ଯାଜପୁର ୨୯/୦୮: କାନ୍ଦି କାନ୍ଦି ସମସ୍ୟା କହିଲେ ଆଉ କୁଣ୍ଢାଇ ପକେଇଲେ ଜିଲ୍ଲାପାଳଙ୍କୁ । ବନ୍ୟା ପ୍ରଭାବିତ ଅଂଚଳରୁ ଆସିଲା ଏମିତିକି ଏକ ଦୃଶ୍ୟ । ବନ୍ୟା ପାଣି ଛାଡିବା ପରେ ବନ୍ୟାବିପନ୍ନଙ୍କ ଆଖିରୁ ଲୁହ ଶୁଖୁନି । ଏହି ସମୟରେ ଜିଲ୍ଲାପାଳ ଓ ସାଂସଦ ଘଟଣାସ୍ଥଳ ବୁଲୁଥିବାବେଳେ କୁଣ୍ଡେଇ ପକେଇ କୋହ ଭରା କଣ୍ଠ ରେ ଦୁଃଖ ଜଣାଇଲେ ବନ୍ୟା ବିପନ୍ନ।
ଏଭଳି ଦୃଶ୍ୟ ଦେଖିବାକୁ ମିଳିଛି ଯାଜପୁର ଜିଲ୍ଲା ଦଶରଥପୁର ଦରଘାରେ । ବୈତରଣୀର ଶାଖା ନଦୀ କାଣୀରେ ୧୫୦ଫୁଟ ଘାଇ ସୃଷ୍ଟି ହେବା ଫଳରେ ଗାଁ ଭିତରେ ପାଣି ପଶିଥିଲା ଏବଂ ଅନେକ ଅଂଚଳ କ୍ଷତିଗ୍ରସ୍ତ ହୋଇଥିଲା। ନଦୀର ଜଳସ୍ତର ଯଦିଓ କମିଛି କିନ୍ତୁ ଗାଁରୁ ସମ୍ପୂର୍ଣ୍ଣ ପାଣି ଛାଡିବାକୁ ସମୟ ଲାଗିବ ।
କିନ୍ତୁ ବନ୍ୟା ପ୍ରଭାବରେ ଜୀବନ, ଜୀବିକା ସବୁ ଉଜୁଡ଼ିଯାଇଛି। ଦଶରଥପୁରର ମୁଖ୍ୟତଃ କସପା, ଅହିୟାସ, ମଲିକାପୁର ଆଦି ଅଞ୍ଚଳ ପ୍ରବଳ କ୍ଷତି ଗ୍ରସ୍ତ ହୋଇଛି । ତେବେ ଘଟଣାସ୍ଥଳ ପରିଦର୍ଶନ କରିବାକୁ ସାଂସଦ, ଜିଲ୍ଲାପାଳ ଓ ନେତା ପହଞ୍ଚିଥିବାବେଳେ ଏଭଳି ଦୃଶ୍ୟ ଦେଖିବାକୁ ମିଳିଛି ।
