ଅନୁଗୋଳ ୨୯।୭: ସାମାନ୍ୟ ବର୍ଷାରେ ରାଜପଥରେ ଜମୁଛି ପାଣି । ଖରାପ ରାସ୍ତା ଯୋଗୁଁ ଖରାପ ହେଉଛି ଗାଡ଼ି ଯନ୍ତ୍ରାଂଶ । ତେଣୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରୁ ରାଜ୍ୟର ବିଭିନ୍ନ ସ୍ଥାନକୁ ବସ୍ ସେବା ବନ୍ଦ କରିଛନ୍ତି ବସ୍ ମାଲିକ ସଂଘ । ଏହି ଆନ୍ଦୋଳନରେ ୩୦ ଜଣ ବସ୍ ମାଲିକ ସାମିଲ ଅଛନ୍ତି ।
ସୂଚନାଯୋଗ୍ୟ ଯେ, ପ୍ରତିଦିନ ଏହିଠାରୁ ରାଜ୍ୟର ବିଭିନ୍ନ ସ୍ଥାନକୁ ଶହେରୁ ଉର୍ଦ୍ଧ୍ବ ବସ୍ ଚଳାଚଳ କରିଥାଏ । ତାଳଚେର ଗୋଡିବନ୍ଧରୁ ବଂରପାଳ ପର୍ଯ୍ୟନ୍ତ ୧୪୯ ନମ୍ବର ଜାତୀୟ ରାଜପଥରେ ବଡ ବଡ ଗର୍ତ୍ତ ଥିବାରୁ ସାମାନ୍ୟ ବର୍ଷାରେ ପାଣି ଜମୁଛି । ଏହି ରାସ୍ତାରେ ବହୁ ଜୀବନ ହାନି ହେଉଛି । ସେପଟେ ଏପରି ରାସ୍ତାରେ ଗାଡ଼ି ଚଳାଇଲେ ଗାଡିର ଯନ୍ତ୍ରାଂଶ ସବୁ ନଷ୍ଟ ହୋଇଯାଉଛି । ଗାଡି ମାଲିକଙ୍କୁ ଲାଭ ପରିବର୍ତ୍ତେ କ୍ଷତି ସହିବାକୁ ପଡୁଛି । ତେଣୁ ଅଚାନକ ଅନିର୍ଦ୍ଦିଷ୍ଟ କାଳ ପାଇଁ ଏହି ରାସ୍ତାରେ ଗାଡ଼ି ଚଳାଚଳକୁ ବନ୍ଦ କରିଛି ତାଳଚେର ବସ୍ ମାଲିକ ସଂଘ । ବସ୍ ସେବା ବନ୍ଦ ଯୋଗୁଁ ଯାତ୍ରୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଯାତ୍ରୀ ।
You Can Read:
ଚଷମାରେ ହିଡେନ୍ କ୍ୟାମେରା ଲଗାଇ ଶ୍ରୀମନ୍ଦିରରେ ପ୍ରବେଶ କଲେ ଯୁବକ, ବେହରଣ ଦ୍ବାର ନିକଟରେ ଧରାପଡିଲେ
