଙ୍କୁ ହତ୍ୟା କରିବାକୁ ଚାହୁଁଥିଲେ ବି ବିଫଳ ହୋଇଥିଲେ। ଏବେ ଲାରିଜାନିଙ୍କ ବୟାନ ଏହି ପ୍ରସଙ୍ଗକୁ ଏକ ନୂଆ ମୋଡ଼ ଦେଇଛି।
