ନୂଆଦିଲ୍ଲୀ ୨୫/୦୬: ଇରାନ୍-ଇସ୍ରାଏଲ ଭିତରେ ଘୋଷଣା ହୋଇଛି ଯୁଦ୍ଧବିରତି । ତଥାପି କମିନି ଦୁଇ ଦେଶ ମଧ୍ୟରେ କମିନି ଉତ୍ତେଜନା । ଇସ୍ରାଏଲ ପାଇଁ ଗୁପ୍ତଚର କରିବା ଷଡ଼ଯନ୍ତ୍ର ଅଭିଯୋଗରେ ଇରାନ ଆଜି ତିନି ଜଣଙ୍କୁ ଫାଶୀ ଖୁଣ୍ଟରେ ଝୁଲାଇଛି । ରଏଟର୍ସ ରିପୋର୍ଟ ଅନୁଯାୟୀ, ଇରାନ ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି ଇଦ୍ରିସ୍ ଅଲି, ଆଜାଦ ଶୋଜେଇ ଓ ରସୁଲ ଅହମ୍ମଦ ରସୁଲ ହତ୍ୟା ପାଇଁ ବ୍ୟବହୃତ ଉପକରଣ ଇରାନକୁ ଆଣିବାକୁ ଚେଷ୍ଟା କରିଥିଲେ। ଏହି ମାମଲାରେ ତିନି ଅଭିଯୁକ୍ତଙ୍କ ବିରୋଧରେ ବିଚାର କରାଯାଇଥିଲା । ବୁଧବାର ସକାଳେ ଉର୍ମିଆ ସହରରେ ସେମାନଙ୍କୁ ଦଣ୍ଡ ସ୍ୱରୂପ ଫାଶୀ ଦିଆଯାଇଥିଲା ।
ଆପଣଙ୍କୁ କହି ରଖୁଛୁ ଯେ ଉର୍ମିଆ ହେଉଛି ଇରାନର ଉତ୍ତର-ପଶ୍ଚିମ ସହର, ଯାହା ତୁର୍କୀ ସୀମା ନିକଟରେ ଅବସ୍ଥିତ । ଫାଶୀକୁ ନିଶ୍ଚିତ କରି ଇରାନୀ ଗଣମାଧ୍ୟମ ନୀଳ ଜେଲ ପୋଷାକ ପିନ୍ଧିଥିବା ତିନି ଅଭିଯୁକ୍ତଙ୍କ ଫଟୋ ମଧ୍ୟ ଜାରି ହୋଇଛି । ତଥାପି, ଏହା ପ୍ରଥମ ଥର ନୁହେଁ ଯେ ଇରାନ ଏପରି ପଦକ୍ଷେପ ନେଇଛି । ଇରାନ ପ୍ରାୟତଃ ଇସ୍ରାଏଲ ଓ ଅନ୍ୟାନ୍ୟ ବିଦେଶୀ ଗୁପ୍ତଚର ସଂସ୍ଥା ପାଇଁ ଗୁପ୍ତଚର ଅଭିଯୋଗରେ ସନ୍ଦେହ କରାଯାଉଥିବା ଲୋକଙ୍କୁ ଗିରଫ କରିବା ସହ ମୃତ୍ୟୁଦଣ୍ଡ ଦେଇଥାଏ।
୧୩ ଜୁନ୍ ୨୦୨୫ରେ ଇରାନ ଓ ଇସ୍ରାଏଲ ମଧ୍ୟରେ ଯୁଦ୍ଧ ଆରମ୍ଭ ହେବା ପରେ, ଇରାନ ଇସ୍ରାଏଲ ପାଇଁ କାମ କରୁଥିବା ଲୋକଙ୍କ ବିରୁଦ୍ଧରେ ଶୀଘ୍ର ଓ କଠୋର କାର୍ଯ୍ୟାନୁଷ୍ଠାନ ପାଇଁ ଚେତାବନୀ ଦେଇଥିଲା। ଏହି କ୍ରମରେ, ରବିବାର ଏବଂ ସୋମବାର ଦିନ କିଛି ଅଭିଯୁକ୍ତଙ୍କୁ ଫାଶୀ ଦିଆଯାଇଥିଲା। ଏହା ସହିତ, ସମ୍ପ୍ରତି ୧୨ ଦିନିଆ ଇରାନ-ଇସ୍ରାଏଲ ଯୁଦ୍ଧ ସମୟରେ ଇସ୍ରାଏଲ ସହିତ ସମ୍ପର୍କ ଅଭିଯୋଗରେ ୭୦୦ ଜଣଙ୍କୁ ଗିରଫ କରିଛି। ଏହି ସୂଚନା ରାଷ୍ଟ୍ର ସମର୍ଥିତ ମିଡିଆ ଏଜେନ୍ସି 'ନୂର ନ୍ୟୁଜ୍' ଦେଇଛି।
ରଏଟର୍ସ ରିପୋର୍ଟ ଅନୁଯାୟୀ, ଏମାନଙ୍କ ସମସ୍ତଙ୍କ ଉପରେ ଇସ୍ରାଏଲର ଗୁପ୍ତଚର ସଂସ୍ଥା 'ମୋସାଦ' ସହିତ ଜଡିତ ରହିବା, ଗୁପ୍ତ ସୂଚନା ବାଣ୍ଟିବା, ସାମରିକ ଘାଟିକୁ ଟାର୍ଗେଟ କରିବାରେ ସାହାଯ୍ୟ କରିବାର ଅଭିଯୋଗ ରହିଛି। ଇରାନ କହିଛି ଯେ ଏହି ଅଭିଯୁକ୍ତମାନଙ୍କ ମଧ୍ୟରୁ ଅନେକଙ୍କୁ ପଚରାଉଚରା କରାଯାଉଛି । କେତେକଙ୍କୁ ଶୀଘ୍ର ଦଣ୍ଡ ଦିଆଯାଇପାରେ। ପୂର୍ବରୁ ମଧ୍ୟ ଇରାନ ଅଭିଯୋଗ କରିଥିଲା ଯେ ଯୁଦ୍ଧ ସମୟରେ ଅନେକ ଆଭ୍ୟନ୍ତରୀଣ ନେଟୱାର୍କ ଇସ୍ରାଏଲ ପାଇଁ କାମ କରୁଥିଲା ଏବଂ ସେମାନଙ୍କୁ ଧରାଯାଇଛି।
