ନୂଆଦିଲ୍ଲୀ: ଅହମ୍ମଦାବାଦ ବିମାନ ଦୁର୍ଘଟଣା ଉପରେ ଶନିବାର କେନ୍ଦ୍ର ସରକାର ସାମ୍ୱାଦିକ ସମ୍ମିଳନୀ କରିଛନ୍ତି । ସରକାର କହିଛନ୍ତି ଯେ ବିମାନଟି ପ୍ୟାରିସ-ଦିଲ୍ଲୀ ଓ ପରେ ଦିଲ୍ଲୀରୁ ଅହମ୍ମଦାବଦ ଯାଏ ଦୁର୍ଘଟଣା ପୂର୍ବରୁ କୌଣସି ସମସ୍ୟାର ସମ୍ମୁଖୀନ ହୋଇନଥିଲା । ଜୁନ୍ ୧୨ରେ ଅପରାହ୍ଣ ପ୍ରାୟ ୨ଟା ବେଳେ ସରକାରଙ୍କୁ ଦୁର୍ଘଟଣା ବାବଦରେ ଏଟିସି ପକ୍ଷରୁ ପ୍ରଥମେ ସୂଚନା ଦିଆଯାଇଥିଲା । ବେସାମରିକ ବିମାନ ଚଳାଚଳ ମନ୍ତ୍ରୀ କହିଛନ୍ତି, କ୍ରାସ୍ ପୂର୍ବରୁ ଏଟିସିକୁ ବିମାନର ପାଇଲଟ୍ ଅପରାହ୍ଣ ୧.୩୯ ମିନିଟରେ ମେଡେ କଲ୍ କରିଥିଲେ, ଅର୍ଥାତ୍ ପୂରା ଏମର୍ଜେନ୍ସି । ଏହାପରେ, ଯେତେବେଳେ ଏଟିସି ବିମାନ ସହ ଯୋଗାଯୋଗ ପାଇଁ ଉଦ୍ୟମ କରିଥିଲା, କିନ୍ତୁ କୌଣସି ଉତ୍ତର ମିଳିନଥିଲା । ଠିକ୍ ଗୋଟିଏ ମିନିଟ୍ ପରେ ବିମାନ ମେଘାନୀନଗରରେ ଦୁର୍ଘଟଣାଗ୍ରସ୍ତ ହୋଇଥିଲା ।
କେନ୍ଦ୍ରମନ୍ତ୍ରୀ ରାମ ମୋହନ ନାଇଡୁ କହିଛନ୍ତି, 'ଗତ ଦୁଇ ଦିନ ଅତ୍ୟନ୍ତ କଠିନ ଥିଲା । ଅହମ୍ମଦାବାଦ ଏୟାରପୋର୍ଟ ନିକଟରେ ହୋଇଥିଲା ଦୁର୍ଘଟଣା ସାରା ଦେଶକୁ ଦୋହଲାଇ ଦେଇଛି । ଏହି ଦୁର୍ଘଟଣାରେ ନିଜ ପ୍ରିୟଜନଙ୍କୁ ହରାଇଥିବା ପରିବାର ପ୍ରତି ମୋର ଗଭୀର ସମବେଦନା ରହିଛି । ମୁଁ ବ୍ୟକ୍ତିଗତ ଭାବେ ଘଟଣାସ୍ଥଳକୁ ଯାଇଥିଲା, ଫଳରେ କଣ କରାଯିବା ଦରକାର, କଣ ସହାୟତା ପ୍ରଦାନ କରାଯିବା ଦରକାର ତାହା ପରଖିଥିଲୁ । ଗୁଜରାଟ ସରକାର ବି ସମାନ ଅଭିମୁଖ୍ୟ ଦେଖାଇଥିଲେ । ଭାରତ ସରକାର ଓ ମନ୍ତ୍ରଣାଳୟ ଅନ୍ୟ ଲୋକଙ୍କ ମଧ୍ୟ ସମାନ ଆଭିମୁଖ୍ୟ ରହିଥିଲା ।'
#WATCH | #AhmedabadPlaneCrash | Delhi: Samir Kumar Sinha, Secretary of the Ministry of Civil Aviation, says "On 12th June around 2PM, we received the information that the plane going from Ahmedabad to Gatwick London had crashed. We immediately got detailed information about this… pic.twitter.com/AtrriJeCQn
— ANI (@ANI) June 14, 2025
ଅନ୍ୟପଟେ ବିଭାଗର ସଚିବ ସମୀର କୁମାର ସିହ୍ନା କହିଛନ୍ତି, ଜୁନ୍ ୧୨ ଅପରାହ୍ଣ ୨ଟାରେ ଦୁର୍ଘଟଣା ନେଇ ଖବର ମିଳିଥିଲା । ଏଟିସି ଅହମ୍ମଦାବାଦ ଜରିଆରେ ଆମକୁ ବିସ୍ତୃତ ସୂଚନା ମିଳିଥିଲା । ବିମାନ ଅପରାହ୍ଣ ୧.୩୯ ମିନିଟରେ ଉଡାଣ ଭରିଥିଲା ଓ କିଛି ସେକେଣ୍ଡ ମଧ୍ୟରେ ପ୍ରାୟ ୬୫୦ ଫୁଟ୍ ଉଚ୍ଚରେ ପହଞ୍ଚିବା ପରେ ଖସିବା ଆରମ୍ଭ କରିଥିଲା । ଅଧିକ ସୂଚନା ଦେଇ ସେ କହିଛନ୍ତି, ଉଡାଣର ଠିକ୍ ଗୋଟିଏ ମିନିଟ ପରେ ବିମାନ ବନ୍ଦରଠାରୁ ପ୍ରାୟ ୨ କିଲୋମିଟର ଦୂରରେ ବିମାନ କ୍ରାସ୍ କରିଥିଲା । ଦୁର୍ଘଟଣା ପରେ ଅପରାହ୍ଣ ୨.୩୦ଟାରେ ରନୱେକୁ ବନ୍ଦ କରାଯାଇଥିଲା ଓ ସମସ୍ତ ପ୍ରୋଟୋକଲ ପୂରା କରିବା ପରେ ସଂଧ୍ୟା ୫ଟାରେ ସୀମିତ ଉଡାଣ ପାଇଁ ଖୋଳାଯାଇଥିଲା ।
