ନୂଆଦିଲ୍ଲୀ ୨୩/୦୭: ଗୁଜୁରାଟ ଅହମ୍ମଦାବାଦରେ ଏୟାର ଇଣ୍ଡିଆ AI-171 ଦୁର୍ଘଟଣାକୁ ବିତିଗଲାଣି ଅନେକ ଦିନ । ସରିଛି ମୃତଦେହ ଚିହ୍ନଟ ଓ ପରିବାରକୁ ହସ୍ତାନ୍ତର ପ୍ରକ୍ରିୟା । ତେବେ ଏହାରି ଭିତରେ ସାମ୍ନାକୁ ଆସିଛି ଏୟାର ଇଣ୍ଡିଆର ସାଂଘାତିକ ଅବହେଳା । ବ୍ରିଟିଶ ଗଣମାଧ୍ୟମ ଅନୁଯାୟୀ, ବ୍ରିଟେନର ଦୁଇଟି ପରିବାରକୁ ପଠାଯାଇଛି ଭୁଲ ମୃତଦେହ । ବିମାନ ଦୁର୍ଘଟଣାରେ ପ୍ରାଣ ହରାଇଥିବା ବ୍ରିଟିଶ ନାଗରିକଙ୍କ ଭୁଲ ଓ ମୃତଦେହ ପଠାଯାଇଛି । ଭୁଲ ଜଣାପଡିବା ପରେ, ପରିବାରବର୍ଗ ଅନ୍ତିମ ସଂସ୍କାର ବନ୍ଦ କରିଦେଇଛନ୍ତି । ଘଟଣାର ତଦନ୍ତ ଆରମ୍ଭ ହୋଇଛି ।

ରିପୋର୍ଟ ଅନୁଯାୟୀ, ଏତେବଡ ଅବହେଳା ସେତେବେଳେ ଜଣାପଡ଼ିଲା ଯେତେବେଳେ ଇନର ୱେଷ୍ଟ ଲଣ୍ଡନର କରୋନର ଡକ୍ଟର ଫିଓନା ୱିଲକକ୍ସ ଡିଏନଏ ପରୀକ୍ଷା ମାଧ୍ୟମରେ ସେମାନଙ୍କ ପରିଚୟ ଯାଞ୍ଚ କରିବାକୁ ଚେଷ୍ଟା କରିଥିଲେ । ଦୁର୍ଘଟଣା ପରେ, ବ୍ରିଟିଶ ନାଗରିକମାନେ ଭାରତ ଆସିଥିଲେ । ସେମାନଙ୍କ ପ୍ରିୟଜନଙ୍କ ମୃତଦେହ ପାଇବା ପାଇଁ ନମୁନା ପ୍ରଦାନ କରିଥିଲେ । ଏହା ପରେ, ଭାରତରୁ ଡିଏନଏ ପରୀକ୍ଷା ପରେ ମୃତଦେହଗୁଡ଼ିକୁ ବ୍ରିଟିଶ ପରିବାରକୁ ହସ୍ତାନ୍ତର କରାଯାଇଥିଲା। 

ଯେତେବେଳେ ଲଣ୍ଡନରେ ପୁଣି ଥରେ ଡିଏନଏ କରାଯାଇଥିଲା । ସେତେବେଳେ ଭୁଲ ଧରାପଡ଼ିଥିଲା । କାହାକୁ କଫିନ ଖୋଲିବାକୁ ଅନୁମତି ଦିଆଯାଇ ନଥିଲା । ବ୍ରିଟେନରେ ଦେଖାଯାଇଥିବା ଏହି ଭୁଲ ଅନ୍ୟ ମୃତଦେହ ଚିହ୍ନଟ କରିବାରେ ତ୍ରୁଟି ହେବାର ସମ୍ଭାବନାକୁ ବୃଦ୍ଧି କରିଛି । ତଥାପି, ଅଧିକାଂଶ ମୃତଦେହକୁ ସେମାନଙ୍କ ସମ୍ପର୍କୀୟମାନେ ଦାହ କରିଛନ୍ତି।

