ରାଜଧାନୀରେ ପୁଣି ‘ଥାର’ ଆତଙ୍କ, ନାବାଳକକୁ ଅପହରଣ ଉଦ୍ୟମ ଫେଲ୍

ଭୁବନେଶ୍ୱର ୩୦।୧୧ : ରାଜଧାନୀରେ ପୁଣି ଥାର ଗାଡି ଆତଙ୍କ। ଏଥର ଦୁର୍ଘଟଣା କିମ୍ବା ରାସ୍ ଡ୍ରାଇଭିଂ ପାଇଁ ନୁହେଁ । ଚନ୍ଦ୍ରଶେଖରପୁର ଥାନା ଅନ୍ତର୍ଗତ ଶ୍ରୀବିବାହ ଅଞ୍ଚଳରେ ଟିଉସନ୍ ଯାଉଥିବା ବେଳେ ଜଣେ ନାବାଳକକୁ ଥାର୍ ଗାଡ଼ିରେ ଅପହରଣ ପାଇଁ ହୋଇଥିଲା ଉଦ୍ୟମ। ଏକ ନାଲି ଥାର୍ ରେ ଅପହରଣ ଉଦ୍ୟମ ହୋଇଥିବା ଜଣାପଡିଛି । ପିଲାଟିକୁ ଗାଡିରେ ବସାଇବାକୁ ଉଦ୍ୟମ ହୋଇଥିବା ବେଳେ ନାବାଳକଟି ଗାଡିରେ ବସିନଥିଲା। ଘଟଣାସ୍ଥଳରୁ ଅନତି ଦୂରରେ ଥିବା ନାବାଳାକଙ୍କ ବାପା ସନ୍ତୋଷ ସାହୁ ଓ କିଛି ସ୍ଥାନୀୟ ବାସିନ୍ଦା ଘଟଣାସ୍ଥଳରେ ଦୌଡି ଦୌଡି ପହଞ୍ଚିଥିଲେ। କିନ୍ତୁ ଥାର ଗାଡି ସେଠାରୁ ଚମ୍ପଟ ମାରିଥିଲା । ଏନେଇ ଚନ୍ଦ୍ରଶେଖରପୁର ଥାନାର ଅଭିଯୋଗ ହୋଇଛି । ତେବେ ଚନ୍ଦ୍ରଶେଖରପୁର ପୋଲିସ ଏହି ଗାଡି ସଂପର୍କରେ ଓ ଗାଡିରେ କେଉଁ ମାନେ ଥିଲେ କାହିଁକି ସେମାନେ ପିଲାଟିକୁ ଗାଡିରେ ବସିବାକୁ ଡାକୁଥିଲେ ଏହାର ରହସ୍ୟ ଜାଣିବାକୁ ଛାନଭିନ ଆରମ୍ଭ କରିଛ।