ନୂଆଦିଲ୍ଲୀ ୦୯।୦୬; ଦିଲ୍ଲୀର ବଡ ଅଘଟଣ ଦିଲଶାଦ ଗାର୍ଡେନର କୋଡି କଲୋନୀରେ ଚାର୍ଜିଂ ପାଇଁ ରଖାଯାଇଥିବା ଦୁଇଟି ଇ-ରିକ୍ସାରେ ନିଆଁ ଲାଗିଯାଇଛି । ଯାହାଫଳରେ ଦୁଇଜଣଙ୍କର ମୃତ୍ୟୁ ହୋଇଛି। ଅଗ୍ନିଶମ ଅଧିକାରୀ କହିଛନ୍ତି ଯେ ଆମେ ରାତି ୧୧.୩୨ ରେ ସୂଚନା ପାଇଲୁ। ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା ଆରମ୍ଭ କରିଥିଲୁ।
ନିଆଁ ଲିଭାଇବା ପରେ ଜଣାପଡିଲା ଯେ ଦୁଇଟି ଇ-ରିକ୍ସା ଏବଂ ମୋଟରସାଇକେଲ ପୋଡ଼ି ପାଉଁଶ ହୋଇଯାଇଥିଲା। ଅଗ୍ନିକାଣ୍ଡ ଘଟଣାରେ ଦୁଇ ଜଣଙ୍କର ମଧ୍ୟ ମୃତ୍ୟୁ ହୋଇଛି। ମୃତକଙ୍କ ମଧ୍ୟରୁ ଜଣେ ୨୪ ବର୍ଷ ଏବଂ ଅନ୍ୟ ଜଣେ ୬୦ ବର୍ଷ ବୟସର ବ୍ୟକ୍ତି। ଇ-ରିକ୍ସା ଚାର୍ଜିଂ ଯୋଗୁଁ ଅଗ୍ନିକାଣ୍ଡ ଘଟିଥିବା ଜଣାପଡ଼ିଛି। ପୂର୍ବରୁ ଦିଲ୍ଲୀର ବିବେକ ବିହାର ଥାନା ଅଞ୍ଚଳର ବିଶ୍ୱକର୍ମାରେ ଏକ ବେଆଇନ ଚାର୍ଜିଂ ଷ୍ଟେସନରେ ନିଆଁ ଲାଗିଥିଲା। ନିଆଁ ଲାଗିବା ମାତ୍ରେ ରିକ୍ସାର ବ୍ୟାଟେରୀ ଗୁଡ଼ିକ ବିସ୍ଫୋରଣ ହୋଇଥିଲା।
ଇ-ରିକ୍ସା କାରଖାନାରେ ନିଆଁ
କହିବାକୁ ଗଲେ ଦୁଇ ଦିନ ପୂର୍ବରୁ ଶୁକ୍ରବାର ଉତ୍ତର-ପୂର୍ବ ଦିଲ୍ଲୀର ଏକ ଅଞ୍ଚଳରେ ଇ-ରିକ୍ସା କାରଖାନାରେ ନିଆଁ ଲାଗିଥିଲା। ଏହି ଦୁର୍ଘଟଣାରେ କୌଣସି ମୃତାହତ ହୋଇନାହିଁ। ଅଗ୍ନିଶମ ବିଭାଗ କହିଛି ଯେ କାରଖାନାର ଚାର୍ଜିଂ ଷ୍ଟେସନରେଘଟିଥିଲା। ଅଗ୍ନିଶମ ବିଭାଗକୁ ଅଗ୍ନିକାଣ୍ଡ ବିଷୟରେ ସୂଚନା ଦିଆଯାଇଥିଲା, ଯାହା ପରେ ଦଳ ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିଥିଲା।
