ନୂଆଦିଲ୍ଲୀ: ଇସ୍ରାଏଲର ରାଜଧାନୀ ତେଲ ଅଭିବ ଉପରେ ପ୍ରଚଣ୍ଡ ହମଲା କରିଛି ଇରାନ। ଇରାନର ଆକ୍ରମଣ ଏତେ ଶକ୍ତିଶାଳୀ ଥିଲା ଯେ ଇସ୍ରାଏଲର ଶକ୍ତିଶାଳୀ ପ୍ରତିରକ୍ଷା ପ୍ରଣାଳୀ 'ଆଇରନ୍ ଡୋମ୍' ମଧ୍ୟ ବିଫଳ ହୋଇଛି। ଇସ୍ରାଏଲର ଅପରେସନ୍ ରାଇଜିଂ ଲାୟନର ଜବାବରେ ଅପରେସନ ଟ୍ରୁ ପ୍ରମିଜ-୩ ଆରମ୍ଭ କରିଛି ଇରାନ। ଇରାନ ଏକକାଳୀନ ଶହ ଶହ ବାଲିଷ୍ଟିକ୍ କ୍ଷେପଣାସ୍ତ୍ର ନିକ୍ଷେପ କରିଥିଲା, ଯାହା ଆଇରନ ଡୋମ ଉପରେ ବହୁତ ଚାପ ପକାଇଥିଲା।

ଆଇରନ୍ ଡୋମ୍ ହେଉଛି ଇସ୍ରାଏଲର ଏକ ଶକ୍ତିଶାଳୀ ମିଶାଇଲ ପ୍ରତିରକ୍ଷା ପ୍ରଣାଳୀ। ଏହା ରାଫେଲ୍ ଆଡଭାନ୍ସଡ୍ ଡିଫେନ୍ସ ସିଷ୍ଟମ୍ସ ଏବଂ ଇସ୍ରାଏଲ ପ୍ରତିରକ୍ଷା ଫୋର୍ସ (IDF) ଦ୍ୱାରା ମିଳିତ ଭାବରେ ବିକଶିତ ହୋଇଛି। ଏହି ପ୍ରଣାଳୀ ସହରାଞ୍ଚଳକୁ ଆକ୍ରମଣରୁ ରକ୍ଷା କରିବା ପାଇଁ ଡିଜାଇନ୍ କରାଯାଇଛି। ଆଇରନ୍ ଡୋମ୍‌ର ସଫଳତା ହାର ୯୦% ରୁ ଅଧିକ। ଏହା ବିଶେଷକରି କ୍ଷୁଦ୍ର ଦୂରଗାମୀ କ୍ଷେପଣାସ୍ତ୍ର ଏବଂ ରକେଟକୁ ନଷ୍ଟ କରିଛି। ଏହା ହମାସ ଏବଂ ହେଜବୋଲ୍ଲା ଭଳି ଗୋଷ୍ଠୀ ଦ୍ୱାରା ମିଶାଇଲ ଆକ୍ରମଣକୁ ରୋକିବାରେ ବହୁତ ପ୍ରଭାବଶାଳୀ ହୋଇଛି।

ଆମେରିକା ମଧ୍ୟ ଇସ୍ରାଏଲର ଆଇରନ୍ ଡୋମକୁ ଶକ୍ତିଶାଳୀ କହିଥିଲା। ଆଇରନ୍ ଡୋମ୍ ପରି ଗୋଲ୍ଡେନ ଡୋମ୍ ନିର୍ମାଣ କରିବାକୁ ଘୋଷଣା କରିଥିଲେ ଟ୍ରମ୍ପ୍ । ଟ୍ରମ୍ପ କହିଛନ୍ତି ଯେ ଇସ୍ରାଏଲର ବାୟୁ ପ୍ରତିରକ୍ଷା ପ୍ରଣାଳୀ ଆଇରନ ଡୋମ ପରି, ଆମେରିକାର ମଧ୍ୟ ଏୟାର ଡିଫେନ୍ସ ଗୋଲ୍ଡେନ ଡୋମ ରହିବା ଉଚିତ।

BREAKING:

🇮🇷🇮🇱 The moment the "Kirya," the headquarters of the Israeli Defense Ministry, was hammered by an Iranian hypersonic missile, after evading several Israeli interceptors. pic.twitter.com/tKR5BTNkNm

— Megatron (@Megatron_ron) June 13, 2025

ଇରାନ ଏକକାଳୀନ ଶହ ଶହ ବାଲିଷ୍ଟିକ୍ କ୍ଷେପଣାସ୍ତ୍ର ନିକ୍ଷେପ କରିଥିଲା, ଯାହା ଆଇରନ ଡୋମ ଉପରେ ବହୁତ ଚାପ ପକାଇଥିଲା। ବାଲିଷ୍ଟିକ୍ ମିଶାଇଲ ବହୁତ କ୍ଷୀପ୍ର। ସେମାନେ ଘଣ୍ଟା ପ୍ରତି ପ୍ରାୟ ୧୦ ହଜାର ମାଇଲ ବେଗରେ ଆକ୍ରମଣ କରନ୍ତି। ଇରାନ ଏହାର ନୂତନ ଫତାହ ହାଇପରସୋନିକ୍ ମିଶାଇଲ ବ୍ୟବହାର କରିଥିଲା, ଯାହା ଅନ୍ୟ ବାଲିଷ୍ଟିକ୍ କ୍ଷେପଣାସ୍ତ୍ର ଅପେକ୍ଷା କ୍ଷୀପ୍ର । 

କିଛି ରିପୋର୍ଟରେ କୁହାଯାଇଛି ଯେ ଇରାନ ମିଶାଇଲ ଆକ୍ରମଣ ସହିତ ସାଇବର ଆଟାକ କରିଥିଲା। ଏହା ଇସ୍ରାଏଲର ରାଡାର ଏବଂ କମାଣ୍ଡ ସିଷ୍ଟମରେ ତ୍ରୁଟି ସୃଷ୍ଟି କରିଥିଲା। GPS-ବିହୀନ ନାଭିଗେସନ୍ ଗ୍ରହଣ କରାଯାଇଥିଲା, ଯାହାକୁ ଟ୍ରାକ୍ କରାଯାଇପାରିବ ନାହିଁ।