କନ୍ଧମାଳ ୧୩।୦୫ : କନ୍ଧମାଳ ଜିଲ୍ଲାରେ ଏବେ ଅପରାହ୍ନ ହେଲେ ପ୍ରତ୍ୟେକ ଦିନ ଆରମ୍ଭ ହୋଇଯାଉଛି କାଳବୈଶାଖୀ ବର୍ଷା ।ଯାହାଫଳରେ ବିଜୁଳି, ଘଡଘଡି ମାରିବା ସହିତ କୁଆପଥର ବର୍ଷା ଏବଂ ପବନ ହେଉଛି । ଅନେକ ସ୍ଥାନରେ ବିଜୁଳି ଘଡଘଡ଼ି ମାରି ଗାଇ-ବଳଦ ମୃତ୍ୟୁ ବରଣ କରୁଥିବା ବେଳେ ଅନେକ ଜାଗାରେ ଗଛ ଡାଳ ଭାଙ୍ଗି ପଡୁଛି ।
ଦୁଇଦିନ ହେଲାଣି ଦାରିଙ୍ଗବାଡ଼ି ବ୍ଲକ ତିଲୋରୀ ପଞ୍ଚାୟତ ଡେମେଙ୍ଗିଆ ଗାଁର ବିଦ୍ୟୁତ ତାର ଛିଣ୍ଡି ଖୁଣ୍ଟ ତଳେ ପଡିଛି । ବିଦ୍ୟୁତ ବିଭାଗ ପାଖରେ ଖବର ଥିଲେ ସୁଧା ତାହା ମରାମତି ହୋଇପାରୁନାହିଁ । ଏନେଇ ବିଭାଗୀୟ ଅଧିକାରୀ ଶିବପ୍ରସଦ ନାୟକଙ୍କୁ ପଚାରିବାରୁ ସେ କହିଛନ୍ତି ବିଭିନ୍ନ ସ୍ଥାନରେ ଏଭଳି ଦୁର୍ଘଟଣା ଘଟିଛି । ତେଣୁ ମାରାମତି କରିବା ପାଇଁ ସମୟ ଲାଗୁଛି । ଯାହାରି ଫଲରେ ଦାରିଙ୍ଗବାଡି,ବ୍ଲକ ଏବଂ କୋଟଗଡ ବ୍ଲକ, ବାଲିଗୁଡା ବ୍ଲକର ବିଭିନ୍ନ ଗାଁ ଏବେ ଅନ୍ଧାରରେ ରହିଛି । ତୁରନ୍ତ ସମାଧାନ ପାଇଁ ସାଧାରଣରେ ଦାବି ଉଠିଛି ।
