ଯାଜପୁର ୧୭।୦୬ : ଯାଜପୁରରେ କେନ୍ଦ୍ରୀୟ ଟିମ୍ । ବିଭିନ୍ନ ସ୍ଥାନରେ ପହଞ୍ଚି ତଦାରଖ କରୁଛନ୍ତି । ଏହାସହ ୨ ଶହରୁ ଅଧିକ ସ୍ଥାନରେ ଖାଦ୍ୟ ସୁରକ୍ଷା ଟିମ୍ ପକ୍ଷରୁ ଚଢାଉ ଜାରି ରହିଛି ।
ଖବର ଅନୁଯାୟୀ, ଯାଜପୁରରେ ଗତ କିଛି ଦିନ ହେଲା ଝାଡ଼ାବାନ୍ତି ବ୍ୟାପିବାରେ ଲାଗିଛି । ଯାହାଫଳରେ ଏକାଧିକ ଲୋକଙ୍କର ମୃତ୍ୟୁ ହୋଇସାରିଛି । ଏହିକ୍ରମରେ ମଙ୍ଗଳବାର ଦିନ କେନ୍ଦ୍ରୀୟ ଟିମ୍ ଆସି ଯାଜପୁରରେ ପହଞ୍ଚିଛନ୍ତି । ଯାଜପୁରରେ ପହଞ୍ଚି ବିଭିନ୍ନ ସ୍ଥାନମାନଙ୍କରେ ବୁଲି ତଦାରଖ କରୁଛନ୍ତି । ଯାଜପୁର ଜିଲ୍ଲା କେନ୍ଦ୍ରୀୟ ଟିମ୍ ସହ ସ୍ଥିତି ନେଇ ସମୀକ୍ଷା କରୁଛନ୍ତି । ଏହି ସମୀକ୍ଷା ବୈଠକରେ ମେଡିକାଲ କଲେଜ ଅଧ୍ୟକ୍ଷଙ୍କ ସହ ବରିଷ୍ଠ ଅଧିକାରୀ ଉପସ୍ଥିତ ରହିଛନ୍ତି ।
ଅନ୍ୟପଟେ ବିଭିନ୍ନ ପାଣି ପ୍ୟାକେଜିଂ କାରଖାନା, ଥଣ୍ଡା ତିଆରି କାରଖାନାର ସହ ୨ ଶହରୁ ଅଧିକ ସ୍ଥାନରେ ଚଢାଉ କରୁଛି ଖାଦ୍ୟ ସୁରକ୍ଷା ଟିମ୍ । ଉଭୟ ଟିମ୍ ମିଳିତ ଭାବେ ବିଭିନ୍ନ ସ୍ଥାନମାନଙ୍କରେ ବୁଲି ତଦାରଖ କରୁଛନ୍ତି । ଏହି ସମୟରେ ୫ଟି ପାଣି ପାଉଚ୍ ପ୍ୟାକେଜିଂ ସହ ୧୧ଟି ହୋଟେଲ୍କୁ ସିଲ୍ କରିଛି ଖାଦ୍ୟ ସୁରକ୍ଷା ବିଭାଗ ।