ସମ୍ପର୍କୀୟମାନେ କହିଛନ୍ତି ଯେ ଅହମ୍ମଦାବାଦର ସିଭିଲ୍ ହସ୍ପିଟାଲରୁ କଫିନ ଏବଂ ପ୍ଲାଷ୍ଟିକ୍ ପାତ୍ରରେ ମୃତଦେହ ଦିଆଯାଇଥିଲା। ମୃତଦେହର ପାତ୍ରରେ ଲେବଲ୍ ଲାଗିଥିଲା, ଯେଉଁଥିରେ ନାମ ଲେଖାଯାଇଥିଲା। ବ୍ରିଟେନର ପ୍ରଭାବିତ ପରିବାରଗୁଡ଼ିକ ସେମାନଙ୍କର ସାଂସଦ, ବୈଦେଶିକ କାର୍ଯ୍ୟାଳୟ, ପ୍ରଧାନମନ୍ତ୍ରୀ ଏବଂ ବୈଦେଶିକ ସଚିବଙ୍କ କାର୍ଯ୍ୟାଳୟ ସହିତ ଯୋଗାଯୋଗ କରିଛନ୍ତି । 

ଏୟାର ଇଣ୍ଡିଆ ଏବଂ କେନିଆର ଆନ୍ତର୍ଜାତୀୟ ଜରୁରୀକାଳୀନ ସେବାରୁ ଉତ୍ତରଦାୟିତ୍ୱ ଦାବି କରିଛନ୍ତି। ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବ୍ରିଟେନ ଗସ୍ତ ସମୟରେ ପ୍ରଧାନମନ୍ତ୍ରୀ କୀର ଷ୍ଟାରମର ସିଧାସଳଖ ଏହି ବିଫଳତା ବିଷୟରେ ଆଲୋଚନା କରିପାରନ୍ତି ବୋଲି ଆଶା କରାଯାଉଛି। ଏହି ବିଷୟକୁ ନେଇ ବ୍ରିଟିଶ ପରିବାର ମଧ୍ୟରେ ଅସନ୍ତୋଷ ରହିଛି।

ଦୁର୍ଘଟଣାଗ୍ରସ୍ତ ଏୟାର ଇଣ୍ଡିଆ ବିମାନରେ ୨୪୨ ଜଣ ଯାତ୍ରୀ ଥିଲେ, ଯେଉଁଥିରେ ୧୬୯ ଜଣ ଭାରତୀୟ ନାଗରିକ, ୫୩ ଜଣ ବ୍ରିଟିଶ ନାଗରିକ, ୭ ଜଣ ପର୍ତ୍ତୁଗୀଜ ନାଗରିକ ଏବଂ ଜଣେ କାନାଡିଆନ ନାଗରିକ ଥିଲେ। ସମସ୍ତ ମୃତକଙ୍କ ମଧ୍ୟରୁ ୬ ଜଣଙ୍କ ମୃତଦେହ ମୁହଁ ଦେଖି ଚିହ୍ନଟ ହୋଇଥିବା ବେଳେ ଅନ୍ୟମାନଙ୍କୁ ଡିଏନଏ ମାଧ୍ୟମରେ ଚିହ୍ନଟ କରାଯାଇଥିଲା । 

ଫୋରେନସିକ୍ ସାଇନ୍ସ ନିର୍ଦ୍ଦେଶାଳୟ ଏବଂ ଜାତୀୟ ଫୋରେନସିକ୍ ସାଇନ୍ସ ବିଶ୍ୱବିଦ୍ୟାଳୟର ଦଳ ସମେତ ୪୦ ଜଣ ଅଧିକାରୀ ତଦନ୍ତରେ ସାମିଲ ହୋଇଥିଲେ। । ପରୀକ୍ଷଣ ପାଇଁ ସମ୍ପର୍କୀୟଙ୍କ ରକ୍ତ ନମୁନା ନିଆଯାଇଥିଲା, ଯାହା ମୃତଦେହର ହାଡ଼ ଏବଂ ଦାନ୍ତ ସହିତ ମେଳ ଖାଉଥିଲା।